ㅤ
ㅤآحبگ ..
تقال مره واحده
لـ شخص واحد
ثم لا يكون !
لها معنى لـ
آي شخص '(ــ
طول الطريق كان كايد سرحان في هتان كره أنه سافر و كره كلماته
لهتان بأنه مو محتاجه بوجود حسام .. يبي يتصل عليه يكلمه بس
حاجز داخله قاعد يمنعه ..
حسام طول م عينه ع الشارع كان يحس بتوتر من صمت كايد م يحب
ينلهي في غيره و هو جنبه بس مع ذلك ضل ساكت و م تكلم معاه ..
وصلوا مطار و عين كايد في المكان ..
كايد : وين الباقي ؟
حسام : راحوا مع الطائرة اللي قبل حجزنا بعدهم ..
كايد وهو يطلع جواله : اهاا ..
حسام صار قبال كايد : لا تقلب لي رحلتي بنفسيتك أوك ؟
كايد حاول يبتسم : مو منفس ..
حسام وهو يشابك يدينه بكايد : إلا منفس و روق دامك معي ..
كايد استسلم و قرر يستمتع و لما يرجع يتفاهم مع هتان ..
ـ
في البيت جمع الساعة و حطها في صندوق فوق سرير كايد ، قلبه
مو مطمن لسفرة كايد و مع ذلك هالشي استفز حاجة داخله أنه لازم
يعترف لكايد هذا إذا مو حسام سبقه في سفرتهم ..
رفع جواله ورسله له مسج .
كايد كانت عيونه على حسام إللي وقف يآخذ لهم اثنين كوفي وهو
ينتظرون رحلتهم وصل له التنبيه و على طول فتحها ..
هتان : أنت في الطائرة ؟ إذا لا عطني خبر راح اتصل عليك ..
كايد فز قلبه ورد بسرعه : لا باقي على رحلتنا ..
هتان ابتسم وهو يشوف رد كايد السريع و اتصل عليه ..
ضل الصمت ثواني لين طلع صوت هتان .
هتان : ما نسيت شي ؟