-
أتعرف ما الجوع ؟!
أشتاقُك و لا أجد حتى فتات رائحتك على وسائدي ،،
ـ
نادر رجعت له موجة الإهانة من جديد صك بأسنانه بقوة و توه بينطق
بس ألتفت لمعاذ إللي أندفع ناحية أمه ..
معاذ همس لنادر : رح غرفتي ..
نادر كانت دمعته على طرف عينه و ما تحرك مع أن أم معاذ ضلت
تسقيه بوابل من كلامها المسموم بس م كان يسمع شي و هو يطالع
في عيون معاذ ..
معاذ من جديد : يلااا ..
نادر أنتفض و راح بسرعه وصعد ..
أم معاذ وهي تشوفه يصعد : خذ أغراضك و أنقلع ..
دخل نادر جناح معاذ و جلس ع الكنب و طيح دموعه المحبوسة
تلاشت في الفترة الأخيرة كل أحاسيسه بالإهانة و الذل و الإنكسار
بس اللي صار في هالدقيقة خلته يرجع للضعيف و الحقير المنسلب
منه كل شي ..
عندهم ضلت أمه تنتفض و كأنها شايفه شيطان قدامها هي الثانية
عاشت هالسنين بدلال و متعة نستها أنها في يوم كانت تجثي ع الأرض
تنظف تخدم و تتلقى السب و الشتم و تنادى بالعبدة وجه نادر إللي
شافته رجعها لموقعها السابق تحت رجول أمه و ضحكات الطبقة
المخملية اللي صارت منهم ..
معاذ أخذ نفس و قرب من أمه : ليش سوتي كذا ؟
أم معاذ بعصبية : معاذ و لا كلمة .. أنت لك الحرية أيوه تسوي أي
شي في الفلوس إللي عندك و أنا كنت فخورة فيك و في اللي تسويه
في هالشباب بس أنك تدخل هالكائن بيتك و تضفه من الشارع هذا
الشي اللي م راح أسكت عنه ..
معاذ طالع في أبوه : قل اللي عندك أنت بعد ..
أبو معاذ مشى قريب من كنب و جلس فيه : ي ولدي أبو نادر رحمة
الله عليه صح ما رمانا في الشارع و عطاني فلوس بس قسم الحياة
إللي عشناها في قصره كانت جحيم و أنت تآخذ ولده في الأحضان
كأنك تقول و استغفر الله أنا العبد اللي ما يتخلى عن سيده ..
معاذ جلس أمه جنب أبوه : أتكلم أنا الحين ..
أم معاذ : لا تبرر ..
معاذ : ما أبرر شي .. يمه عشت معاكم كل لحظة ويا نادر و لا تنكرون
أن الوحيد إللي لقى الذل و التعب و القهر من نادر كان أنا ، أنتي أو
أنت يبه كم كلمة أكلتوا منه ؟ ثنتين عشر عشرين كلمة ؟ أنا لقيت منه
ألف كلمة في اليوم..
أم معاذ قاطعته : لهالسبب أنا صفعته و طردته ليش جايك يهز ذيله
بعد ما تفل عليك و داسك بدون رحمة ...
معاذ : تتوقعين أنه جاني بإبتسامة و أنا بادلته و طبطبت عليه ؟ يمه عيشت
نادر كل يوم بضعف العذاب لما صار تحت رحمتي بس و بعدين ؟ لا أنا
أستفدت و لا هو .. الحياة وحده ليش أكدر نفسي و أضايق على إنسان
أقدر أصلح من حاله ..
أم معاذ وهي توقف : قل بعد أنك دفعت ديونه ؟
معاذ هز راسه : هو يشتغل هنا ع شان يدفع ديونه يمه أنا وياه بينا
عقد مستحيل بسبب مشاعرك أخلفه ..
أم معاذ : أسمعني أحنّا هنا بنضل أسبوع بس .. فهالأسبوع لا تسكتني
لما أكلمه و لا تعلق عليّ فاهم ..
معاذ ابتسم : يعني أخليه هنا ؟
