تركي:سلامتك
خالد:يلا قوم قوم
فز خالد من حس بيدين تركي تطيح:وانا ولد أبوي صدق
طاح تركي بين يدين خالد فاقد لوعيه من قلة أكله و شربه
عزيز:تركي ولد هيه تسمعني؟
خالد:تركي تكفى رد !
عزيز الي ركض يجيب موية
نايف:هو هو علامك انت بشويش
عزيز:عمتي الجوهرة ابي موية و عطر بسرعة تكفون عطر
الجدة شيخة:خير عزيزوه وشصاير؟؟؟
عزيز:تركي أغمى عليه
العنود الي طاح منها جوالها بخوف:ماما
منال:يمه ولدي وينه
عزيز:الحين اهدو و عطوني عطر ابيييي عطططططر
رسل:هاذا عطر
مدت له العطر وراح يركض والكل يركض وراه
عزيز وهو يبخ على يده عطر ويقربها من خشم تركي:ولد تركي صحصح معي وللللد
خالد:موية وين الموية ؟
فك الموية و غسل وجه تركي و رش على شعره وجلس يسمي عليه
منال:تركي يمه تسمعني؟
الجوهرة:مافيه شيء مجرد اغمى عادي
لطيفة:اي واضح من قل الأكل او نزول ضغط حتى وجهه اصفر
سلطان:مافيه شيء يخوف
عمر:تركي
علي:بخير بخير ان شاء الله
كانت حاطه يدها على قلبه و ترجف:ط طيب ليش ما تودونه المستشفى ؟
نغم:ما يحتاج شوي و يصحصح
رسل:واضح مرة نزول ضغط
هادي:يالله
فتح عينه و شاف الكل حوالينه
عزيز:تسمعني؟
تركي:اي أسمعك و أشوفك و كل شيء بس وخرو عني كلكم مابيكم بعدو عني لا تقربون لي وخرو
خالد:ولد شجاك!
تركي:خالد بعد عني لا تلمسني وخر
الجده شيخة:ياولدي انهبلت؟
تركي:عزيز قلت لك وخر !
نايف:امش نرجع للمكان حقنا نكمل الغناء حقنى و سواليفنا امش
تركي:روحو انتو شوي واجي
مشى الكل وهو مرتاح لجهة جلستهم
حط يده على عيونه وما كان حاس فيها انها وراه:يارب خذني ولا أشوفها مع غيري يارب يارب خذ أمانتي عندك ولا تحرقني فيها ياربي
مسحت دموعها ونطقت:استغفر ربك وش ذا الكلام
تركي:وش وقفك هنا أصلاً
العنود:مو شغلك وش وقفني استغفرالله العلي العظيم
مشت و وقفتها مسكت يده لها:لا تروحين
العنود اللي غمضت عينها وابعدت يده عن يدها:ما أحللك شلون تلمس يدين أنت مريض!
تركي:اي والله إني مريض بس لا تروحين و تتركيني بعتمتي ضايع خذيني معاك ووديني وين ما تبين تسيرين
العنود:اترك الكلام الفارغ ووقف كل لك لقمه شف من مته ما أكلت
تركي:طيب
تركته و مشت تركته بضياعه و بهواجيسه ودمعته على خده قال بنفسه تركي وش جالس تسوي بنفسك انت! خلاص ارحم نفسك البنت ماتبيك خلاص ماتبيك:بس احبها مقدر على فرقاها
الساعة 12:25
الجدة شيخة:يلا ي عيال شغلو سياراتكم يلا
سلطان:ابشري
نايف:يلا لمو عفشكم
تركي:ا العفش الي كان معي وينه
منال:ركبت نصه و باقي نص
تركي:حطو شوي معكم
الجوهرة:ليش ؟
تركي:بتتعور العنود و حنا بنجلس 3 ساعات على ما نرجع البيت ولاتنسين بنروح مطعم
العنود:لا ما بتعور عادي
هادي:إلا بتتعوربن
العنود:قلت لكم لا !
نايف:اللي يريحك ي امي
رسل:ماما جوعااانه
سلطان:عيوني لك الحين نركب ونشوف لنا مطعم
لطيفه:يلا اركبو اركبو
ركب اللكل و مشو
