-
تفاعلوا في كل البارتات 💔
/
فتح عينه بتعب كل شي كان يدور فيه و دمعته كانت تنزل ، تلفت حولينه
ما شاف أحد و الغرفة وحده جناح بروحه ، رفع جسمه و استرجع اللي صار ،
قبض ع البطانية وهو يرجف ... معاذ اكيد انه معاذ بس شلون ...
سمع فتحة الباب و انسدح من جديد و غمض عيونه ..
قرب منه ومسح على شعره وبسرعه بعد يده نادر ..
نادر : قلت لكم لا تلمسوني ..
هاني : تحس بشي الحين ؟
نادر بعد وقام من السرير : وينه ..
هاني : مين ؟
نادر بحدة : معاذ وينه ؟
هاني : الأستاذ معاذ حالياً عنده اجتماع ..
نادر ضحك بسخرية : هههههه أستاااذ كل ما عشنا بنشوف غرايب ..
هاني ما فهمه : شتبي بالضبط ؟
نادر : بطلع من هنا ..
مشى نادر ونزل للغرفة اللي كان فيها دخل وشافهم لابسين لبس موحد
تحرك لشنطته لبسها على ظهره و طلع من دون اي كلمة ..
نبيل : يجلط يقهر..
صقر وهو يعدل شعره : خله يولي مو هامني مستغرب من الاستاذ معاذ
على اي اساس جايبه هنا يشتغل ..
طلع نادر وهو للحين يرجف من التعب ، مو مستوعب شي و مايبي يستوعب
من وين جات له الفلوس القصر وشلون رجع السعودية هو أصلاً ما درس
ويسمونه استاذ كل شي كان يتعبه نفسياً اكثر من جسدياً ..
وقف عند الباب و ما عرف شلون يفتحه ..
قرب منه معاذ : وين ؟
نادر حتى ما ألتفت له : أفتح الباب ..
معاذ : ١٠ دقايق وراح يجي نسيم .. ناوي تهرب ؟
نادر لف له : لا ، أصلاً كنت بطلع و أتصل عليه من اي أحد ..
معاذ قرب من نادر ومد له فلوس : خذهم يسدون حاجتك لين ينزل لك أول راتب ..
نادر مد يده وسط أستغراب من معاذ بس انصدم بضربة نادر اللي طيحت الفلوس ع الأرض ..
نادر وهو متنرفز : لا تتوقع اني آخذ فلوس من أحد صدقة ..
معاذ أخذ الفلوس من الأرض : ما عرفت قيمتهم الحين رغم انك فقدتهم ؟
نادر : و ما أبي اعرف ..
معاذ وهو يأسر على مجلس : رح اجلس هناك ، نسيم بيتناقش معك و طبيعي مو جنب الباب ..
دخل نادر المجلس بدون ما يرد على معاذ وجلس ع الكنب بتعب ، صح بعيش بقرف مع حيوانات
بس مستحيل أضل هنا دقيقة زيادة ..
دقايق ودخل نسيم ومعاه واحد ..
نادر وهو يفتح عينه على اوسعها : ن... ناصر !
ناصر وهو يجلس حاط رجل على رجل جنب نسيم : شخبارك ؟
نادر قبض على بنطلونه بس للحين محافظ على نبرة غروره : الحين تسألني عن اخباري ؟ ما عزيتني حتى
في أبوي ..
ناصر : أبوك ؟ اللي دخل شراكة مع ابوي و أخذ معاه لقبره ٢٥٠ الف حرام ..
نادر بحدة : ما هي حرام ، نسيم قال ان على كل شهر شغل راح ينعطى كلن حقه منكم ..
نسيم : آسف نادر بس ابو ناصر حالة خاصة ما يشمله هالشي ..
نادر : يعني ..
نسيم وهو يوقف : أخليكم تتناقشون ..
طلع نسيم وضل نادر يطالع في ناصر : يعني طلعت حالك من حال الكلاب ..
ناصر بضحكة عالية : ههههههه ايه ايه انا كلب و مسعور بعد ..
نادر : شتبي فيني ؟
ناصر قرب من نادر ورفع ذقنه : ابيك تنظف جزمي تمسح فمي و تقدم الأكل
في الاستراحة للشباب ، بالمختصر خدام تحتي ..
نادر بعد يد ناصر عنه : تآكل تبن رح اقرب مركز شرطة وبلغ عني ..
ناصر : تؤتؤتؤ من قال لك هذا ينفع ؟ مستعد ادخلك احد سجون جده حبيبي
لا و بسلطة ابوي اجبره يدخلك في سجن كله عبيد أنت حزتها بتآكل بتنام بتتنفس
معاهم ، تخيل الشكل و قل لي أتصل ع الشرطة ؟
نادر بدا يرجف وهو يحاول يثبت بس ما قدر بانت دمعته ومسحها بس بدت دموعه
تخونه وتنزل ..
ناصر وهو يحرك في شعر نادر شده لورى : شفت شلون لكل كبير يوم شخص اكبر منه
بعض المواقف اللي احرجتني فيها بدت تكبر داخلي لين بطلعها فيك ، لذا الحين
راح نبتدي ..
