محمد: جانت كاعده ومنزله عيونها تمنيت اشوف نضره وحده منها رفعت عيونها نضراتها مكدرت افسرها جانت تحجي وياه البنات من دخلنه هيه طلعت صعدت فوك واني طلعت بـ الحديقه ادخن
اديان: جان اكو شباك ع الحديقه رحت وكفت هوا اجه كعد جان يدخن هوايه وهوه جان يكول بس اذا اضوج ادخن عفته ورحت سبحت ونمت
محمد: قررت اكسرها بس ماعرف شلون قررت اخطب بنيه بس اكسرها بيها ومن ترجعلي اعوفها
دخلت جوه نمت
اديان: كعدت ساعه بـ 9:00 الصبح سبحت وغيرت ملابسي ونزلت .. صباح الخير
الكل ماعدى محمد: صباح النور
محمد: نزلت وشفت وجهه بي ابتسامه قررت افاتحهم بهاذا الموضوع .. احم اكلكم يولد
الولد: كول
محمد: تعرفون وضعي شنو واني قررت وبعد ميصير اتراجع عن قراري
مصطفى: اي؟
محمد: جنت احجي واباوع عليها جانت تسوي بـ الجاي .. المهم اني اريد ازوج
هدى: شنو؟
مصطفى: شبيك تخبلت؟
محمد: جانت تسوي بـ الجاي بس ما انطت اي رده فعل اجت كعدت بصف هدى وهدى تسويلها اكل وتوكل بيها وهيه تسولف وتضحك
مصطفى: خويه اديان انتي قابله يزوج
اديان: معندي شي وياه بعد خلي يطلكني ويزوج
محمد: لو تموتين ما اطلكج
اديان: مو بكيفك
محمد: لا بكيفي وطلاك ما اطلك انسي هلشي
اديان: اريد اروح لـ اهلي ماريدك
محمد: متروحين لـ اهلج
اديان: مو تريد تتزوج عوفني؟
محمد: تحلمين اعوفج
اديان: خوش عفته وصعدت فوك قفلت لـ باب وكعدت ابجي ليش هيج ديصير وياي
محمد: مرو 3 ايام عاديه بـدون ما اشوفها جانت حته متنزل تاكل قررت اخطب مريم
هدى: لج اديان
اديان: ها
هدى: محمد حيزوج مريم
اديان: هزيت راسي بـ معنى اي
هدى: ليش هيج صرتي؟
اديان: هدى اني اسفه والله احبكم كلكم واتمنه توكفين بـ عرس محمد واني مو هواي باقيه يوم يومين اموت ديربالج ع رهف وزينب وع نفسج هم احبكم كلكم
هدى: نجبي لتكولين هيج
اديان: انعس نوميني بحضنج
هدى: صار تعالي .. خلت راسها بحضني وتسولف ع ابنها لـ بنطها وتكول اذا محمد عافني اصيرله اب وام وتشاقه وياي نامت عفتها وطلعت
اديان: كعدت ساعه بـ 5 العصر سبحت ولبست وصليت وقررت انتح*ر حرفيا ببالي هيج اسوي وجبت سجينه مال فواكه خليتها ع ايدي اليسره ع الشريان وبعد محسيت بـ شي
هدى: جان الكل موجود كلت اكلج رهف اديان وين؟
رهف: نايمه
هدى: حروح اشوفها
رهف: انتضري اجي وياج
زينب: اني هم
هدى: جاي نسولف دخلنه للغرفه واشوف فد شي عباره عن دم انصدمت بقيت مصدومه صحت بكل صوتي محمدددددد
محمد: كاعدين نسولف وسمعت هدى تصيح استغربت رحنه كل احنه الولد صعدت وشفت شي صدمني انصدمت اديان منتحره؟؟ اخذنها المستشفى وكالو حامل وحالتها كلش خطره يراد الها دم
هدى: يارب ميصير بيها شي
رهف: اموت والله اذا يصير شي
زينب: يارب فدوه ساعدنه يارب ميصير شي
مصطفى: خويه لتخاف مابيها شي
محمد: حالتها خطره مصطفى شلون ما اخاف
مصطفى: اخذته الحضني وكتله مرتك بطله تكدر تطلع من الموت
- عفوا منو محمد؟
محمد: اني ليش
- المريضه صار ساعه تحجي بـ اسم محمد رجائن تفضل ادخل
محمد: دخلت جانت حيل متغيره تقربت يمها بست ايدها وكعدت يمها كتلها اني اعرف انتِ متسوين هيج بس جنت عصبي احبج لتعوفيني شويه وطلعت
هدى: شوكت تطلع
محمد: باجر
مصطفى: منو يبقه يمها
محمد: اني وانتو روحو
هدى: لا
محمد: اني ابقه يمها
هدى: تمام
محمد: رجعت يمها صار اليل وهيه مكاعده رحت نمت ع القنفه
اديان: كعدت ميته من العطش شفت محد يمي بس محمد .. محمد
محمد: يروح محمد كولي
اديان: اريد مي
محمد: ثواني .. جبت الها مي تكدرين تشربين
اديان: اي
محمد: رحت سويت الها خروج وطلعنه من صعدنه بـ الطريق سئلتها .. ليش هيج سويتي؟
اديان: اشوف الموت مناسب الي
محمد: لتكولين هيج .. جوعانه؟
اديان: لا
محمد: وصلنه ع البيت ستقبلوها بعدين صعدت فوك كتلها اليوم حيجي عبدالله ارجعي للغرفه
اديان: هزيت راسي بـ اي دخلت لغرفتي صار هوايه مداخله بيها اشتاقيت لـ كلشي اخذت ملابس ودخلت اسبح طلعت نشفت شعري ماليخلك اخلي ايشي خليت عطر ورحت انام
محمد: دخلت للغرفه جانت ضلمه شفتها نايمه مبينه تعبانه اخذت ملابسي ودخلت اسبح خليت فراشي بـ الكاع ونمت
اديان: كعدت ساعه بـ 8:30 غيرت ملابسي ونزلت جوه جانت هدى كاعده صباح الخير
هدى: صباح النور حبيبتي
اديان: هدى حموت من الجوع
هدى: اوفف صار هوايه مسامعه هيج الصراحه اشتاقيت الها
اديان: هههههههههه
هدى: شنو تردين واني اسويلج
اديان: مدري
هدى: تمام هسه حسوي
اديان: اجيت اكوم من الكرسي اول ماكمت دخلت لزمت الميز ورجعت كعدت
هدى: شبيج
اديان: ماعرف دخت
هدى: هاي لان متاكلين
اديان: مدري
هدى: تعاي اكلي
اديان: اكلت شويه وكمت
هدى: هاي ليش اكلي شويه لـ خاطري
اديان: والله اكلت هوايه
هدى: شويه
اديان: بقينه نسولف صارت بـ 9:30 كلها اجت
محمد: اكلك عبدالله
عبدالله: كول حبيبي
محمد: عندي موضوع وياك
عبدالله: صار تعال نطلع بـ الحديقه
محمد: تعال
عبدالله: ها خويه
محمد: ........
عبدالله: هاهيه صار
محمد: حبيبي متقصر
اديان: ماعرف ليش حيل ضجت طلعت بـ الحديقه صفنت ع الورد واني اتذكر شلون جنه وهسه شلون صرنه ومنو سبب هاي المشكله معقوله شخص يعرفني حيل خايفه خايفه ميرجع يثق بيه
محمد: طلعت شفتها كاعده بـ الحديقه رحت احجي وياها .. احم اريد احجي وياج
اديان: معندي كلام وياك
محمد: ليش
اديان: مدري بس معندي عفته ودخلت صعدت فوك ذبيت الحجاب اختنكت اريد ابجي قفلت الباب وكعدت يم الجربايه اتذكر كلشي ديصير وياي وابجي معقوله هاذا حقيقه هوايه بجيت غسلت وجهي ونزلت
هدى: شبيهم عيونك الحلوه
اديان: ماعرف
هدى: جنتي تبجين؟
اديان: لا
محمد: جانت مبينه تبجي حيل ضجت عليها
اديان: هدى حبيبي حروح انام كعديني بـ 5 عندي علاج
هدى: صار
اديان: صعدت فوك لبست ثوب قصير وخليت عطر طفيت الضوه ورحت انام
محمد: وين أديان؟
رهف: راحت تنام
محمد: اها تمام .. صعدت فوك لكيتها نايمه تقربت يمها بستها من خدها جانت حيل متغيره متوقعتها تصير هيج طفيت الضوه ونمت يمها .. كعدت ساعه 5:44 جانت بعدها نايمه بس شابكه ايدي ونايمه مبينه تعبانه جانت قبل متنام اذا مو ع ايدي وتحضن ايدي يلا وخرت منها رحت غسلت غيرت ملابسي وطلعت
اديان: صارت بـ 6 كعدت غيرت ملابسي وغسلت رتبت الغرفه ونزلت جان محد موجود بـ البيت
.. احم وين البنات؟
محمد: طلعو للحديقه بليل يجون
اديان: هزيت راسي بـ معنى اي وكعدت ع الكرسي جان أكو الم بـ ضهري خفيف
محمد: شنو تردين اجيب عشه
اديان: ماريد
محمد: عندج علاج ميصير
اديان: ماريد اذا تريد انتَ روح أكل
محمد: تمام .
الكاتبه: لارا حسين .
