💓💎إبن السنة💎💓

البارت 11

💎🎀إبن السنة🎀💎

📌لقد طال الغياب بيننا فهل من لقاء يجمعنا📌

بقلمي:  latifa el 🖋️

البارت:11

اسيا كتغوت وهو كيقطع عليها فحوايجها بحال شي ثور هايج  كتفركل تحت منو كلما كيبغي ابوسها كتهرب ليه وجها حسات بيه باغي اهبط ليها الصاية ديال الخمار هنا جعرات بلعات ريقها ودورات راسها كتقلب على اي حاجة تعتق بيها راسها حتى كتلمح سلاحو لي خاشي فضهرو مدات يديها ليه جبداتو بلعات ريقها وجمعات يديها عندها حطات سلاح تحت من ضهرها جمعات كل قوتها ودفعاتو عليها ناضت بزربة وقفات هازة سلاح فيديها  موجهاه جيهتو
اسيا:  الى قربتي ليا غادي. نقتلك بعد
طارق كيشوف فيها كيف كترعد  ويديها كترجف:  طلقي داك زبل واش نتي مريضة
اسيا:  نت لي مرضتني خليني نمشي فحالي
طارق كيقرب ليها:  طلقي داك سلاح
اسيا غوتات:  الى قربتي غادي نتيري بعد
طارق:  اش غادي. ديري نتي اري
ياله ايمد. يدو احيدو ليها غمضات عنيها وضغطات على  زناد حتى كتسمع صوت رصاصة 
لاحت داك سلاح فلرض وغوتات:  اعععع اربي
كتشوف فيه فين جاتو ديك رصاصة بان ليها طاح على ركابيه كيشوف فيها وجيهت صدرو حتى دم بلعات ريقها  مشات كتجري جيهت نقابها هزاتو  طلعات صايتها كمشات خيمارها جيها لي كان تشرك منو  وخرجات كتجري مخلياه موراها غارق فدمو  خرجات على برا بانت ليها طموبيلتو مشات ليها لقاتها محلولة ركبات فيها وكسيرات نيشان لسبيطار

مودة ديال الوقت وهي فطريق حاسة  براسها على شوية وتصخف من  كترت الخوف لي حسات بيه  وصلات قدام سبيطار طلعات نيشان لبيت لي فيها مصطفى مع الدخلة لقاتو ياله كيحل عنيه غير شافها ناض كلس كيشوف فيها
مصطفى:  اسيا
اسيا مشات كتجري عندو تلاحت عليه عنقاتو وبقات كتبكي
مصطفى:  فين كونتي شنو وقع ليك اش هاد. الحالة شكون هاد شماتة
اسيا كتبكي:  كونت كنستناك تعتقني ماجيتيش
مصطفى بلع ريقو:  سمحي ليا مقديتش
اسيا بعدات عليه فاش تفكرات السيرة ناضت وقفات شافت فداك السيرو وشافت فيدو مشات نيشان ليدو نترات منو داك السيرو وشدات ليه يدو باش مينزفش:  بسباب هاد. السيرو تشللو ليك رجليك
مصطفى:  شنو
بانت ليها واحد. الباندا على الكوفرلي دوراتها على يدو وشافت فيه:  خاصك تخرج من هاد. صبيطار
مصطفى:  اسيا اش واقع
اسيا:  مواقع والو خاصك تخرج منهنا قبل ميديرو ليك شي حاجة كتر من هادشي  انا  نعونك 
مشات حدا رجليه ضغطات على واحد لعيبة وجرات بيه داك البياص مخرجاه بان ليها طبيب جاي عندها
طبيب:  فين غادية بلمريض
اسيا:  غادي. نخرجو من هاد. سبيطار
طبيب:  ولكن
اسيا:  قولت ليك. غادي. نخرجو  طبيب:  وخا لي بغيتي
بانو ليه جوج. ممرضين دازو من تماك  عيط عليهم عونوها هبطوها داروه فالطموبيل ركبات هي وكسيرات   نشان لدار مصطفى غير كيشوف فيها  مصدوم من التصرف لي دارت  وقفات الطموبيل حدا الباب بان ليها يعقوب ياله داخل لدار حتى هو غير شافها هبط مشا عندها كيجري:  اسيا  ختي شنو وقع معاك. اش هاد. الحالة نتي فيها
اسيا:  خوية عوني نطلعوه لبيتو هو لول ونعود. ليكم شنو وقع
يعقوب:  وخا
تعونو عليه طلعوه حطوف فالنامسية ديالو خرجات اسيا مشات نيشان لبيتها كيدات عليها دوك لحوايج لي كانت لابسة  دوشات عليها عاد. خرجات لبسات حوجات خرين دارت نيقابها. وخرجات عندهم  لقاتهم كيستناوها تفهمهم شنو وقع 
مصطفى:  شنو وقع معاك
اسيا كلسات وبقات كتعود ليهم ودموع فعنيها:  كان باغي اغتصبني  هربت ليه غير بزز كون ماشي سلاح ديالو لي فكني معرفتش شنو كان غادي. اوقع كونت كنستنا منكم تعتقوني كنقول  دبا اجي خويا دبا اجي خطيبي اعتقني  ولكن ملقيت حتى واحد
مسحات عنيها وشافت فيهم:  ولكن
يعقوب حنى راسو بلع ريقو وقال:  سمحي ليا مقديتش نحميك
ناض خرج  معصب من راسو
مصطفى: انا مكنستهلكش منافع فوالو كونتي فالموت ومقديت ندير حتى حاجة بقيت غير كنشوف شنو غادي. ديري بواحد بحالي شاد لفراش  شنو عندك ماديري بيا الى بغيتي نفسخو هاد. الخطوبة لي بيناتنا انا معندي. حتى مشكيل نتي كتستاهلي شي واحد احميك وكون حداك وعتقك فاش تكون فبحال هاد. المواقف
اسيا بقات كتشوف فيه شحال وقالت:  هادشي لي عرفتي متقول دبا  نفسخو الخطوبة سمعني امصطفى انا فاش وفقت على هاد. زواج  ماشي وافقت عليك غير فاش تكون بصحتك انا راه بغيتك نت بصحتك بغيتك ونت مريض بغيتك فأي حاجة من حلاتك ديرها فراسك وهاد. المرض غادي تبرة منو وانا لي غادي. نوقف على هادشي
مصطفى تصدم فلخر بتاسم وقال:  تقبلي تتزوجي بيا وخا انا مريض
اسيا:  اه ومن دبا
مصطفى:  كي كيبان ليا خاصنا نديرو العقد. ديك الساعة هداك طارق معندو ميدير ليك نحدو ليه احلامو
اسيا:  لي بغيتي
مصطفى:  مقولتيش ليا علاش خرجتيني من داك سبيطار  يقدر اكون العلاج اكون ساهل
اسيا:  علاش غادي. اكون ساهل مدام هوما سباب باش وليتي فهاد. الحالة
مصطفى:  كفاش
اسيا:  كي كتسمع داك السيرو لي كانو كيديرو ليك كان فيه واحد التسمم عوضوي
مصطفى:  بحلاش
اسيا:  داك التسمم العضوي هو لي سبب ليك الشلل فرجليك ضرر ليك الشريين ديال رجليك
مصطفى:  وشنو المعمول دبا
اسيا:  غادي. نشري ليك واحد دوا غادي. تشربو مع ريضات اليومية غادي تولي كي كنتي  غير صبر دبا

مصطفى:  انا غادي نهدر مع يعقوب اوجد لينا لوراق نديرو العقد
اسيا حنات راسها:  وخا حتى انا انمشي عندو نوصيه اجيب ليك شي دويات
مصطفى:  انا غادي. نعيط لواحد السيد كنعرفو اجي ادي علينا طموبيل ديال هداك ولد عمك منهنا غير سيري رتاحي شوية
اسيا:  وخا حتى نت رتاح  انا غادي. نشوف واش وجدو شي غدا
خرجات من. عندو هز. تليفونو صونة لواحد السيد اجي ادي طموبيلة طارق عاد تكا حاس برجليه تقال بزاف وعاطينو صداع

هبطات لتحت دخلات الكوزينة لقات الخدامة كالسة والطباخة كدير لغدا
اسيا:  اش وجدتي لغدا
طباخة:  كنوجد الأطايف كيعجبو لمسيو مصطفى قولت نوجدهم ليه
اسيا:  وخا مزيان انا نوجد ليه واحد. الصوبة
حلات الثلاجة جبدات الخضرة حطاتهم على الطابلة وكلسات كتنقيها والخدامة كتشوف فيها
الخدامة:  باينا فيك كتبغيه
اسيا شافت فيها بقات غير ساكتة مجوباتهاش
الخدامة:  شكون خطفك سمعت بالي ولد. عمك لا واش كان حبيبك
اسيا طلعات عينها فيها ورجعات سكتات
الخدامة:  باينا مالي هربتي من بلادك وجيتي لهنا اتكوني درتي ليه شي حاجة
اسيا:  كوني تحشمي وديها شوية فراسك نساي عليك حوايج ديال الناس
الخدامة ناضت وقفات:  يسحاب ليك راسك مولات الدار مالي وليتي ديري هاد التعامل فالأول والأخير كتبقاي غير دكتورة فهاد الدار وبلامة تحلمي انك. اتزوج بيك المسيو حيت راه غير كيدوز فيك الوقت ويلوحك
لاحت ليها هاد الهدرة وخرجات من الكوزينة
اسيا:  مكتحشمش
الطباخة:  بلامة تديها فيها ابنتي هي هاكة دايرة
اسيا:  مافيها باس خليها تقول لي بغات مكيهمنيش
الطباخة:  كي بقا دبا مسيو مصطفى
اسيا:  مريض ولكن غادي ابرة ان شاء الله شوية بشوية غادي. اولي بخير
الطباخة:  تهلاي فيه راه مغاديش تلقاي بحال هداك الراجل انا لي عرفاه مالي كان صغير تقولي تربة قدام عنية
اسيا:  علاش شحال كان عندو فاش خدمتي. عندهم
الطباخة:  انا خدماتني المدام الله ارحمها فاش مات المرحوم ديال راجلها كانت عندو 10 سنين ودبا تبارك الله ولا راجل الله احفظ
اسيا:  امين

بقات كتوجد. ليه ديك الصوبة حتى سلات حطاتها على البوطة طيب وخرجات كتقلب على يعقوب لقاتو فبيتو دخلات عندو كلسات
اسيا:  خوية
يعقوب:  نعام
كان كيمشط شعرو لابس ومقااد: فين غادي
يعقوب:  غادي. نقاد ليكم وراقكم
اسيا:  قالها ليك
يعقوب:  ايه اليام ولا هو يقول ليا ونتي كاع مقولتي لخوك شي حاجة ولا يعرف من البراني
اسيا:  متقولش هكاك دزت على الكوزينة قديت ليه صوبة حطيتها طيب باش نعطيه اتغدة قولت ندوز نقولها ليك ساعة سبقني 
يعقوب:  واش باغيا دبا
اسيا:  والو بغيتك غير فاش تكون راجع جيب ليا معاك شي دويات ليه
يعقوب:  وخا صيفطيهم ليا فميساج انا غادي
خرج يعقوب تبعاتو حتى هي خرجات هو مشا وهي دخلات لدار
دازت على الكوزينة قدات ليه لغدا فبلاطو وطلعات لفوق عندو للبيت  حلات الباب غير شافها هازة بلاطو حاول ناض  تقاد. فالكلسة  حطات ليه لبلاطو على فخادو
اسيا:  كول سبق ديك الصوبة هي لولة 
مصطفى:   وخا
هز شوية فمعيلقة شرب منها شاف فيها:  شكون دارها
اسيا:  انا
مصطفى:  عرفتك نتي هاد الصوبة مغربية والطباخة ماشي مغربية مكتعرفش للأكلات المغربية
اسيا:  عجباتك
مصطفى:  كتحمق زوينة تبارك الله عليك
اسيا:  بصحة والراحة
بقات كالسة معاه وهو كياكل حتى سالة هزات عليه داكشي  حطاتهم على الطابلة
مصطفى:  سيري حلي داك لمجر اتلقاي فيها تيمومة جيبيها ليا
اسيا:  وخا
مشات جابت ليه ديك التيمومة عطاتها ليه وهي هزات داك لبلاطو وخرجات حطاتو فالكوزينة وطلعات لبيتها تصلي الضهر