#نظرة_لك
الكاتبة دنيا
البارت السابع
كلُّ الجِراحِ إذا داويتَها بَرِئَت
إلّا الفراقَ فجُرحٌ غيرُ مُلْتَئِمِ
. 🖤🖤🖤🖤🖤🖤🖤🖤🖤🖤🖤🖤🖤🖤
عذراء
.. ليش متحجين وياي وتتحاشيني شنو السالفه
.
.. انت شبيك شنو هاي التصرفات الولدانيه شكد يصير عمرك بعد وتبطلها
.
.. متحسين نفسج صايره تحجين حجي اكبر من راسج ولج اني عمري كله محد حاجي وياي مثلج بس اعبرلج اكول خطيه وخليها هيه تعرف غلطها وتعتذر بس انتي الضاهر حيوانه متمشين الا بالكتل والغلط اذا حجيتي هيج وياي لو نترتي بعد ابوج اسمطه سمط فتهمتي لو لا
.. هههه اي طلع وجهك الحقيقي الي اعرفه من اني وصغيره بطل تستضرف وعود اني حباب واني كيوت تعرف انت اصلا حرام احجي وياك بعد الي سويته لكن اني راح اكون احسن منك واكلك تراجع نفسك وتعدلها الي ينحرف ويطلع للظلمات صعب يرجع الطريق النور لا تستمر بهذا نحرافك وغير مسيره
.. شدتحجين انتي حتى صلاة كمت صليت وياج بس الصبح ماكعدتيني
.. يا أيها الذين آمنوا لا تقربوا الصلاة وأنتم سكارى حتى تعلموا ما تقولون .."
.. الهذا السبب ما كعدتك لأن حظرتك اجيت سكران البارحة
.. باوعلي بصدمة بعدين صفن يتذكر وهو يباوعلي
.. اني اجيت للبيت البارحة مابيه شي جنت بالكهوة ونوب رجعت ويا صديقي
.. اي كلش صحيح
.. لا والله اني البارحة اتذكر جنت بالكهوة ونوب رجعت للبيت ماادري
.. لتسوي هاي الافلام اني تعلمت منك هاي سوالف الكذب واسوي روحي ممفتهم السالفه أتعجب عليك اكول ما خجل من نفسه ولا والظهر صلة وهو حتى ما سابح من السم الي شربه شنو من حياة حياتك انت.
.. اوكفييي عمري كله ماضكت السم الي تحجين عنه ولا كطيته بحلكي اني صحيح انسان طايح حظي لكن مو الهاي الدرجة مال أشرب واجي للبيت واني هسه ما راح احجي شي بس راح اتأكد من الكامرات الي بالكراج واذا
.. واذا طلع حجيي صحيح ومااجذب مااريدك تحجي وياي ولا تباوعلي ولا تحسبني من هذا البيت ومتدخل بيه
.. حلمج هذا اصحيي منه. كبرتي وخليتني احبج وانتي الي علقتنيي بيج فمال اتركج وهاي السوالف تنسيهن بس اروح اكسر عباس تكسر وافصله واطلع خياساته اذا صدك. مسويه وياي وداك الناقصة بيه لأن اني لا يمكن اسوي هذا الشي ولا اشرب ولا حتى بحياتي مفكر بهذا السم فهمتي لو لا خليني راضي عنج تعرفيني الا اطلع خبالاتي اسودنج واسود عيشتج والله
.. رحم الله
.. انجبيييييي ولييي من كدامي
.. باوعتله بأستهزاء واني بداخلي نيران من الغضب اتمنى أكدر علي جان لزمته وكسرته تكسر هذا الصلف الي متنكسر عينه ويطلع روحه من انكس سالفه دخلت الغرفتي بعدني بجادر الصلاة تحسفت انام من هسه مديت سجادتي وفتحت القرآن
وسبحان الله جنت واصله السورة المائدة
وطلعتلي اية
