اديان: كعدت ساعه 5:31 رحت اسبح لبست دشداشه لون اسود وبيها خط ابيض مشطت شعري خليت قليل مكياج وعطر ورحت اكعد محمد .. محمد محمد
محمد: ها
اديان: كوم حيصير المغرب
محمد: اي حبيبي حضريلي ملابس
اديان: صار .. طلعت تشيرت اسود وبجامه لون بيجي
محمد: حبيبي جيبي الملابس
اديان: الزم حبيبي اخذهم وطلع لابسهم وكف ع ميز التواليت رتب شعره وخله عطر رحت يمه كتله اريد
محمد: شنو تردين؟
اديان: من هاذا العطر
محمد: يلا ننزل
اديان: يلا
محمد + اديان: السلام عليكم
الكل: وعليكم السلام
هدى: حبيبي شلون صرتي
اديان: الحمدالله حبيبي
زينب: بنات؟
البنات: ها
زينب: قبل شويه شفت مريم تحجي اتصال بصوت ناصي وتكول بليل رتب كل شي واني سويت المحادثه وكلشي سويت
هدى: كل شي توقععي منها
اديان: اي والله
رهف: ديربالكم بنات
البنات: ان شاء الله
اديان: محمد
محمد: ها حبيبي
اديان: احم اكول شي ومتزعل
محمد: كولي حبيبتي
اديان: اريد اندومي
محمد: موزين حبيبي
اديان: اريد
محمد: بليل اجيبلج
اديان: احبك
محمد: شکد اختلافیه هههههههه
اديان: هههههههه
مصطفى: ضحكونه وياكم
محمد: سوالف زوجيه ميصير
مصطفى: ههههههههههه
علي: اخخ بويهه ههههههههههههه
علي 2: شبيك جنك وحده كحب***
محمد+مصطفى+علي: هههههههههههههه
مريم: اكلج اديان؟
اديان: كولي
مريم: دخلت لـ غرفتج علمود اشوفج ولكيت هاذا الجهاز بكنتورج يتصل؟
اديان: معندي جهاز ثاني بس هاذا !
مريم: مدري ههاج شوفي
اديان: اول مالزمته اخذه من ايدي محمد
محمد: عندج جهاز ثاني؟
اديان: معندي والله
محمد: فتحته جان بي واتساب اول مادخلت جانت محادثه صدمه
مصطفى: شكو محمد؟
اديان: اريد احجي وضربني راشدي بقيت مصدومه اول مرا يضربني اخذني من ايدي صعدني الدرج بكل قوتـه دخلني للغرفه وقفل الباب
محمد: ليش؟
اديان: شسويت محمد
محمد: ولج اخاف عليج من الهوى ولج احبج اكثر من روحي والله اخاف اخسرج ولج قدمتلج كلشي وتقدميلي خيانه؟ شسويت قصرت وياج بـ شي شفتيني خاينج بيوم؟ شفتي باوعت ع غيرج ليش تسوين هيج ليش
اديان ببجي: ممسويه شي والله وداعت لـ بطني انتَ وياي ههنا والبنات جوه معندي بس جهاز واحد
محمد: اخذت الحزام وبقيت اضربها بجنون اريد اموتها بايدي وهيه تتسول اعوفها فقدت اريد اكتلها بايدي صرت ما اشوف ايشي كدامي صرت اجيب ايشي واضربها بي
اديان: م محمد عوفني محمد
محمد: مو بهاي السهوله اعوفج والله اله ادمرج والله اخليج تبجين 24 ساعه اطلع مو محمد
هدى: خويه فدوه عوفها حامل فدوه
مصطفى: محمد بداعت اهلك عوفها كافي محمد
علي: عوفها محمد حتموت بـ ايدك محمدد
عبدالله: محمدد كافي البنيه راح تموتت كافي افتح الباب
محمد: وخرو منا شعليكم بيها
علي2: محمد عوفها الخاطرنه عوفها
محمد: وخرت منها واني عباره عن فد شي دم عفتها ورحت فتحت الباب دخلو البنات والولد اخذوني وطلعنه بـ الحديقه
هدى: يمهه عزا بعيني يمه بنتي حتموت
زينب: اديان تسمعيني حبيبي
رهف: اديان فدوه جاوبي فدوه
اديان: ه هدى ب بطني راح ا موت هدى
هدى: يمه سوده عليه كومي للحمام
اديان: ماكدر
هدى: دخلت انصدمت بـ اديان شكلها غريب هيه ترفه واذا واحد يبوسها يبين الاثر
رهف: ساعدنها ودخلت للحمام هدى سبحتها واني اخذت الها ملابس وزينب نضفت الغرفه ورتبت الجربايه
هدى: سبحتها واني اشوف اثر الضرب انقهرت عليها واني متأكده ماعدها هيج طلعت برا خليتها ع الجربايه وهيه تبجي كتلها ع شنو تبجين اني متاكده ماعندج اي جهاز
اديان: هدى والله ممسويه شي والله احبه ماعندي غيره
هدى: اعرف يروحي يلا نامي
اديان: خليت راسي ع حضنها ونمت
هدى: خليت ايدي ع راسها وقريت ايات قرانيه ونامت كمت طفيت الضوه وطلعت
مصطفى: شبيك ولك شصار؟
محمد: لك محادثه بينها وبين ولد وكله كلام حب لك اني تخوني اذا ما اكسر راسها ما اطلع محمد
مصطفى: لك والله فقيره متسوي هيج
محمد: خوفك من الفقير
مصطفى: تعال ندخل جوه
محمد: روح انتَ بعدين اجي .. بقيت ادخن وافكر شنو صاير بيها هسه معقوله اتأذت هسه هيه وين ياربي ساعدني ضربتها حيل بس ليصير بيها شي
ياربي ليش ماكدر الزم عصبيتي وهيه متتحمل
بقيت كاعد شويه ودخلت جوه .. هدى
هدى: ها
محمد: وين اديان
هدى: محمد هيج تأذيها؟
محمد: وين هيه
هدى: بغرفه رهف نامت
محمد: صعدت فوك شفت مكان الجانت كاعده بي اذكرت من وكفت يمي وخليت الها عطر سبحت ورحت ع الجربايه عطرها بگل مكان طفيت الضوه ونمت
اديان: كعدت ساعه 2:8 بليل كعدت ميته وجع بطني تأذيني
رهف: ها يحلو شوكت كعدت
اديان: قبل شويه
رهف: تريدين اكل
اديان: لا مو جوعانه
رهف: اكلي وياي اني بعدني مماكله ميته جوع
اديان: اريد مي
رهف: جبت الها مي كعدت يمها شبكتها حيل كتلها لتضوجين حبيبي
اديان: ممسويه شي رهف
رهف: اعرف حبيبي
هدى: تستقبلون ضيوف؟
رهف: هههههه اي
هدى: لا خيانه لعد واني هم اريد احضنج
اديان: تعاي
هدى: حضنتني حيل كتلها جوعانه؟
اديان: لا بس انعس
رهف: شكد تنامين ولج
اديان: مدري انعس
هدى: يلا اخذي راحتج تصبحون ع خير
اديان + رهف: وانتِ من اهله
اديان: رجعت ع الجربايه افكر بـ ديصير وياي نمت
رهف: كعدت ساعه 9:36 شفتها نايمه يمي ملامحها حلوه بريئه غسلت ونزلت صباح الخير
الكل: صباح النور
هدى: وين اديان
رهف: نايمه
محمد: روحي كعديها عدها علاج بـ 10
رهف: هزيت راسي بـ اي صعدت فوك شفتها نايمه رحت يمها كتلها اديان اديان كومي حبيبي
اديان: ها
رهف: عندج علاج بـ 10 كومي
اديان: ماريد اييعلاج عوفوني انام تعبانه والله
رهف: هاهيه براحتج حبي نزلت واني اشوف اديان متغيره حيل نزلت رحت يم هدى همست الها كالت
هدى: عوفيها
محمد: ها شنو كالت
رهف: هسه راح تكعد
محمد: اخذت سويجي وطلعت
هدى: صعدت فوك شفتها نايمه صارت ساعه 11 وهيه مكاعده كلت خلعوفها براحتها نزلت سويت أكل صارت بـ 12 ونص اجو كل الولد
علي: لعد وين أديان؟
هدى: نايمه
علي: صدك تحجون نايمه من البارحه؟
رهف: اي والله متقبل تكعد
محمد: روحي كعديها خلي تنزل تاكل مماكله شي من البارحه
رهف: اي صعدت فوك اديان حبيبي كومي
اديان: اي بس جيبلي ملابسي من الغرفه اريد اسبح
رهف: صار
اديان: سبحت لبست ملابسي ودامشط بشعري ورهف كالت
رهف: يلا تعالي ننزل
اديان: ماريد انزل
رهف: اجيبلج أكل ههنا؟
اديان: ماريد
رهف: هسه أجيبلج اكل نزلت جوه .. اكلج هدى
هدى: ها حبيبي
رهف: خلي أكل لـ اديان خلي اصعده الها
مريم: لعد هيه متنزل ع راسها ريشه
هدى: شعليج بيها؟
مريم: ايش تحبوها هيج فوك متخون زوجها وبعدكم تحبوها
محمد: كافيي مريم
رهف: اخذت لـ اكل وصعدت يمها كتلها تعالي اكلي
اديان: جنت ميته من الجوع بس ما اشتهي ايشي اكلت شويه وكمت
رهف: اكلي بعد حبيبتي
اديان: ماريد والله
رهف: الخاطري
اديان: والله ماريد بعدين من تكملون تعالو ههنا يمي ضايجه
رهف: صار اخذت الاكل ونزلت
هدى: هاي ليش مماكله
رهف: مدري متريد
هدى: خلصت شغلي وصعدنه فوك يمها لكيتها تبجي
كتله شبي الحلو يبجي
اديان: مشتاقتلج
هدى: يايمه اروح فدوه للمشتاقتلي
رهف: باععو اليوم الولد يسهرون برا شنو رئيكم كلنه نسهر جوه؟
هدى: اي خوش فكره
زينب: لك واخيرا ابني نام
اديان: ههههه شكد أحب اطفالكم
هدى: همه هم يحبوج
ملاحضه:
زينب عدها ولد واحد اسمه ايليا
هدى عدها ولد اسمه امير
رهف عدها ثنين ولد حر وحرب
محمد: صار يومين مشايفه احس اشتاقيت الها صارت بـ 10 طلعنه كل أحنه من البيت علمود نسهر يم اصدقائنه وصلت للباب ونسيت الجهاز مالتي فوك
رجعت جاي امشي فوك وهيه طلعت من غرفه رهف جانت حيل متغيره باوعت عليه بنضره ماكدرت افسرها شنو حيل ضجت عليها
اديان: طلعت من الغرفه باوعت ع الدرج جان اشوفه كرهته وكرهت كلشي يخصه جان بنفسي اشوفه بس من شفته كرهته رجعت دخلت جوه
محمد: دخلت للغرفه اخذت جهازي ونزلت طلعت
اديان: بنات؟
البنات: ها
اديان: اريد اروح لـ اهلي
هدى: اي حبيبي
اديان: ماعرف منو يدزني
هدى: اني ومصطفى نوديج
اديان: ومحمد منو يكله
هدى: اني اخلي مصطفى يحجي وياه
اديان: تمام .. بقينه لحد ساعه 2 دخلو الولد كلهم
الولد: السلام عليكم
البنات: وعليكم السلام
علي: يابويـه هسه يلا نور لـ بيت شلونج اديان
اديان: الحمدلله منور بـوجودكم
مصطفى: شلونج خويه
اديان: الحمدلله
علي2: محتاجه شي؟
اديان: لا سلامتك كعدو شويه واني مارفعت عيوني من الكاع شنو يكولون عليه شكد عيب تمنيت بهاي للحضه يطلع حلم رفعت عيوني صارت عيوني بعيونه نضراته تكسرني عفتهم وصعدت اول مدخلت الغرفه دموعي مكدرت الزمهم ....
الكاتبه: لارا حسين .
