صهباء الطنايا

الجزء التاسع

صهباء الطنايا

شمسوي النغل وياج..احجيلي ؟؟
...ملحك يسوي شي بس طلع قلاقيله كبالي

_شنهوووو
_شنووو شبيك ..؟؟
_شكلتي ..؟؟
_فدوة لتوكفلي عالحرف حباب اني اريدك تساعدني يعني هذا السرسري راد يغتصبني شتريد اشرحلك بالتفاصيل مثلا ...

..لاحول ولاقوة الا بالله العلي العظيم ..استغفرك ربي واتوب اليك
...باوع عزيزي اني منا متوترة وانوب انت عليا
...ليش شمسوي يضيمي ..؟؟

..ممسوي شي بس جاي اتوب يمي وتنافخ وضايج ومعاجبك شي

.. دحكي يولي انه راح اساعدج بس بالاول غير افهم قابل اظل مثل الاطرش بالزفة ..واحد هم ميعرف شيحجي ..اهلج شكو منطيج وبعدج بكد بزري

...ماعدهم خبزز يبعد اهلي
...تقلدين چمالة ..يول خاف منطيج لان راعية مشاكل !! ولو هو مبين من السانج ميحتاج الها روحة للقاضي
... لعد شكد سطحي وتحكم عليا من موقف؟؟

صفن بيا مثل الي تعجب وانحرج

..زين هسه قربنه نوصل ومن نوصل ننطي علم لبابا نكوله بنيتك يمنا...وانت مو غريبة هم حسبة بنتي

...هههاي بنتك شنو ..لتصير وصي اني بنت ابويا وبس
..عجل عش عفتي حضن ابوج يبوية
..سليمااااان
...يولو شو سليمان حاف..مار من يمج الاحترام لو لا

..لعد شكول عيوني
...يامُحمد على هللطركاعة كولي ابو داؤود كولي ابو سبع ابو شجاع ..

..شهالنفخ عيوني علساس يعني فخامة وكذا بس ينقصك نخلي ورا اسمك حفظه الله ورعاه

..لاحول ولاقوة الابالله

جهاد :
كلها السبب منك انت خوفتها لوما مديت ايدك عليها متنهزم
علي : جدو هي بس خل ترجع والله والله الا اكسر اعضامها ولوما مسوية شي متنهزم
جهاد : كافي عااد لتهوبز اكعد ...اتصلتو بأمها لو لا

محمد : ماكو مرايحة يمها ولا يم خوالها

علي : ماكو الا بيت ام جعفر
وطبان : جعفر منو انوب ..؟؟
محمد : جعفر اخوها بالرضاعة
وطبان : يله نروح شمنتضرين امشينا
صهيب : من توصلون دكو علينا

سليمان :
وهاي وصلنا....
هاي منطقتكم..؟؟
...اي منطقتنه وذاك بيتنا ..نزلي بسرعة ولا تتمندلين ..شكو ادحكين شو معاجبج
...لا عيني ماادحك
..وتقلدين انوب ..تدرين عوزج تربية
...مراح اجاوبك لان الوضع الي اني بي يجبرني اسكت
...هههه عگب ما وصلنا سكتت وهي الطريق كله ترطن صچعة كون ..حدررري لشوف يابه حددري

...فتحت الباب ونزلت
لابسة نعال ابو الاصبع وتراك رياضي مفتوح وشعري ذيل حصان لميته وهذا يباوعلي وما عاجبه شي شكله معقد لو مريض نفسي

..طبي بوية ..
طبيت بيتهم حلو بس مو بحلات بيتنا
صاح يماااا حجية

جنان : هلا ببو داؤؤد ..ها وياك ضيوف
...وينها امي..؟؟.