💓💎إبن السنة💎💓

البارت 27

💎🎀إبن السنة🎀💎

📌لقد طال الغياب بيننا فهل من لقاء يجمعنا📌

بقلمي:  latifa el 🖋️

البارت:27

ناضت  على الطابلة ديال لفطور دخلات لبيتها لقات تليفونها كيصوني هزاتو ياله اتجوب تقطع شافت المتصل كان مصطفى مشات سدات الباب ورجعات صونات ليه والو كتلقة تليفوني طافي تنهدات دخلات جيهت المسجات ملقات حتى شي مساج رجعات حطاتو وخرجات كتجمع الدار مع مها واخلاص مشات المدرسة وباباها خرج مشا لسويقة خدام فيها اما يعقوب فمشا حتى هو لخدمتو

بقات كتجمع الكوزينة  كتغسل لماعن حتى كتقطع هدوؤها سمية
سمية:  اش بان ليك نقادو شوية ديال الحلوة نديوها معانا فاش نمشيو نديرو خطبة رسمية
اسيا:  لي بان ليك اماما
سمية:  اوا صافي قادي ديك الكوزينة بالزربة ونمشيو  نجيبو تقدية باش نديرو الحلوة نديروها دغيا محدها غدا الحد نمشيو نديرو ديك الخطبة
اسيا:  وخا اماما انا نحيدهم عليا بالزربة

كملات غسيل لماعن وخرجات مشات لبيتها بدلات عليها لبسات عليها خمار فالباج مع نقاب فلكحل ولبكات فنفس اللون ديال النقاب هزات تليفونها دوزات نمرة ديال مصطفى لقاتها طافية تعجبات ممولفاش ليه اطفي تليفون قالت مع راسها يمكن تطفة ليه الشارج حطاتو فصاكها وخرجات لقات ماماها كتلبس لبسات جلابتها وخرجو  مشاو نشان لسوق غاديين كيتقداو شنو خاصهم حتى كتوقف اسيا لواحد الحانوت كبيرة فيها  غير حويجات ديال رجال بقات كتشوف فيهم
سمية:  اش باغيا من هنا
اسيا:  لا غير كنشوف عجباتني  هاديك. اللبسة
سمية:  فين هي
اسيا كتوريها:  هاديك لي فلكحل ولخضر
سمية:  اه زوينة 
اسيا:  ياله نمشيو
كملو طريقهم وهي كتحول تعقل على هاد مول الحانوت فين جاي بالضبط  بقاو غاديين دخلات سمية لواحد الحانوت فيها جميع مواد ديال الحلويات 
سمية:  ناري شحال ديال الناس
اسيا كتشوف شي ناس سبقينهم:  ماما انا نمشي نجيب واحد القرعة ديال الماء شحفت
سمية:  ياله دزنة على الماء ومشرتيش
اسيا:  عاد جاني لعطش
سمية:  وخا ستنايني انا نجي معاك راه كينين الناس سبقينا
اسيا:  لا لا غير كلسي نتي هنا شدي النوبة نشريها بالزربة ونرجع
خرجات اسيا من ديك الحانوت    متاجها نشان لديك الحانوت وقفات على مول الحانوت
اسيا:  احم. السلام عليكم
الرجل كان كبير فالعمر وباين راجل متقي الله
الرجل:  عليكم السلام ابنتي اش حب الخاطر
اسيا:  عافك اعمي شحال دايرة ديك اللبسة لي معلقة لهيه لي فلكحل وزيتي
الرجل كيشوف فيها:  هاديك ستة لاف ريال ابنتي
اسيا:  وخا تجبدها ليا
الرجل:  انا نمرة ابنتي لي بغيتي هاديك الطاي كبيرة
اسيا:  وخا شي طاي صغيرة عليها شوية
الرجل:  وخا انا نعطيك جبد ليها طاي صغيرة على هاديك حلاتها بقات كتقلبها وتشوف واش تجي قدو ولا لا
كانت عبارة على  سروال  كحل عندو لستيك على رجليه فالزيتي وعندو خط مدور على واحد رجل بضبط على لفخد الأيمن فالزيتي والفوقاني ديالو جاية هابطة شوية على السروال ولكن ماشي بزاف  فالزيتي ولكمام مزيرين بلستيك كحل جيهت لكمام  جاية مرخوفة  ومدورة على اليد لسرية فلكحل بنفس الطريقة ديال رجل وعندها القب
اسيا:  وخا جمعها ليا عافك
بقات كتشوف فالبيترينة لي كانت حداها كتشوف جميع انواع العطور ديال رجال كاينين تماك بان ليها واحد ديال العود
اسيا:  عطيني معاها هاد الريحة
هزو قادو ليها حتى هو فميكة  جمعهم ليها خلصات وزادت دازت على واحد الحانوت خدات قرعة ديال الماء وزادت عند ماما دخلات لقاتها كتقدة
سمية:  فين تعطلتي
اسيا:  لا غير دزت على واحد لمرة لثيتها كتبيع حوايج داخلية ونيت كانو خاصيني شريت من عندها
سمية:  كون غير خليتي حتى نمشيو ندوزو على واحد كيبيع داكشي ديال برا زوينين
اسيا:  ماشي مشكيل دبا شريت المهم سليتي ولا باقي
سمية:   راه كيجمع ليا لحساب جمع ليها توتال ديال حسابها مدو ليها ومدات ليه  لفلوس خلص رجع ليها السرف ومشاو هازين دوك لحويجات لي شراو وزادو خارجين كيتسراو  بانت ليها واحد الحانوت ديال دراري صغار وقفات كتشوف فيها كان معلق واحد لبيسة ديال دراري فالباب مدات يديها كتقيص فيها للحضة تفكرات كلام مصطفى ديال البارح فاش كان معاها