الساعه 12:03
كانت جالسه على كرسي داخل أسوار الجامعه و تنتظر عزيز
العنود:اووف عزيز رد يلا
قربت منها سياره و كانت مغمضه عينها تبي تنام فتح الشباك ونطق:بسم الله عليك
رفعت راسها من شبهت على صوته و قربت تركب معاه وهي ساكته
عزيز:شفيك من مزعلك ؟
كانت ساكته و ماردت عليه
عزيز:اهااا عشان تأخرت قصدك؟
العنود:ليش ادق ما ترد؟؟
عزيز:يا امي والله كنت عند بوابتكم الزفت ذي و مديركم يسألني وش تقرب لها و بغيت انزل والعن جده
العنود:ههههههههههههه اما تلعن جده مره وحده سو له سكب وانتهاء
عزيز مسك يدها و نطق:اسف
العنود:على؟
عزيز:مدري
العنود شدت على يده و نطقت:ماني زعلانه بس جوعانه
عزيز:ابببشري الآن وين تبين بس؟
العنود:مدري اي حاجه بموت جوع
عزيز:ماعندكم كافتيريا ؟
العنود:إلا بس ماش ما تأقلمت على أكلهم
عزيز:ابد الحين أغذيك
خلف:والله لك فقده من غير شر
تركي:يا بعد عيني انت
خلف:جاني علم ان امي شيخة اليوم بتطلع مخيم مع عيالها
تركي:سألتك بالله
خلف:اي والله تبي أوديك عندهم؟
تركي:لا لا ودني المركز عند ابو عزام
خلف:وليه
تركي:بسلم عليه و بستأذن منه انك تكون معي اليوم احتاااجك
خلف:ابشر بسعدك
الجدة شيخة:ياويلي ويلااه بنتس للحين ما قامت زوداً عن ذا غايبه ؟
الجوهرة:تعبانه
الجدة شيخة:افا وانا جدتس وش مزعلك؟
رسل:لا بخير ماحد مزعلني يلا يلا اطلعو ببدل عشان نطلع
الجوهرة:اي زين
منال:ما أتوقع إني بروح مالي نفس
علي:يمه الله يهديك وراك
منال:شلون اروح واخليه بالمستشفى تعبان اشلون؟
عمر:يمه اعتبريه نايم و ما جاء معنى يلا يمه
منال:مقدر مقدر
علي:يمه عاد عشاني يلا
منال:يا علي قلت لك مقدر
عمر:إذا لي بقلبك معزه قومي يا يمه قوي وصدقيني مافيه إلا العافيه
منال وهي تقوم:لا حول ولا قوة الا بالله
علي:يلا أنا بالسيارة ترا
عمر وهو يسكر باب غرفتها:لا تتأخرين يا ميمتي
نغم:اي خلاص كل شيء زينته
نايف:زين هادي للحين ما قام؟
هادي ومنشفته على كتوفه:أقوم وين اروح ووش كل ذا
نايف وهو يقلد كلام هادي:ووش كل ذا وانت وش دخلك أبفهم يلا رح البس ثوبك و خذ فروتك ترا برد
هادي:يبه وش الي برد ما برد وش فيكم ؟؟
نغم:ياخي بنروح مخيم بنروح م خ ي م عرفت يلا فارقني
هادي:ابببشري
نزل من السياره و دخل للمركز و خلف وراه طق الباب على ابو عزام ووقتها كان المركز مليان بس ولا احد شافهم طق الباب مره ثانيه وطلع له ابو عزام:ما شاء الله يا النظام وجايني ب الثوب ! مباحث ؟ من ذا يا خلف
خلف:هاذا طال عمرك
رفع رأسه تركي وانصدم ابو عزام و حضنه:ارحبببب
ضحك تركي ونطق:البببقى
ابو عزام:الحمدلله على سلامتك
تركي:الله يسلمك
ابو عزام:والله يا الدور الثاني بدونك ولا شيييء
تركي:تكفي و توفي يا طويل العمر
ابو عزام بضحك:بعدين تعال لبسك مخالف شلون تدخل المركز بذا البس؟
تركي:مدري طال عمرك بالغلط
ابو عزام:قل والله بالغلط ههههههههههههه
تركي:طال عمرك أنا بغيت أطلبك طلب
ابو عزام:ابشر من الحين
تركي:بغيت اخذ خلف طال عمرك معي اليوم عندي شغله ابي أخلصها وأبيه يساعدني إذا ماعليك امر
ابو عزام:مع ان خلف صاير يغيب كثير بس ابشر
خلف:حرام عليك يا طويل العمر ما أغيب واجد أنا
ابو عزام:الكشف عندي اطلعه؟
خلف:لا لا خلاص أغيب واجد
تركي:ههههههههههههههه
ابو عزام:إلا يا تركي تراك مقصر بشغلك واجد لك اجازه أسبوعين فقط
تركي:اعرف طال عمرك وعلى خشمي
ابو عزام:حطيتها أسبوعين عشان تصلح العلاقه الي بيننا هههههههههههه
تركي:اووو شلون علاقتنا ممتازه ههههههههههههههههههه
ابو عزام:اعرف اعرف
تركي:يلا حن نستأذن طال عمرك
خلف:ودعناك الله
ابو عزام:اذنكم معكم
الساعه 2:30
الجوهرة وهي تكلم:لحول مو قلنا التجمع ببيتنا بعدين نمشي للمخيم !
نغم:طيب حن بالطريق دقو على منال شوفو وينها
الجوهرة:يلا يلا زين
تقفل الخط بينهم
الجدة شيخه:هاه كم باقي و يوصلون ؟
الجوهرة:تقول دقايق وهم هنا
سلطان:اجل خلكم بروح اركب الأغراض بالسياره و اعدلها و جايكم
رسل:تمام
العنود:يوه عزيز لا تقروشني خلني اخذ الي أبيها
عزيز:طيب يعيون عزيز انتي بس اعجلي والله تأخرنا و بنتهزا من جدتي والسبب انتي
العنود:هاه خلصت شرايك
عزيز:امسحي ذا الي تحت عيونك شوي خففيه مره كثير
العنود وهي تعدل المسكرا الي تحت عينها:هاه شرايك الحين ؟
عزيز:حلوه حلوه يلا خذي فروتك و الحقيني
العنود أخذت فروتها و طلعت معاه
تركي:طيب اي مخيم ؟
خلف:خالد قال لي اسمه تبي نروح
تركي:شف بنروح بس بنأخذ لنا مخيم صغير جنبهم حق ابو 5 6 ساعات
خلف:تم
لطيفه:كم باقي يوه
مجيد:هاذانا وصلنا يلا انزلو
نزلو خالد و لطيفه و مجيد وقف السياره على جنب
دخل و سلمو
الجوهرة:هلا ما بغيتو
الجدة شيخة:هلا هلا امي هلا
رسل:يلا ماما بابا يقول 10 دقايق ما جو يلحقونا
الجوهرة:هاذول هم عند الباب
رسل:اي تمام
الساعه 4:44
نغم:هذول هم عزيز و العنود
نزلت العنود من السياره و نطقت:السلام عليكم شلونكم
الكل سواء نفسه مشغول ولا رد
الجوهرة:يلا ركبنا ركبنا
رجعت العنود تركب سيارة عزيز وهي ماسكه بكيتها
عزيز:يلا وين اركبه ذا
سلطان:تعال هاته هنا هنا
نايف:بشويش لا تكسر فناجيل امي
مجيد:بس معد فيه شيء
الجدة شيخة:اي معد بقى شيء يله اركبو
منال:يلا
الساعه 6:24
وصل الكل ماعدا عزيز و العنود
الجوهرة:وينه ولدس تأخر
خالد:اول مره عزيز ما يسرع بالتاريخ
لطيفه:دقي شوفي لا يكون صار شيء
نغم:الوه
عزيز:لبيه
نغم:وينك تأخرت !
عزيز:يلا يلا قريبين
نغم:يلا
تقفل الخط بينهم
الجدة شيخة:ها بشري شيقول ؟
نغم:قريبين قريبين
نايف:اي زين
سلطان:وش ذي ذره؟
رسل:اي بابا ذره تبي أحط لك؟
سلطان:لا لا
هادي:يمه ضهري
مجيد:البس فروتك و ضهرك ما يوجعك برد برد
منال:اي والله برد
علي:يمه خذي فروتي
منال:لا يمك علي شالي
عمر:غريبه عاد امس كان حر موت
رسل:عادي تصير حر بعدين برد
عزيز:وش مزعلك أبفهم من ركبتي وأنتي ساكته احد قالك شيء ؟
العنود:لا
عزيز:اجل شفيك ؟
العنود بدموع:وقت نزلت من السياره سلمت عليهم وقلت شخباركم ومحد رد عليا قلت لك ما ابي اجي بس انت غصبتني
عزيز:لا لا ما نبي دموع يعيون عزيز و روحه انتي دموعك لا سمعتي عادي الحين نوصل و اسولف معاك و أضحكك ما عليك منهم وخلي احد يقولك كلمه
🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷السلام عليكم ورحمة الله وبركاته
شلونك؟
شخباركم؟
أتمنى بارت اليوم أسعدكم وما زعلكم
هل أرضاكم البارت ولا تبون زود ؟
رأيكم ببارت اليوم يهمنا 🤍.
🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷
