صهباء الطنايا

الحزء السابع

صهباء الطنايا

جعفر اخو ترفة بالرضاعة : والله لاكول لامي فاتن عليج ..شنو ما الها سيطرة عليج ..هيج احسن مو

..هسه الي يسمعك يكول اني كتلهم تعالر تحرشو بيا غير هما سرسرية
...شطول لسانج وانوب ترادد ..طبعا مكشفة الشعر والصدرية حاصرتها يجون زحف يتحرشون
امشي لشوف اعبرج الشارع

ردنا نعبر الشارع لازمني من ايدي نعبر
ووكفت سيارة حيدر كبالنا

...عززززا هذا شجابه هسه
..هذا منو النوب
..هذا خطيبي
..اي صلوات عالنبي
حيدر وهو يترجل من السياره رفع حاجبه مع حركة راس سريعه يعني هذا منو؟؟

جعفر وهو يمد ايده للسلام : السلام عليكم
حيدر مد ايده وعليكم السلام ..سلم وعينه عليا

..حيدر هذا جعفر اخويا بالرضاعة
جعفر هذا خطيبي حيدر

اشرلي حيدر يعني اصعدي
صعدت السيارة وهو مدري شنو حجى ويا جعفر بس نضراته الي كانت بعدم تصديق

صعد السياره ومشينا
كتيلي اخوج لعد؟؟
..اي اخويا وكلمة زايده منك افسخ ابو هالخطبة اياك تشك
...شبيج نهديتي حبيبتي ..هاهي اخوج اخوج شنسوي قابل مكذبج اني
شلون جاوبتي
...زين جاوبت
..وشبيج منفعله ..؟؟ هسه اني حجيت شي
...لا بس نضراتك بيها شك
...اووووي يمه نضراتي اغمضهن لعيوني اذا يضوجوج
...اي انتبه منا ورايح
...وتهدد هم...
..وكف السيارة يم ابو مرطبات نزل جاب موطات واجه
هاج اخذي
..شكرا
اخذتها منه وهو لاف السيارة بفرع جانبي بي بيوت
ونطاني كلينس لان دمرت نفسي وكامت تنكط
اباوعله نضراته الي مريبة
هذا شبي الساقط ..جابلياها لحتى اكل كباله
ويباوعلي
بحركة سريعة منه خطف مني الكبوس وذبه من الشباك بتصرف تهجمي
..وصار قريب مني حضني انگلب وحش ويبوس بيا عبالك مشايف
ادفع بي لكن من دون جدوى لان المكان ما مفتوح
المكان مغلق انحصرت بمكاني
مديت ايدي عاليده واني اتصارع وياه
انفتح الباب وانكلبت وكعت بشارع

كمت بسرعة نفضت صدريتي
وهو نزل من باب الخ
فاتح ايديه يريد يحضني ونضرات اسف

..تفووووو عليك يا سگط والله لاكول لابوي عليك
...خل نتفاهم
..امشي منا احسنلك
اخذت ت
اغراضي وصرت امشي بخطوات سريعة وهو صعد السيارة وصار يمشي وياي عالبطيئ ويحجي
..تعالي امي اسف والله مو قصدي
...امشي لك كيولي انعل والديك
...ترفه تعالي صعدي لتشهرينه
..ششهر بيك ولك ليش انت عندك شي مستور
ابن المفضوحة كاعد تبوس بيا بشارع ابو كرون

...تعالي صعدي لاانزلج
...شفت سيطرة نهاية الشارع وركضت
وهو يصيح اصعدددي
انتبه علينا الشرطي جان ويا اثنين واكفين وهمر

اجه صوبي واني ركضت
...عموو هذا يتحرش بيا خلصني منه
..حيدر وهو مطلع راسه من جامه السيارة ..تعالي صعدي
الشرطي : وين تصعد انزل لشوف وانطيني اوراق السيارة