نظرة لك

البارت العشرون

#نظرة_لك
الكاتبة دنيا
البارت 20

أُقاتلُ لأجلِ من أهوىٰ
‏ ومنْ أهواهُ يَقتُلني '))

🖤🖤🖤🖤🖤🖤🖤🖤🖤🖤🖤🖤🖤🖤🖤

عذراء

.. شرائيكك اني راح اوافق

.. مااعرف بعد بس اني راح احاول اغير من نفسي ومن تصرفاتي ومن اطباعي علمودج وراح اضحي هواي في سبيل حبج ضحي وجربي

.. واذا ماعندي مشاعر تجاهك غيث

.. انتي جربي وشوفي يمكن ترجع مشاعر الحب بيناتنة

.. برائيك هيه لعبة المشاعر وتروح وتجي؟

.. لا لا انتي ولا اني كدرنا ننسى او نعيش طبيعي شكد حاولت اتجاهلج ماكدرت ولا انتي كدرتي

.. اني أكدر لو تعوفني براحتي اني نسيتك بس انت مدتخليني اثبتلك هذا الشي

.. وان كان حتى لو نسيتي حبج اني اذكرج

.. ليش مصمم تتزوجني معقولة رهن انت وامك لو شنووو بالضبطط

.. غيث.. لججججج عذراء زعطوطة انتييي شهالكلام هذاااا هاااا اراهن عليج اراهن على بنت عمييي ششايفتني مثلا شلون اصلا يخطر ببالج هيج هاي لأن مستقتل عليج وحابج

.. انت مو حابني انت شفتني صعبة وتريد تحصلني

... لا وداعة امي مو هيج وروح حبوبتي مو هيج ولا اصلا مفكر انتي صعبة انتي عذراء ومتسجلة بأسم غيث فماكو داعي اشوفج صعبة او احصلج نهايتج الي بكل الاحوال الي بس اكول ليش ما نحاول نصلح الي بينه حتى نرتاح بحياتنه ونأسس عائلة سعيدة

.. يعني مقتنع اني مااتزوج غيرك

.. انسيها والله الا الگبر ياخذني يلا بذاك الوكت مااكدر اسوي شييي انسييي تصيرين الغيري

.. واقبل بيك بهاي انانيتك ونرجسيتك وحبك النفسك وبس ومتحترم احد والبيت كله يكرهك وصلاتك يوم تصليها وعشرة لا وموبايلك كله بنات

.. اناني بس وياج لأن اريدج واحبج اناني لأن احبج عذراء؟؟

.. هذا مرض نفسي مووو حب انت دتخنكني غيث مدتنطيني فرصة دتكلي لو اي لو اي يعني ماكو مفر لا منا ولا منا حتى وانت تحاول تصلح دتخربها اكثر

.. زين انطيج حل

.. اي بالله

.. اني راح اغير من نفسي وانتي وياي وراح تشوفين غيث ثاني وموبايلي راح يضل بأيدج حتى تتأكدين ماكو عندي شي وراح ابطل اعلي صوتي ومن ادخل للبيت اكون لطيف وياكم ومن تشوفين كل هاي التغيرات راح توافقين عليه؟؟ يعني اتعب نفسي؟؟ احاول عذراء؟ ترجعيلي مثل قبل

..حاول غيث حاول لأن انت هواي اذيتني ادعي الله يمحي وينسيني كلشي شفتة وكل دمعة بجيتها من وراك حتى يرجع شعور الحب واكدر اعيش وياك