هدى: مره فتره البيت گله ضايج محمد منشوفه هواي قررت أخابر اديان اتصلت عليها وجاوبت
اديان: هلاو حبيبي
هدى: هلا حبيبي شلونج
اديان: تمام وانتِ
هدى: من سمعت صوتج صرت بخير
اديان: حبيبي انتِ ، شخبارج شخبار الطفل والله مشتاقتلگم كلكم
هدى: أني هم مشتاقتلج مناويه ترجعين؟
اديان: الله كريم . حبيبي اني مو بالبيت أوصل لـ بيت جدي واتصل عليج
هدى: تمام حبيبي
اديان: تقريبا دقايق وصلت غسلت المكياج غيرت ملابسي طلعت بلحديقه اتصلت ع هدى جاوبتني وضافت زينب ورهف بقينه نسولف يمكن ساعه او ساعه ونص بعدين كلوحده راحت تقريبا دقايق واتصل علي جاوبته
علي: لك هلاا
اديان ابتسمت: هلا بيك شخبارك
علي: بخير الحمدلله وانتِ
اديان: الحمدلله
علي: والله البيت مو حلو بدونج والبيت گله ضايج شوكت ترجعين
اديان: خلي يخلص العرس وان شاء الله خير
علي: أن شاء الله يلا اصبحين ع خير
اديان: وانتَ من اهله غلقت الجهاز ورحت انام .. تقريبا مر أسبوع جنت بغرفتي اخلي مكياج واجت ماما
ماما: حبيبتي اديان
اديان: ها ماما
ماما: اجه محمد زوجج
اديان: ها
ماما: شبيج ماما غيري ملابسج وتعالي أنزلي
اديان: اي ماما .. هاي شنو مستحيل أجه يرجعني منو يگول ارجع وياه غيرت ملابسي وخليت عطر اخذت جهازي ونزلت جوه .. ماما وين بابا؟
ماما: حبيبتي ابوج راح لبيت أهله وزوجج محد يمه أدخلي عليه عيب
اديان: اهو شعنده جاي .. فتحت الباب شفته موجود
احم السلام عليكم
محمد: وعليكم السلام
اديان: كعدت بعيده عليه وكتله تفضل شتريد؟
محمد: مشتاقلج
اديان: باوعت عليه جان حيل متغير ماعرفت شنو أجاوب دنكت راسي وهوَ بقه يحجي
محمد: اديان اني بدونج ضايع ارجعي مو الخاطري لخاطر لـ طفل البطنج اني مستعد كلشي اسوي علمود ترجعين وياي
اديان: ارجع وياك لخاطر الطفل
محمد: اي
اديان: ماريد تحجي وياي
محمد: اي
اديان: وماريد تنام وياي نفس الغرفه
محمد: هاهيه موافق
اديان: هزيت راسي شويه ودخلو ماما وبابا بقو فتره يسولفون
محمد: يلا اديان جهزي نفسج علمود نروح
بابا: لا بويه شسالفه راح يصير اليل نام هنا والصبح اطلعو أن شاء الله
محمد: لا عمو مشگور والله عندي شغل
بابا: لا والله متطلعون اخذ راحتك البيت بيتك تريد تنام هنا تريد فوك تاخذ راحتك
محمد: مشگور عمو
ماما: اديان جهزي غرفتج خلي الولد يصعد يرتاح
اديان: صعدت لـ للغرفه وافكر معقوله ينام يمي لا مستحيل زين شلون اذا اروح اكول لـ ماما اريد فؤاش حتگول الجربايه جبيره نامو ثنينكم .. رتبت الغرفه غيرت الفراش خليت عطر ونزلت
بابا: بويه أخذ راحتك
محمد: تصبحون ع خير
ماما + بابا: اجمعين
اديان: دخلت للغرفه وهوَ دخل ورايه
محمد: اديان
اديان: ها
محمد: اريد اسبح
اديان: اي .. قبل اول مَ اجيت يم اهلي جبت ملابس كلش هوايه فَ جنت مخليه ملابسه بلكنتور رحت فتحت الكنتور اخذت بجامه سوده وهودي رصاصي خليتهم ع الجربايه اني عندي حمام بغرفتي لان غرفتي گلش جبيره رحت امسح المكياج خلص محمد اجه ع الميز نشف شعره واخذ المشط بقه يرتب بشعره اني اخذت تراكسود نوم كلش احبه دائما ارتاح بي فَ دخلت اسبح كملت وطلعت شفته ديخابر بـ علي اني نشفت شعري وخليت مرطب لـ جسمي ورحت اخذت جهازي جان ع الشحن ورحت ع الجربايه انام تقريبا نص ساعه وكمل اجه ع الجربايه جانت الغرفه ضلمه حسيت بـ ايده ع بطني
بقه يمشي ايده بهدوء
محمد: مشتاقلج
اديان: وخر اريد انام
محمد: معقوله ما مشتاقتلي !
اديان: ماعرف وخر محمد خله وجهه بركبتي صار فوكايه احس وجهي صار احمر كتله .. م محمد
محمد: عيونه
اديان: وخر محمد
محمد: نامي يعيون محمد
اديان: ماعرف شنو اجاوبه صار يبوس كل مكان بوجهي وركبتي من صدك حسيته مشتاقلي جنت فاقده هذا الحنان جنت حيل مشتاقتله اريد احضنه بس جاي اخجل منه وماعرف شنو السبب وخر مني سحبني لـ حضنه بادلته الحضن حضني حيلل ونام اني هم نمت كعدت تقريبا ساعه بـ 7 شفتها تمطر حبيت الجو رحت اغسل غيرت ملابسي ونزلت جوه شفت ماما وبابا كاعدين .. صباح الخير
ماما + بابا: صباح النور
ماما: حبيبتي شنو تردين اكل
اديان: بگيفج حبيبتي
ماما: تعالي اكعدي هنا لتطلعين برا بارده
اديان: اي .. رحت كعدت يم التدفئه ولزمت جهازي تقريبا شويه وماما سوتلي اكل اكلت شويه صعدت فوك شفت محمد بـ الحمام رتبت الغرفه ورتبت الفراش خليت عطر وطلع محمد
محمد: صباح الخير
اديان: صباح النور .. بقيت ارتب الغرفه هوَ كمل ونزلنه سوه
محمد: صباح الخير
ماما + بابا: صباح النور
ماما: اديان حبيبتي كومي سوي اكل لـ زوجج
اديان: اي .. دخلت للمطبخ صار هوايه ممسويه اكل نسيت شلون اسوي خليت الجاي ع النار بقيت واكفه حسيت بـ شخص يحضني من ورا
محمد: شبيها الحلوه صافنه
اديان: ماعرف اسوي اكل
محمد: هههههههههههه
اديان: شبيك تضحك
محمد: وخري اني اسوي
اديان: تعرف؟
محمد: اي
ماما: اديان
اديان: ها ماما
ماما: تعالي
اديان: دخلت للصاله .. ها حبيبتي
ماما: ماما حنروح لـ بيت عمج
اديان: هسه !
ماما: اي حبيبتي بـ 10 هيج نرجع
اديان: تمام .. راحو قفلت الباب وراهم ورجعت للمطبخ
محمد: يلا تعالي
اديان: اجيت .. رحت وكفت ع الكاونتر وهوَ يسوي
كل شويه يحضني او يبوسني ضحكت ع تصرفاته
محمد: يلا بويه تعالي اكلي
اديان: اكلت قبل شويه ماريد .. رتبت المطبخ كمل محمد لـ اكل غسلت المواعين رتبت المطبخ وطلعت برا مطر كلش هوايه بقيت العب بـ المي ملابسي كلهم صارو مي
محمد: ادخلي جوه لتتمرضين
اديان: بس شويه
محمد: يلا بويه تعالي ادخلي
اديان: أي اجيت
محمد: انتضري هنا اجيب المنشفه وارجع
اديان: تمام .. شويه ورجع بقه ينشف بشعري
محمد: روحي غيري ملابسج
اديان: صعدت فوك غيرت ملابسي لبست تراكسود شتائي نشفت شعري ونزلت جوه
محمد: تعالي هنا
اديان: جان كاعد يم التدفئه رحت كعدت يمه
محمد: شبيج حبيبي
اديان: بردانه
محمد: تعالي بحضني
اديان: فتحلي ايده دخلت بحضنه خله ايده ع شعري وكال
محمد: انتِ ليش متاخذين الكلام !
اديان: اني؟
محمد: اي
اديان: شسويت
محمد: كتلج تعالي ادخلي تگولين بس شويه شبيج بابا غير تتمرضين
اديان: بعد مَ اعيدها
محمد: خوش
اديان: حضنته حيل صار فوكايه
محمد: اخخ لو تعرفين شكد مشتاقلج
اديان: وخر محمد اول مگلت هيج حسيت شفايفه ع شفايفي بقه يبوس بيهم بـ هدوء بقيت ادفع بي ماعرف شلون دفعته وانگسر اضفري احس روحي تريد تطلع من مكانها وخر محمد وكال
محمد: شبيج !!!
اديان: بقيت ابجي وماعرف ع شنو ابجي ع الوجع او ع اضفري
محمد: شگو؟
اديان: باوع أضفري
محمد: هاي شبيج بـ شنو انكسر
اديان: بقيت ادفع بيك وانكسر
محمد: هههههههههههههههههه
اديان: هاي ليش تضحك
محمد: تعالي غسلي
اديان: اخذني من ايدي وصلنه للحمام اخذ ايدي غسل اصبعي طلعنه للصاله اخذ اگنلس بقه يسوي بي
جاب لزقه جروح خلاها وكال
محمد: يلا بويه كافي لتبجين
اديان ببجي: محمد
محمد: ها يعيون محمد
اديان: اضفري يأذيني
محمد: تعالي هسه يروح الوجع
اديان: رحت بحضنه واني ابجي
محمد: كافي بويه مو اكلج قرضيهم بس انتَ متقبلين
اديان: مجاوبته
محمد: اديان؟
اديان: لتحجي وياي
محمد: ليش !
اديان: احسن
محمد: تمام
الكاتبه: لارا حسين .
