ဒီနေ့ အိမ်ကလယ်စိုက်မှာမို့ မှိုင်းတစ်ယောက်ယာထဲအစောသွားဖို့ရာပြင်ရတော့သည် ..အမေရဲ့ နှင်းဆီအိုးထဲကနေ အဖြူရောင်လေး တစ်ပွင့်ကိုလည်းခူးလာဖို့လည်းမမေ့ ..ဖြူလုံးလေးနဲ့ထပ်တွေ့ချင်ပါသေး၏ တကယ်လိူ့တွေ့ရင်ပေးရအောင်လည်း ပန်းလေးခူးလာခဲ့၏.... ။
"ဟ..ငါ့သားက (၂၉) နှစ်ရောက်မှ ချစ်သူထားတော့မယ်ပေါ့ဟုတ်လား မိန်းမရေ နင့်သားကြည့်အုံးဟ ဘယ်အိမ်ကသမီးလေးနဲ့ ဖြစ်နေတယ်မသိ ပန်းတွေ ဘာတွေ ခူးလို့ဟေ့ ..ဟဟဟ"
"ဟုတ်လားငါ့သား ဘယ်အိမ်က မိန်းကလေးနဲ့ဖြစ်နေတာလည်း..အမေပြောလေ လိုက်တောင်းပေးမှာပေါ့ ..အမေကတော့ ငါ့သားဘယ်မိန်းကလေးယူယူ လိုက်တောင်းပေးဖို့အဆင်အသင့်ပဲ"
မိန်းကလေးမဟုတ်ပဲ ယောင်္ကျားလေးလို့သာပြောလိုက်ချင်ပေမယ့် ချင်ခြင်းကြီးက အဆင်ပြေမယ်မထင်၍ လိမ်ပြီးပြောလိုက်ရသည် ...
တကယ်လို့သူတို့သားက ယောင်္ကျားလေးတစ်ယောက်ကို ချစ်နေတယ်ဆိုရင် နားလည်ပေးပ့မလား ။
"ချစ်ရမယ့်သူတော့ရှိနေပြီအမေ ...အဖြေပြန်မရတေးတာမို့ ဘာမပြောတာပါ တကယ်လို့အဖြေရပြီးတွဲကြတဲ့အခါ အမေကိုသားပြောပါမယ်"
"အေးပါ..အမေကတော့..သားဘယ်သူနဲ့ပဲယူယူ..မကန့်ကွက်ပါဘူး
အဓိက....ကတော့ ငါသားတို့အဆင်ပြေဖို့ပါပဲ ....ဒါမဲ့သိပ့်တော့အချိန်ဆွဲမနေနဲ့ကြားလား အမေလည်းမသေခင်မြေးချီချင်တေးတယ် "
"ဟုတ်ကဲ့ပါအမေရဲ့ ...အဖေသွားကြမယ်လေ"
ကျွန်တော်လည်းအဖေခေါ်ပြီးတော့ ယာတောစီထွက်လာခဲ့လိုက်တော့သည်..အရှေ့ကနေအမြန်လျှောက်နေသဖြင့် အဖေကစနေ၏။
"ငါ့သားရာ ဖြေးဖြေးသွားပါ ..ဒီအချိန်အဲ့ကလေးကျောင်းမသွားတေးပါဘူးကွ ...အရင်နေ့တွေကတော့ (၆)နာရီခွဲလောက်ဆိုရင် ရွာထိပ်ကကုက္ကိုပင်နားတွေ့မိသား"
အဖေအပြောကြောင့် ကျွန်တော်အရမ်းအံ့ဩသွားမိ၏..ဒါဆိုအဖေက သူသဘောကျနေတာဘယ်သူဆိုတာ သိသည်ပေါ့ဒါနဲ့ဘာလို့အမေကိုအမှန်မပြောရတာလည်း။
"အဖေက သားသဘောကျနေတာ ဘယ်သူဆိုတာ သိသည်ပေါ့ဟုတ်လားအဖေ.."
"သိပါတယ်ငါ့သားရယ် အဖေလည်းငယ်ရာကကြီးလာတာပါကွ..ငါ့သားနွေးကိုကြည့်တဲ့အကြည့်တွေကအစဘယ်လိုဆိုတာ သိပြီးသား..ဒါမဲ့ မင်းအမေကတော့သဘောတူကြည်ဖြူနိုင်မယ်မထင်ဘူး ...ဟူး...."
YOU ARE READING
"မေတ္တာ ပြိုင်ပွဲ"
Romanceမှိုင်းဝေ + နွေး "ဂုဏ်တွေငွေတွေမရှိရင်လေ လူမပြောနဲ့ အချစ်တောင်မျက်နှာငယ်ရတယ် ...မှိုင်း "
