لا اعتذر على الاخطاء الاملائية
_______
اشكروها دخلت التعليقات بعيني
@Gfhdh45
ماشاء الله مو مخلية اغنية مو حافظتها ..ليتك تحفظين دروسك مثلما تحفظين ذا الكسرات
واللي يحشون بالكومنت ربي انجاكم وحط بيننا شاشه
_______
واقف قدام البيت يحرك رجله عالارض بتردد من طرق الباب ..
تكتف متلفت حوله وهو مستوحش من هدوء الحي
يخاف يدخل ويلقم تهزيء مثل كل مرة يرجع فيها لنجد دون علمهم
شال شنطة الظهر الوحيدة برحلته ومشى ناوي ياخذ فره بالرياض يسترجع هواها المُحبب لصدره
على كثر الدول اللي عاش فيها بمختلف فترات حياته كانت الرياض هي الوحيدة اللي ترد العافية لقلبه
بالايام العادية تكون حواريها مزدحمة بالطلاب اللي طالعين مشي لمدارسهم
ولسوء حظه وصل بوقت الاجازة وانحرم حتى من ازدحامهم
_____
7:25 ص
لابس شبشب الحمام وجالس ببجامة النوم عند الباب
يحدق بالفراغ بخمول وشعره متطاير
قبل ربع ساعه صحى من النوم يروح للحمام وتذكر اخته اللي نساها للمرة الألف
وحاليًا طردته من الشقة رافضة تسمع عذره الجديد
تنهد يفرك عيونه : تربية الاطفال صعبه
صارخ عشان تسمعه : ترا بروح مع العيال ومابرجع
ترد ريم بصراخ مماثل من ورى الباب : وبروح انا لأمي ومابرجع
: تخسين!
ينطق بسرعة من ردها الغير متوقع
: تهدديني يالشبر ؟
ريم بغرور : واهدد ابوك
وقف بذهول منصرع من الاسلوب الجديد : ياساتر .. وشذا
دق الباب يحاول يفتحه : ريم وش قلة الادب ذي! .. افتحي الباب
من الكلب اللي معلمك هالكلام !!
يجيه الرد يلجمه : انت
سكت مُدرك انه فعلًا الاسوء اخلاقيًا بحياتها .. بدا يحس بالندم على عدم مراعاته لعمرها وهمجيته قدامها ( صدق الاطفال مثل الاسفنجة)
يكرر دق الباب : انا اسف ياقلبي حقك علي .. ممكن تفتحين الباب نتفاهم ونشوف كيف نراضيك؟
تنفي ريم بعناد : روح من هنا سحر نايمه ازعجتها
ينطق بذهول : شهالقسوه ! ... ريم انا اختك ترضين تخليني كذا ؟ بعدين بروح اسبوع يمكن وبتشتاقين لي
ريم جالسة عالبلاط وتحط مناكير سحر على اظافر رجولها : انت قلتلي اناديك فارس مو اختي
يلح فارس : بتشتاقين لي!!
تميل راسها تتأمل الخراب اللي سوته بأظافرها بأعجاب : بيكون عندك وقت تراجع اخطائك وترجع
أنت تقرأ
همسة ألم
عاطفيةبنت بمدرسة عيال... رومنسي مدرسي اكشن انتقام كوميديا ((بنت تدخل مدرسة عيال عشان تنتقم من شخص يحبها..؟ ))
