لا اعتذر على الاخطاء الاملائية
_______
مشت بالشوارع اللي كانت غريبه عليها
تلاحظ اختلاف جو الرياض عن ابها سواء بالزحمه وشكل الطرق والبنايات
وكلما مرت قرب شخص تفز مبعده ناسيه انها بهيئة ولد
سحبت اكسجين تحط السماعات بأذنها وتنفثه براحه : يالبيهه .. كذا حياة العيال ؟ مافيه حواجز ولا احد يتلقف فيني
شكلي بتعود بسرعه
<< اخ لو تعرفين >>
كملت الربع ساعة وهي تمشي بدون ماتبعد عن مكان البناية لاجل ماتضيع
وبلحظة فهاوه لعبت فيها بالجوال صقعت بشخص و طاحو ثنينهم
صارخ وهو يرفع جواله يتفحصه اذا انكسر او لا : عمى ماتشوف !!
ينتبه لحجمها بنظره خاطفه وهو يوقف وينفض ثوبه : شهالقرف اللي بقابل العيال فيه ..ماتناظر قدامك يالورع ؟
انبلع لسانها من الخرشه تنطق بصعوبه غالبها الخجل والاحراج من الموقف : آسف .. ماقصدت
ترك الثوب يناظر بفهاوه من صوتها : هاه؟؟؟
ابتسمت بمجاملة ترفع شعرها القصير برجفه : آسف
( ياويل قلبي ) قالها بنفسه وسأل بغباء وهو يمد يده لها تقوم : انت ولد ؟
توترت اكثر وداهمتها رغبه بالبكاء (ياربي تو مابديت ..مابي انكشف )
ضحكت بتصنع واضح وهي تمسك يده وتوقف : وش تشوف انت ؟ عالاقل احترم طولي
ارتفع حاجبه معطيها نظرة جانتي قبل يضحك ويترك يدها خاق : اعتذر ،انا سامي ..شسمك انت ؟
: همـ.. فارس .. اااححم الزكام ياخي
اومئ بعدم تركيز : سلامتك ... جديد هنا ؟ ماقد لمحتك
فتحت فمها بتجاوب و رن جواله منقذها
يرد سامي بأستعجال : خمس دقايق.. هذانا عندكم
يقفل مبتسم لها بـ ود : مخاوي العيال ، تجي معي ؟
نفت تبتعد خطوه : مقدر .. منشغل .. برتب غرفتي اقصد بتقضى للبيت ..اا بضبط جدول للدراسه
ضحك على لعثمتها وعيونه ماتزحزحت عن ملامحها اللي ذبحها التوتر : اجل عطني رقمك عشان اعزمك بوقت ثاني
تبادلو الارقام ومشت من عنده وفيها رغبه بالبكاء : ليه عطيته رقمي !! ليييه يالسبيكه تعطينه ليه ..قولي مابي ..قولي انقلع .. انقلع وش! عشان يسطرني
أنت تقرأ
همسة ألم
Romanceبنت بمدرسة عيال... رومنسي مدرسي اكشن انتقام كوميديا ((بنت تدخل مدرسة عيال عشان تنتقم من شخص يحبها..؟ ))
