මණ්දාකිණි | 01 | BL | Horror | ✔

60.

***

Sayash's pov

ආර්‍යසිංහට ඇමති පට්ටම ලැබුනත් එක්ක තාන්න මාන්න ඔලුවට ගැහුවා.ඒ මගේ තාත්තා වුනාට තාත්තට වඩා ඔලුව ඉදිමුනේ මගේ! අභිෂේක්ගෙ!

තනියම ජීවත් වෙන්න ඕනිකමට සෙල්ලක්කාර යාලුවෝ ටිකක් එක්ක ප්‍රිත්විලගෙ විකුණන්න දාලා තිබ්බ බංගලාව සල්ලිවලට ගත්තා.ඒ තමයි මගේ ඒ ජීවිතේ වෙනස් වුන තැන.

ඉස්කෝලෙ යන අතරමගදි හැමදාම එයාලගෙ අලුත් ගේ ගාවින් යද්දි කාර් එකේ ජනෙල් වීදුරුවෙන් මං දකිනවා.. සුදු ගවුම පිටින් ගේ ඉස්සරහ මල් ගස් ගාවට වෙලා තනියම කියව කියව ඉන්න ඒ කෙල්ලව.

මටත් ඕනි වුනා එයා ඒ මල් ගස් එක්ක තනියම කතා කරන දේවල් දැනගන්න.

සතියක් විතර එකදිගට ඒක දකිද්දි.. මම ඉබේම වගේ ඒ කෙල්ලට ළං වුණා.මුලින් අපි අතරෙ යාලුකමක් තිබුණා.සෙල්ලක්කාර ජීවිතේට වඩා ජීවිතේ විඳින හැටි මං ඉගෙන ගත්ත ලස්සනම තැන එතන.ප්‍රිත්වි.. මගේ කටකාර කොන්ඩ කිරිල්ලි..

පවුල කියන දේ.. මොකද්ද කියලා මට පෙන්නපු තැන එතන..

ආශි සෞභාග්‍යා.. ඉටි රූප වගේ ලස්සන නිවුන් දූවරු දෙන්නෙක් ලබන්න පිං කරපු ආශි සෞභාග්‍යා.. ඒ තමයි ප්‍රිත්විලගෙ අම්මා..

ඇල්වතුරත් නිවලා බොන අහිංසක කෙල්ල.. ශෂ්ස්‍රි... හැබැයි එයා මට මණ්දාකිණි.. ආශි නැන්දා මණ්දාකිණි ගැන හැම වෙලේම හොයලා බලන විදිය මම ඒ දවස් කීපයෙදි දැක්ක ලොකූ  දෙයක්.මණ්දාකිණි සර්ව සම්පූර්ණ නෑ.නිවුන්නු වුනාට ඒ අහිංසකී අන්ධයි.මණ්දාකිණිට ආශි නැන්දගෙ ආදරේ වැඩිපුර ලැබෙන්න එකම හේතුව වුනේ ඒක.ඒත් දෙන්නටම අඩුවක් නොකර අම්මා කෙනෙක් විදියට ජීවිතේ ගැටගහන් ගිය ගොඩක් පිංකාර ජීවිතයක් ඒක.ප්‍රිත්විට ඒ ආදරේ තේරුම් ගන්න තරම් බුද්ධියක් තිබුනෙ නෑ.ප්‍රිත්වි හැම වෙලේම හිතුවෙ තමනුත් අන්ධ වුනානම් හැමෝම තමන්ව ඇහැක් වගේ බලාගනීවි කියලා.මෝඩ කෙල්ල!

ඇස් අන්ධ තමන්ගෙම සහෝදරීට වෙනස්කම් කරපු මෝඩ කපුරු මල!

"ඔහ්! පරිස්සමෙන් මණ්දාකිණි!!"