Last Devoted ( Mafia )

Last Devoted - 14

Chapter - 14

BY - GRAPESY

( MAFIA|| ROMANCE )

" De Martino, Cosa Nostra ho-tu an God Father te hian dan kalh thil lian tham tak an ti a ni "

Mipa pakhat rawn ding chhuak chuan a rawn ti a, Raphael a rawn sawi chhanna ngei a ni, a in chei dan chu a dum thla vek a, a palian hle bawk, vun ngo lam pang leh ťawng theih hmel zet mai hi a ni a. A lan dan chuan a ni chu Ndrangheta lam a nih hmel a, ka ring suallo chiang hle bawk. Dawhkan lian zet hual chuan an ťhu hrang diat diat hlawm a, Sicilian te, Ndrangheta te, American Mafia te, Cammora leh Russian Mafia te, Mafia ah pawh a lang sar hlang hlat ťhu khawp an nih hmel e, ka hriat hrang vek theihna chhan pawh an logo ťheuh vang chuan a ni.

De Martino chu amah chauh in a ťhu a, a hlauhawm hmel hle a, an zah hlawm em em bawk. Ka awmna hmun aťang chuan a ťhu hla hle a, amah erawh chu a upa ve tawh khat tawh tih chu hai rual a nilo, a sam var deuh khap tawhte chuan kum naupang zek zawk tak a nih tawhlo zia chu sawi ngai kherlo in an rawn ti chiang hle a ni.

Ka mit ka len zel a, Raphael pawh ka hmu nghal chat bawk, Salvatore leh Domenico inkar ah chuan a ťhu ran a, a hmel chu a thim khup a, an thil sawi laite chu ngun takin alo ngaithla a, ramsa hlauhawm takin a sah seh tur a hel mai ang mai a ni. Hawi sawn leh in Ndrangheta lam chu ka en leh ngat a, ka pu(ka nu pa) ngei mai tar ve tawh tak chu ka hmu a, a bul chiah ah, ka pate-William a aťhu bawk a.

Mafia pawl hrang hrang chu pathum ťheuh an ni a, vengtu pahnih an nei ťheuh bawk. Pate-William leh ka pa in biak na a ruk a ka ngaihthlak ťum kha ka rilru ah a rawn lang zawk a, ka pate a thusawi ang ngei in thil chu a thleng tak tak reng a, ka pa sicily a aluh theih chhan pawh kei leh Raphael vang chauh a ni.

Mi in biakna ngaihthlak ruk vel hi chu ka tih ťhan tak zing a mi a ni a, ka zei tawh hle bawk. Mahse tun hi chu a dan a dang zar a, mi pahnih ngawr ngawr nilo in pawl hrang hrang in biak ho na a nih tawh vang a ni.

Tun lawk a thu rawn sawi zo chiah tu pawh kha ala ding run a " Eng ang thil chiah maw Cosa Nostra ho chuan an tih sual a? " De Martino chuan chik zet a en chung hian a ti a, thu sawi tupa lam chu a en pah kar bawk.

" Mafia danah chuan kum tling lo a nupui pasal in neih hi thil theihloh bur a ni lawm ni? " Chu pa bawk chuan a rawn ti a, a thil sawi tum chu ka man nghal uar uar bawk. Tunah pawh hian Raphael chu pathlakna tur leh tal awh theihna tur phet a zawng tih chu ka hai hauhlo.

" Ni e, in nei lui an awm ngat a nih chuan kah hlum nghal tur a ni " De Martino chuan khauh zet chuan alo ti chang fak a, ka awm hmun ah chuan ka lo ťang ťung a, ka thaw dep dep bawk " Raphael hian a nupui atan kum tling lo a nei a, hmanni lawk khan GodFather nihna hlan a ni bawk " a ti a, in-la cham zet in Raphael chu a melh a huatna mit meng in Raphael chu a melh bawk, Raphael erawh a ngawi ngul a, a thusawi lai leh a che lai chu ngun tak leh uluk takin alo melh kar thung.

" Enge awmzia, Raphael? " De Martino chuan alo ti vat a, chu tah ka changtupa ngei mai chuan " De Martino, thil hi hre chianglo hian sawi mai mai a ťhalo khawp mai, ka nupui hian tun kum ah kum a tling a, a hnu reiloh ah kan in nei chauh tih i hriat kha, a tih chian nan ah kan inneih na hmun Sicily ah pawh ilo kal kha, a ni lawm ni De Martino " Raphael chuan a ti a, Ndrangheta ho lam chu a melh pah kar bawk.

" A tih chian nan Ndrangheta Boss hi ka Nupui Pu a ni e " Raphael chuan a ti a, ka chanchin a hre thui leh lutuk chu ka mak tih a ziak a, ka ngaithla tui hle bawk.