نوره: شتسولفون خلنسولف وياكم
اديان: منو أحنه؟
نوره: اي انتو
مها: ثنين مزوجين شعليج بيهم
نوره: شبيج عمه داشاقه وياهم
اديان: ايع محبيتهه
محمد: ههههههههههه
اديان: لتسولف وياها بعد
محمد: اي ههههههههههه
اديان: اهو ليش تضحك
محمد: سوالفج حلوه
اديان: لتغير الموضوع
محمد: لا حبيبي ممغير كملي
اديان: اي لتسولف وياها بعد
محمد: من عيوني
اديان: عفيه
محمد: ههههههههههه
اديان: محمد اريد اندومي
محمد: لا
اديان: لا هاي شبيك
محمد: موزين عليج بويه
اديان: اريد حباب
محمد: بليل اجيبلج
اديان: لا اريد هسه
محمد: علي اذا تروح للمحل جيب اندومي واني انطيك فلوس
علي: هسه راح اروح محتاج شي بعد
محمد: تردين شي بعد !
اديان: لا
محمد: لا حبيبي بس اندومي 4
علي: تمام
نوره: محمد تحب الاندومي؟
محمد: لا مو الي
نوره: لعد لـ منو؟
محمد: لـ اديان
نوره: اها
اديان: صار هوايه كاعده تعبت اريد اطلع بره
محمد: وين حبيبي
اديان: حطلع بره اريد امشي تعبت من الكعده
محمد: يلا بويه امشي
اديان: لزمت ايده وطلعنه سوه وصلنه للحديقه جان الجو كلش حلو مغيم وبارد جان محمد واكف واني بقيت امشي بلحديقه جانت كلش حلوه باوعت ع محمد جان يخابر فتحلي ايده بمعنى تعالي بحضني رحت بحضنه جان لابس قمصله فتح القمصله واني دخلت بحضنه بقه يسد بلقمصله صار ميفصلنه شي بقه يمشي ايده ع ضهري
محمد: بردانه حبيبي؟
اديان: لا بس ليجي احد ويشوفنه هيج عيب وخر
محمد: محد يجي بويه
اديان: رجعت راسي ع صدره .. محمد
محمد: عيونه
اديان: انتَ تحبني؟
محمد: اكو واحد ميحب روحه؟
اديان: لا
محمد: ههههههههههه
اديان: ابتسمت .. محمد
محمد: ها بويه
اديان: وخر تعبت صار ساعه واكفه
محمد: انتضري
اديان: جان يخابر قربت وجهي يم وجهه وخليت شفتي ع خده
محمد: اي حبيبي كمل .. لا لا وياك .. أن شاء الله خير
اديان: جان يمشي ايده ع ضهري اني سويت نفسه بقيت امشي ايدي ع ضهره كرصني من خصري باوعت عليه اشرلي بمعنى اسكتي كمل اتصال وكال
محمد: شبيج بويه اكو وحده هيج تسوي
اديان: وخر محمد
محمد: خلي ابوسج واوخر
اديان: لا بعدني ممكمله وخلته شفته ع خدي باسني حيل وخر
علي: احم احم السلام عليكم
محمد: وعليكم السلام
علي: ها ها شدسوي
محمد: ادخل جوه لك
علي: ههههههههههه
اديان: وخر محمد .. فتح القمصله وخرت احس ضهري انكسر من كد ما وكفت .. اخخ ضهري
محمد: تعالي ندخل جوه
اديان: مر اليوم عادي صار اليل صعدت للغرفه جانت هوسه رتبتها ورشيت عطر دخلت اسبح كملت نشفت شعري لبست ملابسي ورحت ع الجربايه تقريبا ساعه بـ 11 طلعت فلم بقيت اباوع جانو الولد كاعدين بلحديقه ومحمد وياهم نص ساعه وطفت الكهرباء
طفيت جهازي وماعرف وين خليته وانفتح الباب محمد؟
محمد: عيون محمد
اديان: وين انتَ
محمد: كدامج بويه
اديان: وين جهازك افتح الضوه
محمد: طافي جهازي وين جهازج انتِ
اديان: ماعرف وين خليته
محمد: بس اغير ملابسي واجي
اديان: تلكاهم ع الميز خليتهم الك
محمد: عاشت ايدج
اديان: شويه ورجع للجربايه خلاني بحضنه حضنته حيل وكال
محمد: تخافين اذا جانت ضلمه
اديان: اي
محمد: ماكو شي يخوف
اديان: ماعرف اني اخاف صارت الغرفه هدوء جان الجو بارد ومطر خفيف
محمد: بويه نمتي؟
اديان: لا حبيبي .. خله ايده ع بطني وبقه يمشي بيها بهدوء .. محمد؟
محمد: عيونه
اديان: لتنام وتعوفني وحدي
محمد: صار حبيبي
اديان: بقينه نسولف شويه ونمت كعدت الصبح من الوجع كلش قوي بـطني والغرفه حيل بارده جانت ساعه بـ 7 تقربت ع محمد حضنته بس ماخف الوجع رحت اغسل غيرت ملابسي ونزلت جوه شفت هدى وخاله مها كاعدين .. صباح الخير
مها + هدى: صباح النور
مها: يمه شبي وجهج اصفر
اديان: خاله بطني تأذيني
هدى: تعالي حبيبي اسويلج ريوك
اديان: ماريد
هدى: تعالي اكعدي يم الهيتر خلي يخف الوجع
اديان: رحت كعدت يم الهيتر شويه الوجع خف هدى سوت ريوك الها والي اكلت شويه ولعبت نفسي .. هدى
هدى: ها حبيبي
اديان: حموت من وجع بطني
هدى: تعالي بغرفه خاله نامي ع ضهرج ارتاحي
اديان: اخذتني من ايدي خلتني ع الجربايه اتغطيت نمت ع ضهري احس ارتاحيت عمضت عيوني ونمت
محمد: كعدت ساعه بـ 9 بس اديان ما موجوده سبحت وغيرت ملابسي ونزلت .. صباح الخير
الكل: صباح النور
محمد: اجيت اسئل هدى بس جانت كاعده يم مصطفى كعدت يمهم اكلت شويه شربت جاي وهدى راحت للمطبخ رحت اسئلها .. خويه هدى
هدى: ها خويه
محمد: وين اديان؟
هدى: كعدت بـ 7 جانت بطنها توجعها سويت الها ريوك اكلت شويه وراحت بغرفه خاله تنام
محمد: هزيت راسي ورحت بلغرفه شفتها نايمه مبين عليها الوجع رحت يمها خليت ايدي ع خدها جانت مصخنه وخرت البطانيه ونمت بصفها .. اديان
اديان: امم
محمد: شبيج
اديان: بطني تأذيني
محمد: شلون صرتي
اديان: لا احسن
محمد: سحبتها لحضني خليت ايدي ع ضهرها وبقيت امشي ايدي اعرفها ترتاح اذا اسوي هيج خليت شفتي ع خدها
اديان: محمد حموت من البرد
محمد: تقربت عليها اكثر حضنتها حيل خليت وجهي بركبتها
اديان: وخر محمد
محمد: اشش
اديان: محمد بطني تأذيني
محمد: وخرت منها بقيت اسولف وياها علمود تنسه الوجع تقريبا نص ساعه .. يلا بويه كافي كومي
اديان: طلعنه سوه جانت كلها كاعده
علي: شنو هاي منين طلعتو
محمد: انجب علي
علي: مرت اخوي شبيج ضايجه اذا ع البنات البارحه يباوع عليهم والله اني بعد ما اخلي يباوع
اديان: يابنات؟؟
علي: ها
محمد: خيولي يشاقه
اديان: علي يابنات
علي: مادري
اديان: اهو علي احجي
علي: احم باعي البارحه كاعدين بلشارع اني والولد عبرو بنات يمكن 3 ومحمد بقه يباوع عليهم وحته مصطفى كال خرب هاي شكد حلوه ومحمد هم كال باع هاي تشك شك واني بعد معليه
اديان: باوعت ع محمد وخرت ايدي من ايده
محمد: اني الك كو**
علي: شعليه اني انتو منو كلكم تباوعون ع النسوان وانتو مزوجين
هدى: باوعت ع مصطفى
مصطفى: شبيج ديشاقه
هدى: لاتحجي وياي
مصطفى: اهو
هدى: 24 ساعه كاعد بره طلع يباوع ع البنات
مصطفى: شبيج والله مو قصدي اسوي هيج والله بلشقه طلعت مني
هدى: خوش
مصطفى: خرب خلقتك علي
علي: ههههههههههه
محمد: اديان
اديان: لتحجي وياي؟
محمد: بويه والله مو قصدي اباوع عليهم
اديان: تمام
محمد: اديان
اديان: وخر محمد صعدت فوك للغرفه شربت لـ علاج بقيت افتر بلغرفه احس عرقت الجو بارد رحت اغسل وجهي دخل محمد
محمد: شبيج اديان
اديان: حموت بطني
محمد: امشي بويه نروح للمستشفى
اديان: لا
محمد: لتعاندين بويه روحي غيري ملابسج
اديان: غيرت ملابسي لبست الجبه وحجاب طلعت من الغرفه شفته واكف لزمني من ايدي ونزلنه سوه
محمد: مصطفى تكدر تروح ويانه انتَ وهدى
مصطفى: اي عادي
محمد: يلا
اديان: الوجع يموتت صعدت بلسياره اني وهدى ومحمد يسوق ومصطفى بصف محمد وصلنه
دكتوره: ماما من شوكت عندج الوجع
اديان: من 7 الصبح
دكتوره: تمام
اديان: دخلتني للغرفه اخذتلي كل التحاليل
الدكتوره: ماكو شي ان شاء الله بس قللي حركه لان الطفل حيل نازل وراح انطيج علاج
محمد: شكرا دكتوره
اديان: عفوا واجبي هذا
اديان: خليت كانونه وهيه اكثر شي تلعب نفسي منه واخاف منه وصلنه للبيت دخلنه اني ومحمد للغرفه غيرت ملابسي واخذت علاج ورحت انام
محمد: شلون صرتي
اديان: الحمدلله
محمد: سمعتي الدكتوره شنو كالت
اديان: شنو كالت؟
محمد: قللي حركه
اديان: هزيت راسي بمعنى اي
محمد: جوعانه؟
اديان: لا
محمد: تمام
اديان: جانت ساعه بـ 11 غطيت وجهي ونمت
محمد: ماحبيت اضوجها واني موجود بلغرفه طفيت الضوه وسديت الباب ونزلت جوه
هدى: وين اديان
محمد: نايمه
هدى: شلون صارت
محمد: شويه احسن
هدى: ان شاء الله
محمد: طلعت بره بلحديقه كعدت اشرب جكاير وصفنت ليش اني احبها هيج ليش اذا تمرضت اضوج اني ماجانت تدخل بالي ايوحده معقوله من برائتها ولطافتها هيج احبها
علي: الو تسمعني
محمد: ها
علي: شبيك صافن
محمد: اجو كعدو الولد يمي .. مابيه شي حبيبي
عبدالله: شلون صارت المره
محمد: الحمدلله
عبدالله: ديربالك عليهه ترا الحمل بهيج اشهر موزين كلش
علي: شنو قبل جنت حامل وماندري بيك
الكل: هههههههههههه
عبدالله: لا ياكو**
علي: هههههههههههه
محمد: بقينه كاعدين نسولف بـ 12 دخلنه للبيت صعدت فوك شفتها نايمه رحت اصلي بغرفه علي
علي: شنو هاي مو عندك غرفه
محمد: انجب بس اكمل اروح
علي: خوش
اديان: كعدت ساعه 12:55 تقريبا رحت اتوضى كعدت اصلي اذكرت عندي ابره ساعه بـ 1 خابرت ع محمد .. الو
محمد: هلا حبيبي شلون صرتي
اديان: الحمدلله .. اكلك محمد
محمد: كولي عيون محمد انتِ
اديان: احم عندي ابره ساعه بـ 1 تكدر تضربها الي
محمد: ثواني واجي
اديان: تمام ثواني ودخل اجه يمي كعدت ع الجربايه
محمد: من اخلي لابره لاتوخرين ايدج
اديان: اخاف محمد
محمد: لا حبيبي ماكو شي يخوف
اديان: اخاف والله وخر ماريد بعد
محمد: تعالي بحضني
اديان: لا
محمد: سحبتها من ايدها خليتها بحضني يلا حبيبي حطي ايدج
اديان: وخر محمد
محمد: بويه شبيج والله ماكو شي يخوف غمضي عيونج ولتفتحيهم
اديان: هزيت راسي خليت وجهي بقميصه حضن وجهي بايده .. محمد
محمد: كولي يعيون محمد
اديان: ماريد اخاف والله
محمد: انطيني ايدج
اديان: انطيته ايدي حسيت العلاج بقه يمشي بيها
محمد: يلا حبيبي كملت
اديان: شكرا
محمد: لا ماريد هيج
اديان: لعد !
محمد: بوسيني هنا
اديان: ماحجي وياك اني
محمد: اهو هم رجعنه
اديان: وخرت منه رحت للحمام اغسل كملت وطلعت
محمد: راح تنزلين جوه؟
اديان: اي
محمد: يلا بويه امشي
اديان: نزلنه سوه جوه دخلت للمطبخ اشرب مي وطلعت كعدت يم محمد
علي: الحمدلله ع السلامه
اديان: شكرا الله يسلمك
علي: محتاجه شي
اديان: لا سلامتك
محمد: جوعانه؟
اديان: لا بس أكل تلعب نفسي
محمد: اجيبلج حلويات
اديان: لا
محمد: تمام
اديان: تقربت يمه وكتله .. محمد
محمد: عيونه
اديان: اريد حليب وفروله
محمد: صار
اديان: شكرا
محمد: مابيناتنه
اديان: بقينه تقريبا ساعتين كاعدين صارت ساعه بـ 3
كلهم كاعدين يسولفون
اديان: محمد
محمد: ها بويه
اديان: حروح اصعد بلغرفه
محمد: ديربالج من الدرج
اديان: تمام .. وصلت للغرفه غيرت ملابسي لبست تراكسود مال نوم طفيت الضوه ورحت ع الجربايه
محمد: يلا يولد أخذو راحتكم
الولد: مرخوص
محمد: صعدت فوك وصلت للغرفه غيرت ملابسي رحت ع الجربايه .. بويه نايمه
اديان: لا
محمد: مشتاقلج
اديان: لتجذب
محمد: ههههههههههه
اديان: ليش تضحك
محمد: تعاي بحضني مشتاقلج
اديان: رحت بحضنه حضني حيل وباسني من خدي
محمد: صرتي زينه
اديان: اي .. بقينه نسولف شويه ونمت كعدت بـ 10 شفت محمد ماموجود سبحت وغيرت ملابسي ونزلت جوه شفت بس هدى موجوده .. صباح الخير
هدى: صباح النور حبيبي
الكاتبه: لارا حسين .
