හදවත් ❤️ (ZOMBIE - BL)

38 ♥️

කතෘ මානයෙන් 💗💗 ,

හයේ හතරේ පොරවල් දෙකක් යශ්මිතවයි කෙනුල්වයි කෑම්ප් එකේ ග්‍රවුන්ඩ් එක ලග තිබ්බ මේන් ගේට් එක ලගට එක්කන් ආවේ යශ්මිත වගේම කෙනුලුත් ඇස් කරකව කරකව කූඩුව කොහෙද තියෙන්නේ කියලා හිතාගන්න බැරුව දස අතේ ඔලුව හරවද්දි .

එතන කූඩුවක් තියා බලු කූඩුවක්වත් නොතිබ්බත් මේන් ගේට් එක ආවරණය කරලා දාපු ලොකු ටකරමට පිටිපස්සේ නම් මොකක් හරි භයානක දෙයක් තියෙයි කියලා සාධාරණ සැකයක් යශ්මිතට ආවා .

මේ වෙද්දි කෙනුල් නම් හිටියේ ගොඩක් බය වෙලා . යශ්මිත කෙනුල්ගේ ගැහෙන අත තව ටිකක් තද කරලා අල්ලගත්තේ මොනවා උනත් තමන් කෙනුල්ට ඉන්නවා කියලා අගවන ගමන් .

කෙනූගේ ඇස් බයෙන් හෙව්වේ මෙතනින් පැනගන්න පුලුවන් තැනක් තියෙයි ද කියලා . ඒ වගේ ම තමන්ගේ පාලනයක් නැති කට නිසා යශ්මිතටත් කරදරේ වැටෙන්න වුන එක ගැන කෙනුල් දැන් වෙද්දි හිටියේ ලොකු කලකිරීමකින් .

මේන් ගේට් එක ලග තිබ්බ ටකරම අයින් කරපු එතන හිටිය මනුස්සයෙක් දැල් තියන යකඩ දොරක අගුලක් අරින ගමන් යශ්මිතටයි කෙනුල්ටයි ඒක ඇතුලට යන්න කියලා ඇඟෙව්වා .

කෙනුල්වත් අතින් අල්ලගෙන ඇතුලට ගියපු යශ්මිත දැක්ක දෙයින් කොච්චර ෂොක් වුනාද කියනවා නම් ඔච්චර වෙලා ගැම්මෙන් හිටිය යශ්මිතත් ගල් වෙලා වගේ ඉස්සරහා තියන දේ දිහා බලන් හිටියා .

ඔව් ඒක සාමාන්‍ය කූඩුවක් තමා . මේන් ගේට් එක වැහෙන්න තරම් ලොකුවට අඩි හයේ හයේ පරතරයකට වගේ හදලා තිබ්බ ඒ කූඩුව ශක්තිමත් යකඩ කම්බිවලින් ආවරණය කරලා තිබ්බේ එලියේ ඉන්න කෙනෙක්ට ඇතුලට එන එක කවදාවත් කරන්න බැරි වෙන විදිහේ දෙයක් කරන ගමන් .

ඒ කූඩුවේ කිසිම භයානක දෙයක් නොතිබුනත් ඊට එහා පැත්තේ තිබ්බ දේ කෙනුල්ව වගේම යශ්මිතවත් ගොඩක් ෂොක් කරා . යශ්මිතගේ පිටිපස්සෙන් කූඩුව ඇතුලට ආපු කෙනුල් ඒ දිහා බලන් හිටියේ ඇස්වල බය පුරවන් .

ඒත් එක්කම යශ්මිතගේ ඇස් ගියේ කූඩුවේ කෙලවරක් වෙන්න තිබ්බ තවත් පණ ගැහෙන රූපයක් දිහාට . ඒක හදුන්වලා දෙන්න පුලුවන් එකම නම පණ ගැහෙන රූපය තමා .