حب ميؤس منه( امال وكمال )

الحلقه { 59 }

الحلقه { 59 }

امال: انا مش عاوزه اتكلم فى الموضوع ده تانى انا هخلع اسر يعنى هخلعو

زهره : طب عشان خطرى انا اديلو فرصه اخيره عشان خطرى

امال : اديلو فرصه تانيه ليه ؟ انا مش مستنيه منو حاجه اصلا انا اصلا غلط لما روحت الشقه اللى قالى عليها انا رخصت نفسى كتير ومش هرخص نفسى تانى

مجدى : ترخصى ايه يا امال دا جوزك وبيحبك وقالك كده اكتر من مره قدمنا كلنا

امال : بيحبنى طب عمل ايه عشانى ؟

انا وهو اهو متجوزين 10 سنين عمل عشانى ايه

مجدى : معلش عشان بس نورهان مش عاوز يزعلها وهى حامل

امال : مش موضوع نورهان حامل هو دائما بيعمل حسبها حتى لو هى مش معانا بيعمل حسبها اوى

زهره : اخر فرصه يا امال اخر فرصه

امال : اخر فرصه يعمل بيها ايه ؟

هيجيلى يوم وهى يوم لا معلش ميلزمنيش

مجدى : والله اللى انتى بتعمليه ده حرام فى حديث عن النبى بيقول قال رسول الله صلى الله عليه وسلم : ( لَيْسَ مِنَّا مَنْ خَبَّبَ ) وبيقول كمان النبى عليه الصلى وسلم : ( أَيُّمَا امرَأَةٍ سَأَلَت زَوجَهَا طَلَاقًا فِي غَيرِ مَا بَأسٍ فَحَرَامٌ عَلَيهَا رَائِحَةُ الجَنَّةِ ) .

امال : اديك قولت فى غير بأس هو فى بأس اكتر من اللى انا فيه يا مجدى انا هقولك حاجه لو انا ايسل بنتك هترضالى الوضع ده ؟

مجدى : اسر بيحبك بس هو ظروفو كده استحملى معاه شويه

نورهان صبرت 7 سنين عقبال ما قدر يتجوزها اصبرى انتى كمان

امال : بص يا مجدى اخر كلام انا هرفع قضية الخلع المحامى بيقول خلال 3 شهور ممكن اتخلع انا بقى هديلو فرصه 3 شهور دول والله اتعدل وبقى كويس هتنازل ومتعدلش كل واحد بقى يروح لحالو

غلطانه انا كده يا زهره ؟

زهره : طب بلاش قضيه

مجدى : انتى اللى هتخصرى حب اسر

امال : حب اسر اللى هو فين ؟

تعرف اسر ده زى بابا كان بيقول انو بيحبنى بس كل اللى عملو عشانى ميدولش انو حبنى اصلا

احنا وصلنا انزلو بقى الواحد يلحق ينملو ساعتين قبل ما اروح المستشفى

مجدى : اسر لو مش بيحبك مكنش سابك تروحى وتيجى وتكونى دكتوره ناجحه ومشهوره سايبك تروحى وتيجى مش بيقول راحه فين او جايه منين

تعرفى لو مش بيحبك كان قالك لا مفيش شغل واقعدى فى البيت

امال : يا سلام يعنى انا افضل اذاكر العمر ده كلو وفى الاخر اقعد فى البيت