حب ميؤس منه( امال وكمال )

الحلقه { 1 }

بقلم هند محمد

isis mohamed

بسم الله الرحمن الرحيم

الحلقه { 1 }

ابدء اول حلقات روايتى الجديده بشكر الله عز وجل و كل من تابعنى فى روياتى السابقه :

، ( احنا كدا ( 1 )

، احنا كدا ( 2 )

، حب فى السر ( ريم وكريم )

، ملك يمينى ( قمر وعمر )

، التجربه الصينيه

انهارده هبدء اول حلقات حب ميؤس منه مع امال وكمال وقصة حب ميؤس منه وعلى فكره القصه دى 60% حقيقيه قصة امال حقيقه لكن باقى الاشخاص من الخيال انا طولت عليكم ابدء القصه بقى بالاشخاص

خالد زكريا ( ابو ادم ومنار و امال )

سوسن : ( ام ادم ومنار )

ساشا : ( ام امال )

فؤاد : ( اخو خالد وابو اسر و مجدى ومها )

سلوى : ( مرات فؤاد وام الولاد )

نورهان : ( خطيبة اسر زوجة اسر )

كمال : ( حبيب امال )

والباقى بقى هنعرفهم بعدين مع الاحداث وتبدء الاحداث عام 2004شهر مايو

**** ( بقلم هند محمد @isis Mohamed ) ****

منار : صباح الخير يا احلى بابا فى العالم

خالد : صباح النور يا احلى بنوته فى العالم قوليلى بقى عاوزه اجبلك ايه فى عيد ميلادك

منار : بابا حبيبى يا ناس عمرك ما نسيت ابدا

خالد : انا عندى غيرك انتى واخوكى انتو حبيبى

منار : وماما

خالد : لا انتى هتلبسينى فى الحيطه ماما دى حاجه تانيه

سوسن : كده برضو ماشى زعلان منك انا حاجه تانيه انا الاولى يا استاذ

خالد : شفتى يا منار عملتى فيه ايه ؟

المهم هتعملى عيد ميلادك السنادى فين ؟

منار: انا بفكر اعملو هنا عشان الامتحنات خلاص ودى اخر سنه فى euc عاوزه بقى اخلصها وارتاح

خالد : وهتنزلى تشتغلى معايا وتسعدينى ولا هتعملى زى اخوكى خلص هندسه وعاوز يشتغل لوحدو

ادم : بابا انا عاوز ابنى نفسى بنفسى محدش يقول شوفو ابن رجل الاعمال خالد زكريا ابوه عملو ايه ؟

خالد : ( بسخريه ) صح عندك حق طب ال 5 مليون جنيه اللى اختهم منى عشان تشترى مقر شركتك دول مش انا اللى دافعهم ؟

وكمان عربيتك مين كل سنه بيغيرهالك ؟

يابنى ماينفعش ابقى انا بشتغل فى المقولات وانته تروح تشتغل فى الاعلانات والكلام الفاضى والقنوات اللى عاوز تفتحها دى