ငါတို့ တစ်ဂိုဏ်းလုံး ကြယ်တာရာခေတ်ကို ကူးပြောင်းသွားပြီ

chapter 6

Chapter 6
Shwe Sin OoNovember 04, 2024
💫Chapter 6

တတိယစီနီယာအစ်ကိုရှဲ့ရုန်က သက်မွေးဝမ်းကြောင်းအတွက် တိုက်ရိုက်ထုတ်လွှင့်ခြင်းကို စတင်ရန် လုပ်နေချိန်မှာပင် စုန့်နင်ဖုန်းက ဂိုဏ်း၏မြေနှင့် ပိုက်ဆံအမြောက်အများကို ရှာလာ၏ ။

စုန့်နင်ဖုန်းက နာမည်ကောင်း ဝင်မယူဘဲ ပြောလိုက်သည် ။

" သက်စောင့်ဆေးက ချန်ကျီလုပ်ထားတာဆိုတော့ သူက အမည်ခံရဖို့ ထိုက်တန်ပါတယ်… ပြီးတော့ ငါတို့ရဲ့ ပညာတွေက ဒီကမ္ဘာပေါ်မှာလည်း အသုံးဝင်သေးတယ်ဆိုတာ သက်သေပြလိုက်တာပဲ… အနည်းဆုံးတော့ ငါတို့ ရှင်သန်နေထိုင်ဖို့ အခက်အခဲမရှိတော့ဘူးပေါ့…"

အမြဲတမ်းရက်ရောတတ်သော အကြီးဆုံးစီနီယာအစ်ကိုက လက်ဝှေ့ယမ်းကာပြောလိုက်သည် ။

" မင်းတို့ဘာဝယ်ချင်တာရှိလဲ… ဝယ်ချင်တာသာဝယ်ကြ…"

" ယေးးးးးးး "

မကြာသေးမီက အလွန်စိတ်ဝင်စားဖွယ်ကောင်းသော တိုက်ရိုက်ထုတ်လွှင့်တင်ဆက်မှုကို လေ့လာနေသည့် တတိယအစ်ကို ရှဲ့ရုန်က ဦးဆုံး အသံကျယ်ကျယ် အော်ဟစ်လာ၏။ သူက တိုက်ရိုက်ထုတ်လွှင့်တင်ဆက်ရာတွင် ကြည့်ရှူသူဆယ်ဂဏန်းပင် မရခဲ့သောကြောင့် အခြားသူများ၏ တင်ဆက်မှုကို အလောတကြီး လေ့လာနေရသည်။ သူ ရှာဖွေရာ၌ ဂြိုဟ်ပေါင်းစုံအစားအသောက်ချန်နယ်များ၊ ပစ္စည်းအသစ်ဖွင့်ဖောက်ပြသည့်ချန်နယ်များ၊ အလှအပရေးရာဆိုင်ရာချန်နယ်များ များစွာရှိသည် ။ သူက ၎င်းတို့ကို စိတ်ဝင်စားစရာကောင်းသည်ဟု ထင်သော်လည်း ကံမကောင်းစွာဖြင့် သူက ရှက်နေပြီး အခြားသူများကို ကြည့်ရုံသာ ကြည့်နေနိုင်၏ ။

အခု သူတို့ ပိုက်ဆံရှိနေပြီဆိုတော့ တစ်ခုခုလုပ်လို့ရလောက်ပြီမလား…

အကြီးဆုံးအထောက်အပံ့ဖြစ်ခဲ့သည့် ချန်ကျီက ခေါင်းစဥ်အပေါ်စိတ်ဝင်စားမှုမရှိဘဲ ခေါင်းမော့ကာပြောလာ၏။

" မင်းတို့ သုံးကြလေ… "

ထို့နောက် သူက လက်ထဲတွင် စက္ခုကွန်ရက်ကို ကိုင်ထားရင်း သူ့ဘာသာညည်းညူရင်းထွက်သွား၏။ မကြာသေးခင်က စက္ခုကွန်ရက်ပေါ်တွင် အလွန်စိတ်ဝင်စားဖွယ်ကောင်းသော သင်တန်းများကို သူ တွေ့ရှိခဲ့သည်။ ဓာတုနည်းပညာနှင့် ဆော့ဖ်ဝဲလ်များအတွက် ထုတ်လုပ်ပုံနည်းလမ်းများစွာရှိသည်။