همسة ألم

44

لا اعتذر على الاخطاء الاملائية

________________

تعال وشف قلبي على حطة يدك لازال
‏على حد الشعور اللي تفارقنا على حـده ..

١٩ يوم .. وبضع ساعات

يطير شبشب صافق كتف اللي دخل : كم مرة اقلك الاكل مايدخل لهنا !!!

يمسك كتفه بألم شايت الشبشب برا الغرفة : ذا مايصحيه الا ريحة الجريش

يوقف ناوي يجلده لينحاش الثاني مع اكله
تتجهم ملامح الواقف قرب النافذه : لو فهد صاحي كان قده يطقطق عليكم

يقرب خالد مربت على كتفه : بيصحى ..

يومئ الصغير متجاهل ازعاجهم اللي يحاولون يخففونه لاجل النايم
تسرح عيونه بالجو خارج النافذه ..وقت الرواح ماقبل العصر
يشتد البرد على اجسادهم والسماء تقريبًا صافيه الا من غيوم مبعثره هنا وهناك..
يذكر حضنه اول الشتاء.. يوم كان باقي به شعور
كانت ايام سيئة على قلبه وليتها ترجع وتدحر سوء حاضره

شد التيشرت على جسمه من رجفه سرت فيه
يرن هاتفه ويرفعه بهمس : هلا

: فاضية تقابليني؟

ناظر لأخويائه الجالسين مع كتبهم يذاكرون.. صارو يطلعون من الدوام للمشفى فورًا للأطمئنان على حال فهد
رد بهدوء: اي

: بمرك بعد دقايق

يسكر الخط ويستند بضهره عالجدار بتنهيده
تطيح عيونه على جسد المُمدد ليهمس : ليتني مكانك

وقف شايل شنطته وتقدم للسرير ينحني بحذر، يبوس كتف الفهد قبل لايطلع بلا كلام
وكان ذا فعله اللي اعتادو عليه اخويائه من ايام.. ولو ان بعضهم استغربه او بغضه

هزَء تركي : وضعهم مزري .. قبل الحادثه بيومين كانو متجالدين
والحين واحد ذابحه الشوق و واحد بعالم ثاني

سامي يرقعها من غيرة دخلت قلبه : تلاقيه حاس بالذنب لا اكثر

تحتد عيون رائد من كلامه ... ذا ماهو اول نقاش بينهم عن وضع اصحابهم
وبكل مرة سامي يضهر رد معادي او كاره لعلاقتهم : ماتحس انك زودتها ؟
خله بحاله ، اصحاب ويعزون بعض

يتفاجىء سامي من احتدام نبرته : ماقلنا شي... و ماهم اصحاب
من عرفوا بعض بينهم عداوة

يتكلم حمد بعدم اهتمام حاك خشمه : الا اصحاب .. شفت فهد يحضن فارس

تتوسع عيون سامي ،ليسأل رائد بغرابه : هاااه !!