ခြွေညို့နိုင်လွန်း သူ
or
အခန်း (၃၂) ဖိုက်တာလို ချွေးမ
.
" ရွှေမိုးညိုညို "
ဟင်! သူက ဒီကိုဘာလာလုပ်ပြန်တာလဲ။
ရွှေညို,အလုပ်လုပ်နေတဲ့ ကဖေးဆိုင်ကို မင်းသမီးဝတ်ရည်မှုံရောက်လာတာပဲဖြစ်သည်။
" ရွှေညိုတို့ကြားမှာ ဘာမှပြောစရာမရှိတော့ဘူးထင်တယ် "
ရွှေညို,မျက်နှာကို ခပ်တင်းတင်းသာထားပြီး ပြောလိုက်သည်။
" ငါတို့ကြားမှာ ပြောစရာတော့မရှိတော့ပါဘူး။ဒါပေမဲ့ နင့်ကိုတော့ ဖိတ်ကြားရမယ့် အကြောင်းရှိလို့ ငါ့ရဲ့စေ့စပ်ပွဲကိုလာပြီး ဖိတ်တာ။နင့်ကို ဖိတ်ရတဲ့ အကြောင်းကလည်း ကိုတိုက် က နင့်ကိုဖိတ်စေချင်တယ်လေ။အဲ့ဒါကြောင့် နင့်ဆီကိုလာခဲ့တာ။ဒီမှာ ငါနဲ့ ကိုတိုက်ရဲ့စေ့စပ်ပွဲဖိတ်စာ "
" မဖြစ်နိုင်တာ... ရှင် မဟုတ်တာ မပြောနဲ့။ ဦးမော်ကွန်းတိုက် က ရှင်နဲ့စေ့စပ်မှာ မဟုတ်ဘူး "
" နင်က ဘာသိလို့ အသေချာကြီးပြောနေတာလဲ "
" ဦးမော်ကွန်းတိုက် က ရှင့်ကိုမချစ်ဘူး။အဲ့ဒါက သေချာတဲ့ အဖြေပဲ "
တစ်ဖက်လူ၏ တုံ့ပြန်စကားမှာ သိသိသာသာမျက်နှာပျက်သွားရတဲ့ ဝတ်ရည်မှုံ။
သရုပ်ဆောင်မင်းသမီးပီပီ ဝတ်ရည်မှုံသည် ပျက်ယွင်းသွားတဲ့ မျက်နှာကို ချက်ချင်း ပြန်ပြင်ပြီး...
" ကိုတိုက် က ငါ့ကို ချစ်လား... မချစ်ဘူးလားဆိုတဲ့
အဖြေက နင့်ကိုဖိတ်တဲ့ ဒီဖိတ်စာထဲမှာ အဖြေရှိတယ်။မနက်ဖြန် မနက်ဆယ်နာရီတိတိ အချိန်မှာ ငါနဲ့ ကိုတိုက် စေ့စပ်တော့မှာ။အဲ့ဒီစေ့စပ်ပွဲကို နင်လာခဲ့ပေးရမယ်။တကယ်လို့ မလာခဲ့ရင်တော့ နင်က ငါ့ဆီကနေ ကိုတိုက် ကို စနှိုက်ကြော်ဖို့လုပ်ခဲ့တာလို့
ငါကမှတ်ယူမယ် "
" နင့်ကိုယ်နင် စနှိုက်ကြော်မအဖြစ်မခံနိုင်ရင်တော့
ငါတို့နှစ်ယောက်ရဲ့ စေ့စပ်ပွဲကို လာဖြစ်အောင်လို့လာခဲ့။ငါ သွားပြီ "
ရွှေညို့လက်ထဲကို အဝါရောင်စေ့စပ်ပွဲဖိတ်စာလေးကို ထိုးထည့်ပေးပြီး ကဖေးဆိုင်ကနေပြန်သွားတဲ့
မင်းသမီးဝတ်ရည်မှုံ။
YOU ARE READING
ခြွေညို့နိုင်လွန်းသူ(or)ဖိုက်တာလိုချွေးမ Completed
Romanceဦးနဲ့ ချာတိတ်ကိုမှ ယောက္ခမနဲ့ပါ ဖိုက်တဲ့ ချွေးမလေးပါ😊
