همسة ألم

P.7/8/9

7

: فارس أنت!
تطيح قباله ويمسكها بتوتر
دخل وهي بحضنه يحطها بالسرير ومن صدمته ماقدر يفكر ولا يركز بشيء

أكيد به سبب خلاها تسوي كذا
اتلقف واسأل ولا مايحق لي؟
حسيت بشي غريب أول ماشفتها بس ماتوقعت أن أحساسي ولا 1٪ بيكون صح

طلع للصاله يمشي بجمود ( لو اكتشفت اني عرفت بتهرب؟)
ناظر للكتب المرميه بأهمال والخداديات عالأرض
وقرب الباب كوب الحليب اللي طاح من يدها
يشيله وينظف الارض قبل يسوي كوب ثاني ويحطه على الطاوله
خلص بعد دقايق وجلس يتصفح اللاب حقها.. سكره بسرعة بعدما سمع رنة جواله ولبس المعطف طالع من الشقه: هلا خالد

خالد : خوفتني ياولد وش طلعك كذا.. الاهل صايرلهم شي؟
سامي يصرف: تذكرت شي ناسيه عند بلال وماانتبهت لك 
خالد : وش هو؟
سامي يدخل سيارته: الحين أنا بالسياره، أقلك ان وصلت

سكر الجوال ومشى ، يوقف الموتر بعد دقايق على خط للبر ،ينزل بظلامه ويجلس على طرف الشارع رافع يدينه الثنين لوجهه.. فارس بنت؟  ليه تمثل أنها ولد؟
يمكن أنها...  ؟ لا أستغفر الله مستحيل، هي يتيمه؟ 
كيف بعرف الاجابات ؟ اسألها ؟ ولا اساعدها ؟
بتصير مصيبه لو درى احد 

عند اذان الفجر
ركب سيارته ورجع للسكن.. بوجهه حُمره من البرد ويدينه شبه مجمده
دخل وتفاجئ بخالد اللي جالس وبيده كوبين قهوه، يبتسم له : أحسبك أنخطفت
رمى المعطف على السرير وجلس مقابله ياخذ كوب : تدري لو الف الكون كله ما ألاقي مثلك
خالد تنحنح بغرور : أحم أحم أدري

يخلص كوبه بسرعه ويقوم يغير ملابسه قبل يرجع سريره يتلحف
جلس خالد على طرف السرير سائل بأهتمام : بتنام؟؟ ترا مابقى ساعتين أو أقل على الدوام

سامي ينزل اللحاف عن وجهه : إذا سألو عني قلهم كان يذاكر فالليل وأخذ برد
خالد : تمام معليك
لف بيمشي متجهز للدوام وقفه صوت سامي : خالد..

ألتفت له : هلا
سامي : لاتقول لأحد أني طلعت أمس..  بالذات فارس

أومأ براسه كأجابه... وكمل طريقة وهو يتسائل عن الشي ألي أخذ منه كل هالوقت؟

_____
تصحى على المنبه بعدما كان على (5:30 و 5:50 و 6:15 و 6:30 و 7:00 و 7:30)
و ماصحت ألا بعد أخر منبه
<< حركاتكم

ناظرت السرير بعدم تركيز تسترجع اخر شي تتذكره (أنا كنت على اللاب ..وبعدين؟ أمممممم سويت حليب وو وو رن الجرس ) وقفت بخرشه : يمهه كان عالباب سامي وانا .... مدري !
طحت نمت وش اللي صار؟؟