اديان: كعدت ساعه 10 اليوم حنرجع للبصره رتبت كل اغراضي سلمت ع اهلي وصارت ساعه بـ 1 وطلعنه بقيت اخذ صور بجهازي ورتبت مكياجي رشيت عطر وجنت داشرب عصير
محمد: هلا حبيبي .. اي بلطريق .. ان شاء الله .. انجب .. ههههههههههه .. اديان
اديان: ها
محمد: هذا علي يريد يحجي وياج
اديان: انطيني .. اخذت الجهاز .. الو
علي: لك هلاااا بـ مرت اخوييه
اديان: هههههه شلونك
علي: بخير الحمدلله وانتِ شلونج
اديان: الحمدلله
علي: اكلج
اديان: كول
علي: اذا السبيكر مفتوح سدي بداعت مدري منو
محمد: ولك كواد تضم ع اخوك خلي اوصل واعلمك
علي: ههههههههههه هسه خلتسد السبيكر
محمد: هسه تكلولي شكو
علي: يمعوده اديان سدي مو راح انسه السالفه
اديان: ههههههههههه سديته
علي: باعي ...
اديان: تشاقهه
علي: والله
اديان: خلي اوصل وافتهم منك
علي: يلا اخذو راحتكم
اديان: يلا باي .. الزم محمد جهازك
محمد: خلي يمج حبيبي
اديان: جنت ادور ع حسابي بـ الانستا علمود اشوف الستوري واجت رساله من بنيه ع الانستا جانت راده ع الستوري .. محمد؟
محمد: عيونه
اديان: منو هاي البنيه لـ راسلتك هسه !
محمد: بلا ادخلي ع المحادثه
اديان: دخلت جانت دازه (هلاو شلونك ، ليش متجاوب شنو نبزز ، متزوج؟ ، وكاتبه ع الستوري اوفف شهلجمال هنيال زوجتك ) جان محمد ناشر صورته بلمسبح هوا وعلي والولد
محمد: ها
اديان: انطيته الجهاز ومجاوبته
محمد: شبيج
اديان: شوكت نوصل
محمد: ليش
اديان: تعبت اريد ارتاح
محمد: ليش ضايجه حبيبي
اديان: مضايجه
محمد: واضح
اديان: لتحجي وياي؟
محمد: استغفرالله اني شعليه كتلها راسليني !
اديان: مجاوبته بقينه نمشي تقريبا ساعه ونص
محمد: ابني جوعان؟
اديان: لا
محمد: اجيبلج نساتل
اديان: لا
محمد: عصير؟
اديان: لا ماريد شي
محمد: تمام
اديان: جنت اباوع ع الجو شكد حلو
محمد: اني لو ممتزوج مو احسن
اديان: اي والله لو اني ممزوجه مو احسن
محمد: لو متزوج وحده عقلها جبير ومتزعل ع كلشي
اديان: اني عقلي صغير وازعل ع كلشي؟
محمد: يمكن اي
اديان: هزيت راسي وبقيت ساكته تقريبا بدينه نوصل للبيت وصلنه سلمت ع البنات كعدت يمهم شويه وصعدت مسحت مكياجي وغيرت ملابسي ونزلت
هدى: مشتاقلج
اديان: حبيبي اني اكثر .. جان اكو مكان بين علي ومحمد علي كال
علي: اديان تعالي هنا
اديان: رحت كعدت يمهم بقه علي يسولف
محمد: علي اليوم اريد اسهر برا البيت طبعا اذا انتَ تقبل
علي: تاخذ رئييي؟ مستحيلل
اديان: علي كول لـ اخوك اذا يسهر برا البيت بعد ليرجع احسله
علي: ههههههههههه بطنيي الاخوان متعاركين واني عبالي ياخذ رئيي
محمد: علي كلها هيه شعليها بيه؟
اديان: علي كول لـ هذا الولد خلي ينام يمك ليدخل للغرفه اليوم
محمد: خوش
اديان: تعبت خلروح انام
علي: اخذي راحتج
اديان: صعدت فوك ذبيت حجابي وجهازي وقفلت الباب ورحت ع الجربايه انام
محمد: صارت ساعه بـ 8 وهيه ماكو خليت علي يتصل عليها بس ماعدها نت يمكن نايمه طلعنه اني والولد رجعنه ساعه بـ 11
كاضم: بويه باجر عازمين عماتكم وعمامكم
الكل: هلا بيهم
محمد: رحت الغرفه علي طفيت الضوه صارت ساعه بـ 1 بس ماكدرت انام دخل علي
علي: بعدك كاعد
محمد: اي
علي: تعال اكل اندومي
محمد: امشي اطلع برا جنك اديان 24 ساعه تاكل اندومي شعاجبكم بي
علي: مرت اخويي نفس جوي
محمد: امشي ولي
علي: ههههههههههه
اديان: كعدت ساعه بـ 7 شكد نايمه اني دخلت اسبح نشفت شعري رحت ع الثلاجه اشرب مي شفت اكو حليب وككو ونساتل طلعتهم وبقيت اكل كملت وبقيت انشر ستوريات شفتهم كلهم كاعدين وناشرين ستوريات يعني قبل 5 دقايق وهيج حته علي كاعد استغربت جاوبني ع الستوري مالتي وسئلته ع محمد
علي: يابه رجلج منايم البارحه بقينه ناكل ونسولف أذن رحنه نصلي كملنه اجينه نام واجه عمي كعدنه ع الريوك واليوم عزيمه وما نمنه
اديان: وين هسه هوَ؟
علي: كاعدين بلستقبال كلنه
اديان: يلا حنزل
علي: تمام
اديان: لبست حجابي ونزلت .. صباح الخير
الكل: صباح النور
اديان: رحت يم هدى جانت تلعب وياه ابنها .. انطيناه
هدى: بربج خلصيني منه واني حسويلكم ريوك انتِ وابني
اديان: تمام حبيبي
محمد: امير حبيبي
امير: ها عمو
محمد: تعال يمي
امير: لا
محمد: ليش
امير: احب عمه
محمد: واني؟
امير: احبك بس عمه اكثر
محمد: تمام
اديان: بقيت اوكل بـ امير جنت مَ اشتهي اكل
محمد: اديان
اديان: ها
محمد: من تكملين تعالي للغرفه اريد احجي وياج
اديان: هزيت راسي بـ معنى اي . كملت وغسلت المواعين خليت امير يم علي وصعدت فوك
محمد: باعي بويه ولد عمامي وعماتي راح يجون وكلهم اعرفهم مو خوش ولد ديربالج تجاوبين واحد منهم والله العظيم اذا حجيتي وياه واحد منهم اسوي يومج اسود واني حذرتج ملابس ضيقه لتلبسين مكياج لتخلين هواي
اديان: تمام .. دخلت اسبح شفتها ساعه بـ 9 طلعت نشفت شعري ونزلت اساعد البنات صارت بـ 12كملنه كلشي صعدت اغير ملابسي لبست فستان مال بيت ونفس الوقت مال حوامل كلش حبيته خليت قليل مكياج لبست حجابي رشيت عطر حضرت ملابس محمد خليتهم ع الجربايه واخذت جهازي ونزلت جانو اكو نسوان ثنين دخلنه اني والبنات نسلم عليهم وحده كلش حبابه والثانيه تباوع عبالك معاجبها شي سلمت عليهم
مها: فدوه الله عين البارده عليج حبيبتي
اديان: شكرا خاله
ندى: مدري محمد شعاجبه بيها
مها: شبيج خيه البنيه حبابه
الجده: اسكتي حبيبه البنيه خوش بنيه
اديان: مهتميت الكلامهه دخلت للمطبخ جان علي موجود يشرب مي .. اكلك علي
علي: كولي
اديان: هاي وحده من عماتك اسمها ندى يمكن ايع محبيتها بس تحجي وتكول مدري محمد شعاجبه بيها
علي: لج هاي ماتت بس علمود تزوج بتها لـ محمد ومحمد رفضها
اديان: هههههههههههه
علي: بطنيي ههههههههههه
محمد: شبيكم صوتكم واصل للشارع
اديان: كاعدين نسولف اني ومحمد وعلي والبنات دخلو 3 ولد
الولد: السلام عليكم
الكل: وعليكم السلام
حازم: شلونكم
الكل: الحمدلله بخير
حازم: بويه هاي البنيه منين اول مرا اشوفها !
اديان: جنت واكفه بصف محمد والولد يحجي سئل عليه وجاوب محمد
محمد: زوجتي هاي
حازم: شلونج خويه أن شاء الله مرتاحه
اديان: نزلت عيوني وجاوبته الحمدلله .. تقربت مني محمد وكال
محمد: ديربالج تنطين وجهه لـ هذول الاثنين
اديان: هزيت راسي بـ معنى اي . لزمني من ايدي واخذني وياه للاستقبال سلم عليهم وكعد واني كعدت بصفه
مها: شلونه الزواج وياكم يمه
محمد: الحمدلله اذا تبقى هيج
مها: الحمدلله
اديان: بقو يسولفون ع ايامهم قبل نسيت اني ما احجي وياه محمد جنت دائما اذا اكعد يمه الزم ايده فَ لزمت ايده هوَ ضحك
علي: ها سلام عليكم
الكل: وعليكم السلام
علي: اويليي شلون كعده حلوه
الكل: ههههههههههه
اديان: راسلني علي ع الواتس جان كاتب " ما شفتي وين مريم؟ " جاوبته " جان راسه يأذيها فَ راحت فوك ترتاح "
علي: تمام
مصطفى: خاله لعد وين البنات؟
مها: صدك يمه محمد متروح تجيب البنات من البيت محد من الولد هنا
محمد: اي خابريهم خلي يجهزون نفسهم
اديان: باوعت عليه ورحت يم البنات بـ المطبخ
هدى: اخخ شفتي شلون يسئل ع البنات اني الك اليوم انشوف منو دخلك للغرفه
البنات: ههههههههههه
اديان: والله يالله يريد هوَ يروح يجيبهم خلي يروح ونشوف منو تحجي وياه بعد
رهف: شبيكم بنات يمكن مو قصدهم
هدى: بكيفه يسئل ع البنات
الكاتبه: لارا حسين .
