طلعت الممرضه من عندهم وهم بدو يلمون اغراضهم
الساعه 2:03 كان المستشفى هادي و ضلام و هدوء
ما تسمعون غير صوت الاجهزه
تشجعت و قامت من سريرها و فتحت باب الغرفة
شافت غرفته قدامها و مشت بخطوات هاديه
وصلت عنده و دقت الباب مارد دقت الباب مره ثانية و مارد خافت من الضلام و دخلت غرفته سكرت الباب وراها لفت عليه و حصلته نايم
مشت عنده و جلست على كرسي جنب السرير و قريب منه مره :خاينن نام و تركني
كانت خايفه من الضلام و خايفه ترجع لوحدها غرفتها و توترت و ارتبكت مسكت يده تهدي نفسها و تحس أنها بأمان لأنها عنده و يدها بيده
بدت يدها ترجف من تهيأت شكل شخص وراء الستاره خاف و كثير غمضت عينها و شدت على يد تركي بدت دموعها تنزل بخوف و توتر كل مالها تشوف الشخص يقرب منها و يقرب اكثر شدت على يد تركي بقوه الين صحى
فز و ناظر لها:العنود؟
ما كانت تسمع شيء ولا تشوف غير الشخص الي يقرب منها و مخوفها
عدل جلسته وكان يتالم:بنت العنود
بكت بخوف وهي ماهي منتبهه انه جالس يناظرها و مستغرب منها:يا بنت بك شيء ؟
نطقت وهي مغمضه عينها و ترجف:يارب بسم الله بسم الله تركي الله يخليك قوم أنا خايفه قوم
عرف إنها جالسه تتخيل مسك يدها و لمها له صارت رقبتها على صدره فتحت عينها و حست بيده تمسح على شعرها
:تركي
تركي:سمي
أبعدت و مسحت دموعها:ليش نمت و خليتني
تركي:مدري
العنود:سمعت من ماما انك تبي تطلع اليوم وجيت عشان أهاوشك بس
تركي:يلا أنا قدامك اضربيني لين ترتاحين
لمته لها تبي تحس ان ذاك الشخص راح و ماعد موجود بس كل شوي تتخيله واقف جنبها أو بزاويه الغرفة
لمته لها و شدت عليه خوفاً و رعباً
قالت و العبره بحلقها:لمني
شد عليها من حس بنبره صوتها وده يعرف وش مخوفها و وش مرعبها بس ما يبي يسألها
أبعدت عنه وهي للحين ماسكه يده ماهي راضيه تبعدها و كلشوي تشد عليها
تركي:لا تخافين
العنود:م من وشو بخاف
تركي:من كل شيء لا تخافين وأنا عندك و موجود
العنود شدت على يده:بس شوفه واقف يخوفني
تركي:لا تخافين منه أنا بأبعده عنك الحين
العنود:تركي شوفه يقولي لا تطلعين
تركي:العنود شوفيني
العنود بدموع:هاه اسمع اسسمع
تركي حضن وجهها بين كفيه:بنت ناظريني شوفيني أنا
العنود ببكى:يقول تراه جالس يدور طريق النهاية
تركي لمها له يهدي من روعتها و خوفها:مافي شيء انتِ بس فكرتي كثير ولا هو مافيه شيء لا تخافين مافي حاجة بسم الله عليك بسم الله عليك
العنود وعيونها مليانه دموع:تركي والله اسمعه يقولي النهاية والله تركي تكفى أنا خايفه
تركي:ناظريني يا عين تركي
ناظرت بعينه:مو قلت لك من قبل ما بيمسك شيء وانتِ عندي و معي ؟
هزت رأسها بايه
تركي:خلاص اجل لا تخافين أنا معاك و عندك ماله داعي الخوف شوفي انتِ بصدري ما بيلمسك لو يموت
مسح على شعرها لين هدت و أبعدت عنه
العنود:خلاص أنا تمام
تركي:أي تقولين لي مته بتطلعين ؟
العنود:بعد يومين
تريك:زين
وقفت تبي ترجع غرفتها بس ارتبكت من شافته واقف قدام الباب بدت ترجع على وراء وعيونها تدمع:تركي
تركي:تعالي عندي
كانت عيونها تدمع و يدها ترجف:ش شوفه تركي
تركي جلس على حافه السرير
و وقف وهو كله ألم
كان الألم الي يحس فيه قوي بس دموعها أقوى
قرب منها و اخذها لحضنه لمها و سمى عليها:اسمعيني
العنود ببكى وهي ماسكه بلوزته بيديها:الله يخليك لا تتركني
تركي:ما بتتركك أنا جنبك
كان رأسه فوق رأسها و مغمض عينه من الألم الي يحس فيه كان يحس بطنه يتقطع من الألم
مسح على كتوفها:مافي شيء لا تخافين أنا عندك هنا شوفيني
شدت على بلوزته:بسم الله الرحمان الرحيم
رص على سنونه من حس بالألم زاد
شهقت ببكى و خوف:تركي أنا خايفه
سكر أذنها بيديه رفع رأسه لسقف و صرخ بألم ما يبيها تعرف بالمه وتحس بضعفه:اههخ
سمت بالله و رفعت رأسها له أبعدت يده عن اذنيها و نطقت:تركي
تركي:ع عينه
العنود بخوف:شفيك ؟
تركي:من أنا ؟
العنود:أي انت
تركي:لا لا مافيني شيء يلا تعالي أوديك غرفتك
العنود:بس تركي أنا خايفه
تركي:خلاص نامي عندي
العنود:بس شلون يمكن ما نقوم بدري ؟
تركي:أنا أقوم
العنود:ط طيب
مسكت يده تسانده
مسك يدها و وقفو سوى جلسو على السرير و انسدح هو حط يده فوق المخده وجت دخلت بين ذراعيه
حاوطها بيديه و لحفها:بسم الله عليك
3:11
نزل نظره لها:يا جعله نوم العوافي
الساعه 11:30
فتحت عينها بخفه حست بيده الي على شعرها و يده الي محاوطه خصرها ابعدت يده و وقفت فتحت ستاير غرفته و دخلت اشعة الشمس لداخل قربت منه وشافت بلوزته عليها بقع خفيفه من الدم قربت منه اكثر تبي تعرف وش الدم ذا ومن وين جاء رفعت بلوزته بخفه و شافت الجرح جزاء بسيط مفتوح أبعدت و شهقت بخوف
فتح عينه بانزعاج من الشمس:شفيك بسم الله
دمعت عينه:شذا ؟
اشرت على الدم
تركي:ايي خشمي نزف دم قبل انام
العنود ضحكت بوسط دموعها:وتكذب بعد !
تركي:وليش بكذب يعني؟
العنود:تركي هاذا الدم مو من خشمك
تركي:من وين اجل ؟
العنود:قول الصدق
تركي:قلت الصدق
العنود:ليش ما تعلمني بألمك؟
تركي:اي الم تتكلمين عنه؟
العنود:لذي الدرجة صرت غريبه ؟
تركي:العنود مافيني الم ولا فيني شيء
العنود:تركي بلا مطفله
تركي:بنت انتِ شفيك !
تركته و طلعت
تركي نزل نظره لبلوزته و صرخ:اااااخ
فك ازارير بلوزته وشاف جرحه الي بدأ ينزف من جديد
دخلت غرفتها و جلست على سريرها مستنيه الممرضه تجي تعطيها المغذي عشان تنام و بس
جت الممرضه و دخلت عندها:السلام عليكم
العنود:وعليكم السلام
الممرضه:كيفك اليوم ان شاء الله احسن؟
العنود:اي احسن الحمدلله
الممرضه:هاذا آخر مغذي راح أحطه إلك ماعاد راح تسمعي سوالفي بالتلفون بعد اليوم
العنود:بافقدك مره
الممرضه:رقمي عندك بس تشتاقيلي دقي عليه
العنود:تمام
ركبت المغذي:بارجع هذني واجيك نتمشى في الاسياب زين ؟
العنود:زين
طلعت الممرضه
حطت يدها على وجهها و انهمرت دموعها لي مته أنا ضعيفه و ما اقدر أواجه !
لي مته الضعف يتملكني
ليش ما اقدر اهاوش أو أضرب
اهخخ بس
الدكتور:ممكن اعرف إيش سويت امس عشان تنفك الخياطه ؟
تركي:ما سويت شيء
الدكتور:كذا تجبرني افك الكميرات و أشوف بنفسي ؟
لو فتح الكاميرات بيشوف العنود وكيف كانت تبكي:لا لا خلاص
الدكتور:يلا
تركي:نزلت من فوق السرير و جلست أتمشى بالغرفه و شلت الطاوله ذي عشان اقدر امشي زين
الدكتور:متأكد ؟
تركي:بكذب عليك أنا !
الدكتور:تمام ،حن دخلك غرفه العمليات نخيطه و حنطلعك
تركي:تمام
الدكتور:بس أنادي الطاقم الطبي واجي
الممرضه:شكلك من زمان ما مشيتي مو ؟
العنود:لا أحيانن امشي بالغرفة
الدكتور:يا حلا
الممرضه:اي دكتور؟
الدكتور:جهازي الطاقم الطبي فيه عمليه خياطه سريعه
الممرضه:تكرم،خليك عند باب غرفتك اهنانا بس اخلص أجيلك
العنود:ما بطولين ؟
🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷
ماش زعلت منكم
دعمكم طااااايح 😔.
