الحلقه { 58 }
ام عامر : هطلب منك طلب بس اوعى تكسفينى
امال : خير ؟ مقدرش اكسف حضرتك
ام عامر : انا عيد ميلادى يوم الجمعه لازم تيجى تشرفينا
والله انا حبيتك زى بنتى
امال: انا اسفه يوم الجمعه باخدو فى البيت بذاكر عشان الماجستير
ام عامر : لا ماجاتش من ساعتين دا عيد ميلادى مينفعش ماتجيش
امال : ااااااااا انا اصلى مش
ام عامر : بصى العنوان ان هكتبهولك وهتيجى هستناكى مش هطفى الشمع غير وانتى معايا
امال: انا عندى مذاكره والله
ام عامر : شكلك شاطره تكسفينى دا اول طلب اطلبو منك
امال : اصل انا سكنه فى التجمع الخامس فا اكيد هيبقى مشوار عليا
ام عامر : لا داحنا جنبك بعض داحنا فى الشروق جنبك ربع ساعه بالعربيه
عامر : خلاص يا ماما بقى
ام عامر : اسكت انته ولا احنا بقى مش قد المقام يا دكتوره
امال : لا طبعا خلاص هجيلك ان شاء الله
ام عامر : بتحبى بقى التورته كريمه ولا شكولاته ؟
امال : هههههههه شكولاته
ام عامر : ماشى هستناكى الجمعه وهكلمك هأكد عليكى
امال : خلاص ماشى شرفتينى
ام عامر: طب تعالى بقى لما ابوسك
( اخدتها فى حضنها وهات يا بوس )
عامر : ماما خلاص ماما
ام عامر : دائما متسربه طالع لابوه الله يرحمو كان زيو كده
امال : الله يرحمو
ام عامر : ماشى نشوفك يوم الجمعه بقى سلام يا قلبى
امال : سلام
( بعد ما خرجو من عند امال )
امال : يا ساتر دانتى فظيعه ايه الست دى
**** ( بقلم هند محمد @isis Mohamed ) ****
عامر : ( وهما فى العربيه ) انا كنت فى نص هدومى انتى كان ناقص تسئليها جبتى طقم الشربات فى الجهاز ولا لا
ام عامر : الله مش نبقى عرفين احنا بنتقدم لمين
عامر: وعيد ميلادك ايه اصلا الى فى شهر 9 انتى عيد ميلادك فى مايو
ام عامر : الله مش اى مناسبه نعزمها فيها وبعدين هى جات عليا مانته عندك الممثلين بيعملو عيد ميلادهم كل اربع شهور
عامر : عجبتك يعنى ؟
ام عامر : اه حلوه يا عامر والله حلوه ودمها خفيف وروحها هاديه كده وكمان جسمه حلو
أنت تقرأ
حب ميؤس منه( امال وكمال )
Romanceقصه رومانسيه دراميه من الحياه القسيه التى ناعشها بقلمى انا : هند محمد اسم الفنى : isis mohamed
