💓💎إبن السنة💎💓

البارت34

💎🎀إبن السنة🎀💎

📌لقد طال الغياب بيننا فهل من لقاء يجمعنا📌

بقلمي:  latifa el 🖋️

البارت:34

دوش عليه  وخرج مدور على نصو فوطة  لبس عليه حوايجو سروال سورفيط مع تشورت نص كم خرج مشا عندها اشوفها

كانت مكمشة فوق النامسية كتشوف فنقطة وحدة  خايفة بزاف ودموع هابطين من عنيها قفزات من بلاصتها  فاش تحلات الباب  ولات كولها كترعد كتشوف فيه كيقرب ليها كلس فوق النامسية
يعقوب مد يدو باغي اقيصها:  احسان
احسان بعدات عليه مكالية راسها مع لكادر دنامسية  كتشوف فيه وكتهز راسها بلا
يعقوب جمع يديه:  صافي كلماي انا مغادي ندير ليك والو غير تهدني متخافيش
احسان:  خرج عليا مبغيتش نشوفك بغيت نبقة بوحدي عافك خرج
يعقوب تنهد كمسح على شعرو:  بغيت غير نعرف مالكي
احسان غوتات:  قولت ليك خرج عليا بعد مني بغيت نبقة بوحدي
يعقوب ناض وقف كيشوف فحالتها كي ولات:  وخا صافي انا هنا غير فالبيت لاخر الى بغيتي شي حاجة 
خرج من البيت ناضت تبعاتو غير خرج سدات الباب موراه سورتاتها بالساروت
دور راسو شاف فديك الباب وزاد كمل طريقو اول حاجة جات فبالو هي باب الدار مشا جيهتها سدها بالساروت وخدا الساروت عندو ودخل للبيت تكا بلاصتو  كيفكر فيها وفحالتها
بقا مودة فديك الحالة فكرة كتديه وفكرة كتجيبو حتى داه نعاس

بقات مودة كالسة على حالتها
احسان كدور راسها فالبيت:  خاصني نخرج منهنا مغاديش نبقة هنا انا غادي. نخرج
ناضت  هزات نيقابها دارتو على وجها وخرجات من البيت  غادية على صباع رجليها قربات لباب الدار ياله اتفتح لقاتو مسدود تنهدات دورات راسها  كتشوف واش تلقة زعما شي ساروت مبان ليها ولات تنهدات ورجعات دخلات للبيت سادة على راسها فالبيت رجعات مكمشة فوق النامسية  حتى غلبها لعية ونعسات بلامة تحس على راسها

خرجات من الدوش من بعد ما دارت اللمسة الأخير على شفايفها فعكر حمر مع ديك. شوميز  دونوي لي كانت لابسة فلبيض مدورة على شكل فريفرات فلتحت بدونتيل غير بصميطات وجيهت صدر كولها مشبكة تقريبا صدرها كلو باين كانت شوميز مغربة بكل ما تحمل الكلمة من معنة  هزات شعرها رجعاتو لجنب  وبين عنقها طويل  خرجات من باب الدوش  هزات فيه عنيها هو لي بدورو شاف فيها فاش سمع الباب تحلات كان واقف كيطل من الشرجم هاز كاس ديال القهوة فيدو  دور راسو شاف فيها كيطلع فيها وهبط دور راسو لشرجم المحلول سدو ورجع عليه الخامية وتقدم جيهتها هو غادي ليها وهي غادية ليه بكل جرئة  كتشوف فقط فديك الطاسة لي بين يديه وكطلع وتهبط فيه كان سلاب غير شورط قصير فلكحل وشعرو باقي فازك من الدوش لي خدا مد يدو حط الطاسة فوق الطابل دونوي دورات عنيها كتشوف فديك. الطاسة قالبة طريقها جيهتها قربات ليها وهو غير كيشوف فيها هزاتها بين يديها وشربات منها شوية قرب ليها وقف موراها ملصق صدرو مع ضهرها حاط نيفو على شعرها  كيستنشق ريحت شعرها هبط وجهو حتى لعنقها وباسها فعنقها وطلع عينو فلمراية كيشوف فيها
مصطفى:  متشربيش القهوة خايبة على ود البيبي
اسيا حطات يديها على يدو لي محاوط بيها كرشها:  هو لي باغيها ومن نفس الكاس لي شرب باه
مصطفى بتاسم ليها وقال:  هو لي بغاها ولا نتي
وغمزها
اسيا بتسمات كتشوف فيه من لمراية:  بجوج
مصطفى قلبها عندو كيشوف فيها كيطلع وهبط فيها ستقرو عنيها على صدرها لي نصو مغطيه شعرها مد يدو كيبعد شعرها كيرجعو مورة ضهرها باش تبان ليه الرأية أكتر والصورة واضحة.......