Taehyung တယောက် သမ္မတကြီး အမေအခန်းကအရေးပေါ် အချက်ပြအလန်းမြည်တာကြောင့် မနက်စောစော သူငယ်ချင်းနှစ်ယောက်နဲ့ မနက်စာစားနေတုန်း ဝုန်းဆိုထကာ စားနေတာကိုတောင်သူငယ်ချင်းတွေကိုသိမ်းစေပြီး တချိုးထဲပြေးထွက်လာတော့သည်..
ဓာတ်လှေကားရောက်တော့လည်း လူများနေတာကြောင့် လှေကားကနေမြန်မြန်ပြေးတက်လာခဲ့ရတာ 10လွှာမှာ ဆက်မပြေးနိုင်တော့လို့ ကျန် 8လွှာကို ဓာတ်လှေကားနဲ့ တက်ရပြန်သည်..
အခန်းရှေ့ရောက်တော့ အပေါက်ဝမှာစောင့်နေတဲ့ သက်တော်စောင့်နှစ်ယောက်ကလည်း အေးအေး လူလူဖြစ်နေတာပြီး ချွေးတွေစိုရွဲပြီးရောက်လာတဲ့ သူ့ကိုတောင်ကြောင်ကြည့်နေကြသည်..
Taehyung လည်း မောနေသေးတာကြောင့် ဘာမှမမေးနိုင် အခန်းထဲသာတန်းဝင်လာလိုက်တော့ အခန်းထဲမှာရှိသည့် သမ္မတကြီးအမေက ကုတင်ပေါ် မနက်စာစားနေသလို အဒေါ်ကြီးကလည်းဘေးမှာရှိနေသည်.. Taehyung မှာ သူပဲအလန်းကိုမှားပဲကြားလေသလားလို့တောင်တွေးရလောက်အောင် အမောဖြေအပြီး
" အဒေါ်ကြီး ခုဏအလန်းဘာလို့တီးတာလည်း "
" မေမေကြီးက ဒေါက်တာလေးကို ခေါ်ပေးဆိုလို့ပါ "
" ကလေးလေး ကိုကို့ကိုဘာလို့ခေါ်တာလည်း "
" အဒေါ်ကြီး ကိုကို့ကို ဝယ်ထားတာတွေပြလိုက်လေ "
Taehyung ကဘာတွေများဝယ်ထားလို့ အရေး တကြီးခေါ်တာပါလိမ့်ဟာတွေးကာ အဒေါ်ကြီးထုတ်ပြမှာကို လည်ပင်းလေးရှည်ထုတ်ကာ စပ်စုနေမိသည်..
အိမ်ကနေသယ်လာတဲ့ ပစ္စည်းထည့်တဲ့ခြင်းတောင်းထဲကမှ အိတ်အမဲဖြင့်ထည့်ထားတဲ့ အထုတ်တခုကိုဆွဲထုတ်လိုက်တော့ စိတ်မရှည်လှတဲ့ မေမေကြီးဟာ အဒေါ်ကြီးလက်ထဲက အိတ်ကိုဆွဲယူလိုက်ပြီး အိတ်ကိုမြန်မြန်ဆန်ဆန်ဖြည်ချလိုက်တော့သည်..
အိတ်ထဲက ထွက်ကျလာတဲ့ ပစ္စည်းတွေကြောင့် Taehyung တယောက်မျက်လုံးလေးအဝိုင်းသားဖြင့် ငိုရမလိုရယ်ရမလိုဖြစ်နေတော့သည်..
" ကလေးလေး ဒါတွေက ဘာလုပ်ဖို့ "
" ဟာကိုကိုကလည်းမသိဘူးလား ဒါကသီချင်းဆိုရင်ဝတ်ဖို့လေ "
