جروح ع وشك الشفاء

البارت - 2 -

السلام عليكم.....

جروح ع وشك الشفاء... ✍️
الكاتبة ... وردة 

لا تنسون التصويت + التعليق ع الفقرات + متابعة حسابي

القصه حقيقيه... لتوضيح...

قراءة ممتعه للجميع ❣️

البارت الثاني...

اريد احجي مصايب...
مالهن رداد !!
دوم بخاطري يونن

****

كعدت بصاله وامي تلح ع خالي ياخذها وخالي يخابر ما ادري منو ويريد يعرف بيا مستشفى هو ... تلكتنه امي ع خبر جايها ان عدنان متصاوب ونايم بمستشفى ... وهيه مقهور عليه ... باوعت ع امي بحيره معقوله اكو مره تنسه النوح والبجي وكل المصايب الصارت الها وترجع تحب هذا مو حب هذا عذاب ع البطيء ... خالي انخبص وياها واتصل ع خوانه وانطو العنوان وامي ركضت جابت جبتها واجت بقيت بس اباوعلهم بدون ما احجي..

فر راسه خالي عليه هو مستغرب من سكوتي حقه اني هم ما عرف شلون لزمت نفسي...

اردف خالو...

- دشوفج ساكته مو عوايدج

- شنو اسوي ابجي؟

- ما كلت ابجي بس مستغرب

- دحسكم منطين عدنان أكثر من حجم

- اشش امج لتسمع كافي البيها

- سكتتت

- بعد تعالي اخذيلج راشدي

- العفوا خالو مو هيج

- اسمعي غيد انتِ ما تحبين عدنان حقج وع عيني وراسي بس قلت ادبج زادت اخر فتره وامج تحب عدنان ولازم تحترمين رايها فهمتي

- فهمت

اخذ خالو امي وراحو امي رادت تاخذني وياها ما قبلت واني شعليه بعدنان عساه بهل حاله ورده ... رحت لغرفتي لفيت راسي ونمت ... كعدت ع دكت باب كمت فتحته جان خالي ...

- غسلي وجهج وتعالي

هزيت راسي رحت غسلت ونزلت يمهم ... الوجوه ما تبشر بخير وخالي ضايج وروحه بخشمه وامي دموعها ع خدها ... ردت اسكت بس ماكدر اسكت

- شنو صار مات عدنان الف الحمد لله وشكر يارب

اردف خالو بحزن...

- لا ما مات

- لعد ناصبي عزا وتبجون وجوهكم حزينه شصاير

- امج عقدت هيه وعدنان

- اهاا وشتردون مني هسه

جاوبتني امي...

- باجر الصبح يجي علينه ونروح وياه حضري نفسج

- اوووف ما مات وخلصنه

- غيددد كم مره كتلج لا دعيين

- فد نمونه هو خلصو شباب بغداد ماخذه عدنان حتى اسمه اييع مثله الله يستر من شكله شلونه