صباح مساء النور جميعاً ..
اعتذر بخصوص هالروايه مستحيل اسحب عليها دامني بديت فيها ، بس جد تقفلت معي الأفكار فيها
يعني بالعافيه اكتب سطر على بعضه و اول مرة تصير فيني هالحاله ومضايقتني جداً
لذا اعتذر من معجبين هالروايه إذا شافوا ركاكة في الأسلوب فيها ، راح أسويها قصيره
و بختمها ، اعتذر مره ثانيه ..
-
دخل بعد تعب اليوم وهو مو شايف شي قدامه حتى ما أخذ له شاور اكتفى
يرمي نفسه فوق السرير و غفى على طول ..
أم كايد وهي تدق الباب : شفيك دخلت بدون سلام ؟
ما سمعت اي رد و فتحت الباب و شافته شلون غرق في النوم ، ابتسمت له غطته
و طلعت و راحت تشرب شاي مع خواتها ..
أم كايد : الحمدلله ربي اللي خلاه يشتغل ..
منى وهي تصب الشاي : ايه بعد عمري كان طول الوقت منفس و ضايق خلقه ..
أم كايد وهي تآخذ الشاي من اختها : ربي يرزق هالحسام خيرن كثير ..
أم هتان : بس خوفتي يا أختي انه تعجبه حياة اهله و يسحب عليك و يروح لهم ..
أم كايد عطت اختها ابتسامة : انا قلت له من زمان لك الخيار و ما راح ازعل عليك ، دامه
بار فيني ما إبي أحرمه من نعيم اهله ..
سكتوا شوي و فتح هتان الباب ..
هتان و بيده كيس : مسهم ربي بالخير حبايبي ..
أم هتان وهي تبتسم بوسع : يا حي الله الغالي ..
باس يد امه وجلس جنبهم : اخذوا ..
اخذت منه منى الكيس و فتحته : من جدك أنت ؟
هتان وهي يحرك شعره : عجبوني و تخيلتهم عليكم ..
منى وهي تفتح السوارة و تلبسها : يا جعل عيني ماتبيك ..
أم كايد وهي تلبس بعد : عقبال البس الذهب لزوجتك ..
هتان : ههههههههههههه كل شي إلا هالدعوه خالتي ..
أم كايد : إلا يوم السعد يوم عرسك و نزفك ..
هتان وقف : يلا تبون شي ؟
منى : لا رح نام ..
دخل الغرفه و شافه وهو نايم بعمق ابتسم و جلس على حافة السرير وبدا
يحرك شعره ..
دقايق ...
كايد وهو مغمض عيونه : الله يعطيك العافيه ..
هتان بعد يده : مو نايم ..؟
كايد : احس فيك لما تجي ..
هتان رجع يحرك شعر كايد : ايه وش صار اليوم ؟
كايد كان ميت نوم ويد هتان خدرته اكثر لف بجسمه جهة هتان وحاوطه بيدينه ..
هتان : شفيك ؟
كايد شد على عيونه اكثر وهو مغمضها : هتان ..
هتان : عيونه ..
كايد : احبك ..
هتان رفع وجهه كايد : توك تقولها ؟ انا اعشقك ..
كايد عدل جلسته وضم هتان لصدره و بعدها انتفض .
هتان وهو يلبس بلوزته لف له بسرعه : شفيك ؟ كابوس ؟
كايد وقلبه يدق بقوة .... كااان حلم ..
هتان قرب منه : شفيك بسم الله عليك ..
كايد عض على شفايفه و سحب مخدته وغطى فيها وجهه ..
هتان رفع حاجب وجلس قبال كايد : شفيك هيه اكلمك رد ..
كايد وصوته يطلع بالعافيه وهو ضام المخده على وجهه : حلم حلم ..
هتان : ايه ليش تسوي كذا ؟
كايد وبطنه بدا يرقص دف هتان برجله : قم من سريري ..
هتان بعد المخده من وجهه كايد اللي كان مشتعل وهو ينفخ ..
هتان ابتسم على جنب : يا منحرف أنت وش هو حلمك ؟
كايد وقلبه يدق تحرك و دفع هتان بقوة من سريره لين نزله : مو منحرف ..
هتان : ووجهك احمر كذا و الدنيا قلبت حارة عليك هههههههههه
كايد : اف هتان جد يعني ... توقعته حقيقه .. بس الواقع دايم غير ..
هتان ابتسم له و حرك شعره : يمكن الواقع احلى بالنسبة لك ..
كايد وعينه على هتان : ليته حقيقه ..
هتان نزل يده لخد كايد : ربي يحقق لك كل رغباتك و احلامك ..
كايد توه بينطق بس اكتفى بإبتسامة خلت هتان يبادله فيها و يطفي النور
وينسدح فوق سريره ..
