جروح ع وشك الشفاء

البارت - 6 -

السلام عليكم.....

جروح ع وشك الشفاء... ✍️

الكاتبة ... وردة

لا تنسون التصويت + التعليق ع الفقرات + متابعة حسابي

القصه حقيقيه... لتوضيح...

قراءة ممتعه للجميع ❣️

البارت السادس...

لا تفقد الأمل نحن
لا نعرف ماذا سيحدث غدا..💚

****

'' انوار ''

متوتره وخايفه شنو ممكن تسوي غيد حتى تخرب هذا العقد انتضرنهن كلهن يدخلن يم الخطابه وغيد ضحكت ونضراتها كلها مكره وخباثه ردت احجي بس سكتت ... طلعت كلاصات العصير وبدت تصب العصير داخلهن واني بس عيوني تتنقل وافرك باليديه اذا هاي الخطه ما جابت فايدة معناها راح اتزوج بدون منازع ... اخذتلي صفنه اريد اتناسه شي اسمع خطوبه اليوم فززيت ع غيد تحجي وهيه تدور بالكاونتر ...

- ولج انوار وين الملح خلصيني

- هذاك كدامج

أخذته وبدت تخلي بكلاصات العصير فتحت عيوني مصدومه هاي جاي تسوي خلت الصيني بيدي وهيه تشرحلي شنو راح اسوي ...

- اسمعي انوار تقدمين العصير ع حسبك يا أصول وما تتوترين بعد ما عمتج المستقبليه تشرب العصير وتكح انتِ تشيلين الماي تصبيلها تعثرين وتفرقين دولكة الماي عليها

- عززا لا غيد ما أكدر شلون اسوي هيج

- اني العليه كتلج وباقي انتِ وضميرج بس انصحج تسوين لان اذا ما سويتي راح نشغل اغاني ع موافقتج بالعقد

- لا ما اريد اتزوجه ادفنوني ولا يصير اسمي بسم هذاك الحيوان

- لعد روحي وسوي الكتلج عليه وخلصينه من هاي السالفه

اخذت الصينيه وصرت امشي بهدوء خايفه ومتوتره وقلق وارهاق صابني دخلت لصاله وجانن منطلقات بالحجي ... قدمت العصير وكعدت بصف انجراح وايد لاذمه ايد وافركهن شربن العصير وجنت منتضره ردت الفعل جان خالته كالت ...

- هذا شنو من عصير منين ااكو عصير مالح

جاوبتها فاكته....

- يا خاله منين اكو عصير مالح خاف حلكج بي ملوحه

جاوبتها امها...

- هاج ضوكي هذا هم عصير فشلتيني كدام اختي وجنايني

وجهي صوفر واني اشوف فاتكه اخذت الكلاص وتريد تشرب لزمت كلبي شربت وجان تركض تذبه بالمغسله ... اجت وجهه احمر من العصبيه ... واشرت عليه بصبعها وحجه ...

- انوار شنو مخليه بالعصيرر

اتلبكت وجاوبتها كوه...

- ما ادري أصلان طلعته وصبيت منه ما اعرف شنو بي ما بي