صهباء الطنايا

الجزء الثامن

صهباء الطنايا

اخذت ملابسي وطلعت لغرفتي بدلت ارررجف
ايديا مزلغات بدلت ونزلت شفته كاعد وسابح بدمه مجرد شرفته بهيج منظر قشعر بدني
باوعت للمكان وهو لاحول ولاقوة ميكدر يكوم ودعاء تحجي ويا الجيران ..الطارمة متروسة زلم ونسوان
دخيل الله انفضحناااااا

كام لحيله لازم راسه عدل الجاكيت وطلع دايخ
والناس طلعت من الطارمة
من بعد ما شبع رزايل
بس دعاء كالت الهم سوء فهم ماكو شي
بس بعديش من بعد ما انفضحنه وصارت سيرتنه عالكل لسان

دعاء اجتني وهي مخطوف لونها ..احجييييي شسوالج خايبة
...ماسوالي شي ..احجي وهي عيونها عالكل جسمي وكأنما تريد تتأكد من شي
...شلوووون ترفة فدوة اذا اكو شي احجي هيج موضوع مينسكت عليه
...هزيت راسي بدموع والخوفة بيا
...ماسوا شي مالحك والله ماسوا شي ..راح اموت خوووف دعاء ....
...كافي حبيبتي اني يمج ..بس فهميني شلون طب.
..اجه اخذ امي لتقاعد واقل من النص ساعة اندك الباب عبالي ماما رجعت ثاري هو
يكولي امج متخربطه اريد انزلها
...اهددي اشربي ماي
...من بعد ما كعدتني وهدتني اخذت الموبايل واتصلت على بابا بلغته وسولفت اله كلشي
ونطتني الموبايل ..يريد يحجي وياي
من سمعت صوته انفجرت بجي وهو يهدي بيا
..هدي بابا اني اليوم راجع والله لاحركه هو وامج بس انطيني صبر

للظهر ورجعت امي خايفة مرعوبة بس مو عليا لا
عالنفسها من الملامة ومن الشي الي راح يصير لان بابا متصل بيها مهددها

فاتن ...شسوالج احجي
...ماسوا شي
..احجي وووولج اذا صار شي لاخلي يشهر الزواج

....هذا هوووووووو الهمج بس ترررردين تخلصين مني .. والله لاكول الجدي واخلي يجي يطيح حظه بس اصبري
كعدت كبالي خايفة وتخرط بخدودها وتلوم بنفسها وتضرب عالرجليها ...نص ساعة مكدرت اغيب الا تسوين مصيبة

بنفس اليوم رجع بابا للبيت
هاليوم ماعدا عالخير ابد ..شدت عركة بينهم هو وماما الها اول مالها تالي
ولاول مرة بحياتي اشوف بابا يمد ايده عالامي
وما كتفى بهالشي
هو يحجي بگلب محروك وهي ادافع عن نفسها يذب اللوم عليا وهي تذبها عليا المهم متطلع غلطانة ..تمنيت يكعدون بهدوء ويحلون المشكلة ويطلعوني منها ..لكن نسو اصل المشكله والتهو واحد يعير الثاني بتقصيره واهماله وكل واحد صار يزايد بكلامه منو الي متعوب اكثر

تصاعدت لهجة الحوار بينهم وخاصة من بعد ماامي تجاوزت كل الحدود وصارت تذب كل كلمه شكبرها
محمد ..فااااتن انتي طالق
دعاء ..يمه عززا العزاني لاعموو فدوة

...يله لبيت اخوج مترهميلي مرة بعد ...مابعد اامن بيج لا عالاسمي ولا عالبيتي ولا عالعرضي ولا عالجهالي لهنا وبس يابنت الناس انتهت وياج وطلعت من ماعونها

..بهذا اليوم المشؤوم اطلكت امي وانتهت علاقتها ويا ابوي الي دامت سنوات من المحاولات للعيش بسلام ، انتهت العلاقة الي الكل كان مراهن عالفشلها
بس بابا دومه كان متمسك ودومه كان يصلح وراها اخطائه من دون تعب او كلل او شكوى
لن للاسف هي مقدرت هالشي واعتبرت شدت احترامه الها ضعف واستغلت هالنقطه وصارت تنهي وتأمر وتتجاوز
سنين وبابا كان يتحمل ويسكت ويكابر لحد مافاض بي