💓💎إبن السنة💎💓

البارت 25

💎🎀إبن السنة🎀💎

📌لقد طال الغياب بيننا فهل من لقاء يجمعنا📌

بقلمي:  latifa el 🖋️

البارت:25

مجمعين على طابلة ديال لعشة كيتعشاو  حتى كتنطق
حسنية:  عمر
عمر:  امم
حسنية:  اليوم جات عندي ختي سمية
عمر:  اوا مزيان امتى جات
حسنية:  جات عندي. هي وبنتها صباح فاش مشيتي لخدمة مع ديك 11 هكاك
عمر:  اش كتعود لباس عليها سي قاسم لباس عليه كي راه مع الصحة
حسنية:  بخير لباس جات عندي على وديت إحسان
إحسان كانت كتاكل ساكتة وحانية راسها كتسمع لهدرتهم غير نطقات اسمها علات فيها راسها كتستناها شنو تقول
عمر:  وعلاش
حسنية:  جات طالبة يدها لولدها يعقوب
احسان حسات بالدنيا كدور بيها مع هاد الهدرة لي قالت ماماها بلعات ريقها
عمر:  اوا مزيان مقالت عيب الولد. مفيه ميتعاب والولد تربة قدام عنينة مافيها عيب الى بغات بنتك
حسنية شافت فاحسان:  اش قولتي فهاد الهدرة
إحسان ناضت:  قولي ليها لا
ومشات لبيتها
عمر:  مالها
حسنية:  معرفتش انا نشوفها مالها
ناضت تبعاتها لقاتها كالسة فوق النامسية قربات ليها
حسنية:  مالكي ياك لباس اش هاد. الهدرة كتقولي نتي
احسان:  ياك قولتو بغيتو تسمعو قراري انا قولت ليك لا مبغيتش نتزوج
حسنية:  مزيان تبارك الله انا معرفت نتي مالك لي جا عندك. اخطبك كترفضي سمعني مزيان ابنت كرشي هاد المرة ماشي على كيفك هاد الولد مافيه ميتعاب وحتى وحدة مغادي تفلتو من بين يديها الولد متاقي الله وخدام وبرزقو وزيدي عليها ولد خالتك شنو نقول ليها نقول ليها لا بنتي معجبهاش ولدك عندك منهنا لغدا تفكري مزيان فهدرتي  صباح نرض عليها
احسان:  انا قولت ليك لا وهادة هو القرار لي غادي ابقة منهنا لصباح بلامة تبقاي كتستناي سيري رضي عليها وقولي ليها قالت ليك لا مبغيتوش
حسنية شافت فيها شحال وخرجات سدات عليها الباب
احسان بلعات ريقها:  ياربي اش هادشي كيوقع معايا حتى قولت تكدات حياتي وليت شادة راسي وبخدمتي  منين خرج ليا هاد زواج

عمر:  اش قالت ليك مالها
حسنية:  انا مفهمتهاش  هادي اش باغيا دير لي جا عندها تقول لا ولكن هاد المرة انا لي غادي. نزوجها وانا لي عارفة مصلاحتها غير بلاتي عليها
عمر ناض:  ديري لي بغيتي انا خرجوني من هاد السوق
ومشا غسل يديه ومشا لبيتو انعس
حسنية:  الولد على مزيناتو براكة غير الإحترام لي فيه وهي هازة خنافرها لسما كتشرط اوا تسناي اجيك بيلوط

كانت واقفة فبيتها لابسة ومقادة كتستناه اجي كولشي مشا انعس  
حتى كتسمع صوت تليفونها جوبات بزربة
اسيا:  الو هاني وخا انا هابطة
قطعات معاه وخرجات كتسلت سدات باب بيتها بالساروت  وخرجات من الدار هازة ساكها هبطات لتحت لقاتو كيستناها فالطموبيل ركبات حداه قربات ليه باستو فخدو
اسيا:  السلام عليكم
مصطفى:  عليكم السلام
اسيا:  سير سير قبل ميشوفنا شي حد
زاد كسيرة خارج من الحومة
مصطفى شاد يديها بين يدو:  كي راكي مزيانة
اسيا:  بخير ونت
مصطفى:  بخير حتى انا غير توحشتك
اسيا ضحكات:  حتى انا توحشتك
ضحك ليها وبقا  مكمل طريقو غادي للوجها ديالو
اسيا:  فين غادي نمشيو
مصطفى:  لواحد بلاصة غادي تعجبك
اسيا:  ولكن خاصني دغيا نرجع لدار
مصطفى باس يديها:  حتى لصباح ونرجعك
اسيا:  اولي وبابا
مصطفى:  ماشي سوقي هاد الليل مكاين لي ابرزطنا غير كوني هاينا
اسيا فهماتو شنو قصد بتسمات تحت نقابها بقات غير ساكتة وقف الطموبيل قدام واحد  الدار جاية على لبحر منعزلة فواحد لبلاصة   وقف الطموبيل مشا جيهتها حل ليها الباب مد ليها يدو شدات فيه هبطات كدور عنيها فلبلاصة كانت زوينة بزاف وكولها ضواوة وصوت لبحر كيتضرب مع لحجر كان صوت زوين
اسيا حطات يديها:  البرد هنا
مصطفى حيد. المنطو لي كان لابس حطو على كتافها:  اجي ندخلو لداخل غادي تدفاي
اسيا:  لا لا اجي نشوفو لبحر شوية وندخلو
بتاسم ليها وشد فيديها  ومشاو جيهت لبحر وقفها وجا موراها ملصق ضهرها مع صدرو ومدور يديه على كرشها كيشوفو فلبحر قدامهم كيف كيجيو الأمواج قويين وكيضربو فداك لحجر لي قدامهم بقاو مودة ساكتين حتى كتنطق
اسيا:  مصطفى
مصطفى:  امم
اسيا:  علاش مقولتيش ليا  شنو دار ليك عثمان كامل بقيتي مخبي عليا
مصطفى تنهد  فاش تجبد هاد المضوع مكيبغيش اجبدو مكيبغيش احقد على شي حد دورها عندو وشاف ليها فعنيها:  حبيبتي نساي علينا داك المضوع اي واحد كيدير شي حاجة فهاد. الدنيا غادي اتعقب عليها فالآخيرة مغاديش نبقاو حنا نضيعو فحياتنا على وديتهم خلينا نعيشو حياتنا وننساهم
اسيا:  ولكن علاش حاول افرقنا شنو السبب
مصطفى:  انا نقوليك علاش ولكن توعديني مغاديش ابقة هاد المضوع اتحل
اسيا هزات راسها بأه
مصطفى:  هو الهدف ديالو احيدني من طريق لأنو بابا هو لكبير عند. باباه وجدي عطا لبابا هو لي كيسير كاع الأملاك ديالو الى كمية قليلة لي عطاها لعمي  حيت عمي كان قليل المسؤوليا مكيهزش المسؤوليا وعطاهم لبابا لي وقف عليهم ووقف مع جدي فبزاف ديال لحوايج فاش كبر عثمان مرضاش نكون انا الوريث ديال بابا وانا لي نهز كتر منو داكشي علاش كيحول انه ابعدني من طريقو بأي طريقة باش يبقة هو الوريث الوحيد ديال العائلة وياخد كولشي
اسيا:  وشنو  دخل زواجنا فهادشي
مصطفى:  خاف لتحملي وتجيبي ليا وريث العائلة ديك الساعة غادي اضيع ليه كولشي
اسيا عاد فهمات شنو وقع:  اه هكاك
مصطفى:  فهمتي. دبا هو كيحول اتهنى مني قبل متحملي نتي دبا احبيبتي نسدو. هاد. المضوع انا بغيت نبقة معاك هاد ليلة غير انا وياك بعاد. على المشكيل صافي
اسيا عنقاتو:  وخا احبيبي خلينا ندخلو لداخل جاني البرد
عنقها. عندو حتى هو. وزاد دخلو لداخل مع الدخلة كانت واحد لكليسة قدام الباب نيشان عبارة على صالون صغير كلو مزوق والطابلة عامرة موجدين عليها لعشا  وشموع فوق منها مضويين لبلاصة واحد الفايوز فوق واحد طبيلة صغيرة 
اسيا بتسمات:  زوينة بزاف
مصطفى بتاسم ليها: عجباتك
اسيا:  اه زوينة
مصطفى شدها من يديها  وبتاسم:  سيري طلعي الفوق بدلي عليك. واجي
هزات راسها باه وطلعات مع دروج طلعات الفوق بانو ليها جوج بيبان دخلات للبيت لي بان ليها فيه شوية ديال الضو مع الدخلة بان ليها كولشي مزوق بالورد  وشميعات فلحمر طالقين واحد. الريحة زوينة فالبيت شافت فوق النامسية بانت ليها واحد لكسيوة  قربات ليها كتشوف فيها كان كسوة فلحمر جاية حد لفخاد مشبكة جيهت صدر وعامرة بالدونتيل  بتسمات هزاتها كتشوف فيها حيدات عليها داك الخمار بالزربة لبساتها  وقربات لمراية  طلقات شعرها مشطاتو خلاتو على راحتو  هزات لكحل من صاكها كحلات عنيها  زادو برزو مع لونهم الأسود جاو بحال  ضلام فضلام وديك لبيوضة ديال العنين بانت كتر جات زوينة بزاف   هزات ريحة لقاتها تماك باينة ديالو رشات منها وخرجات هابطة عندو
كان كالس كيستناها تجي عندو بقا بصدرو عريان لابس غير سروال شعل التدفأ فالدار وسخن الجو
بانت ليه هابطة فدروج بديك لبيسة بقا كيشوف فيها وشعرها طويل لي كيحمقو واللون ديالو  بانت ليه بحال شي حرية هابطة بقا كيشوف فيها حتى قربات توصل عندو ناض قرب ليها كيشوف فيها مد ليها يدو شدات فيه وخدودها موردين بالحشمة
مصطفى:  جيتي كتحمقي
اسيا بتسمات كتحول تهبط ديك لبيسة لي لابسة شافت فيه:  جبتيها قصيرة بزاف
مصطفى ضحك وجرها. عندو قرب حتى لودنيها وقال:  دبا نحيدوها حتى هي متخافيش
اسيا حنات راسها خاشياه فصدرو:  كون تحشم
مصطفى ضحك:  اجي نتعشاو
قربها جيهت الطابلة كلس وكلسها حداه  دورات عنيها على الطابلة بانت ليها صوبة بفواكه البحر تشهاتها:  بغيت صوبة
مصطفى:  وخا الالة انا نصب ليك
عمر ليها فزلافة وحط ليها حداها عمر ليه حتى هو وبقاو كيتعشاو