في ديره تحكمها العادات والتقاليد الشديده كان الجد مساعد داخل على العيال فالمقلط
دخل الجد مساعد وفتح الباب بقوه وفتح النور وقفل المكيف
فز صالح وسالم
صالح وهو مبقق عيونه : ياويل حالي الحرب قامت
سالم بصوت ناعس : وش العلم
الجد مساعد صغّر عيونه بحيث يشوف بوضوح : انتم عيالي مُهاب و ناصِـر؟ من انتم؟
سالم : ييااجد ماتعرف احفادك
الجد مساعد بتذكر : اييييه عيال جابر ؟ وش جيبكم؟
صالح : ياجد علامك مداهمنا كذا كأن به احد يراكض وراك
الجد مسساعد بعصبيه : قم قم قامت عصبك توضى نروح نصلي
فزوا سالم وصالح واختلفت ردودهم : "ابشر ، على خشمي"
التفت الجد مساعد لمُهاب و ناصِـر اللي كانوا متعودين وباقي ماقاموا مشى لهم وهو يصلخهم بعصاه
ويفزون
ناصِـر بصرخه : وش صاير
مُهاب بخرعه : وش حنا مسوين عشان ننضرب
الجد مساعد : ابك الصلاه الصلاه ياليهود
صالح بيأس طالع بالساعه الا يشوفها 4:20 وقال بصدمه : ياجد عاين الساعه !
الجد مساعد وهو ناظر : علامها؟ لايكون كسرتوها كسر الله يدكم
سالم بصدمه : ياجد ربي يطول لي فعمرك الساعه باقي 4 ما أذن حتى!
مُهاب بضحك : يعيال حن كذا نروح المسجد قبل الامام
العيال : هههههههههههههههههههههههههههههههههههههههههههههههههههههههههههههههه
الجد بعصبيه : يلا مشينا بس
———————————————————————
في بيت بعييد جدًا عن الديره
دخلت ام عوض وفتحت الأنوار : نجد امي يلا قومي الساعه 4
نجَـد فتحت عيونها ممن النور اللي داهم عيونها وحطت يدها فوق عيونها : يمه طفي النور المؤذي ذا
ام عوض بابتسامه : لا يابنتي ماني بقافلته يلا قومي عليتس مدرسه
نجَد : يوه مانمت زين
قامت نجد تتجهز
أما في بيت ابو ماجد
سعود راح وهو يدندن وقعد يطق باب غرفة ساره ويطبل عليه
قامت ساره بانزعاج: ههااااه ميين
سعود بابتسامه : معتس سعود ياطويلة العمر
ساره بغثى: يالليل سعود ماغيره؟
سعود باستفزاز: ايه نعم اخوتس سعود ماغيره ، اووووه عندتس مدرسه؟ انا اقول قومي قبل يجيتس ابوي ويسحبتس من شوشتتس
قامت ساره وفتحت الباب وشكلها محيوس: علامك انت صجيت راسي من راسلك تغثني؟
سعود وهو يمثل الخرعه: سكنهم مساكنهم ! جني يا أهل البيت
ساره انقهرت : انقلع
وطبعت الباب بوجهه
ضحك سعود ومشى وهو يغني ومروق لآخر حد
———————————————————————
عند بطلتنا نجد قامت تتجهز وهي تدندن ومروقه
راحت للمطبخ تسويلها فطور الا يداهمها عوض
عوض بابتسامه : ياااههلا تو يزين صباحي ، وشلونتس
نجَد رفعت حاجبها : وش مبتغاك ؟ اخلص تراك واضح
عوض ابتسم : ياحبي للي يفهمني ، الا اقولتس وش علوم ترف؟
نجَد : مير اني داريه ان عندك مصلحه ، مب شغلك تحبها ؟ رح قل لعمي مصلح وحاكيه واخطبها
عوض بتزفيره: المره صغيره وشلون اعرس عليها وهي كبر اختي؟
نجَد ابتسمت : ياولد اقول لك اخطبها لاتعرس عليها ! احجزها بس !
عوض : ابشوف وضعي
نجَد ابتسمت له :بالتوفيق الله يجمعكم بغرفه وحده قل آمين !
عوض ابتسم: آمين آمين ياعين عوض!
———————————————————————
اما في بيت الجد مساعد قاموا البنات يروحون يسوون الفطور
ترف بحلطمه: ايه حنا نطبخ ونتعب والعيال يزطون ومرتاحين
نوره بضحك:يابنت الحلال من يقولتس ان العيال مايتعبون؟ ماحد معاون ابوي وجدي غيرهم خل عنتس وكملي طبخ لايسمعتس الوالد ومن بعدها تعرفين التعب الصحيح
ترف : يمه خلاص بعدين انتِ كملي الفطور انا رايحه اجهز تراي طالبة علم
نوره: ايه زين رايحه تطلبين علم ولا ترقصين مع ساره هالخبله؟
ترف ضربتها من كتفها بخفه وهربت
ضحكت نوره وكملت تسوي الفطور
YOU ARE READING
جيتني مثل الشروق اللي محى عتم الليالي
Romanceتبدأ أحداث روايتي عند البطله نجَـد اللي تكون عايشه في المدينه و بيوم امها وابوها يقررون يسافرون لسبب بنعرفه في الروايه ويخلون البطله وأخوها في بيت جدها اللي في الديره وآخر الليل تقرر تروح عند " البِل " وتحصل البطل جالس مع ناقه ويدخل عليهم جدهم ومن ه...
