الحلقه { 57 }
( وتانى يوم الصبح راحت امال المستشفى وبعد ما خلاصت راحت العياده )
امال : لبنى فى حد باره ؟
لبنى : اه اخر كشف
امال: طب دخليهم
( لبنى داخلت اخر كشف )
امال: ماما
حكمت : انا اسفه
متزعليش منى بس كان غصب عنى
امال : ( وهى لسه قاعده على المكتب ) جايه ليه انتى مش قولتى مش عاوزه تشوفينى تانى ؟
حكمت : حطى نفسك مكانى حبيبك طلع بيحب غيرك كنتى هتعملى ايه ؟ حبيبك طلع بيحب اقرب واحده ليكى كنتى هتعملى ايه ؟
امال : كنت هعمل ايه ؟ امممم لا انا عملت مش كنت هعمل
حبيبى اللى فضلت احبو 5 سنين طلع بيحب امى فا ايه بقى
انا عشان مجرحهاش ومموتش فرحتها سكت واتنزلت عن حبى ده لامى اللى هى مش امى
تعرفى انا وانتى عملين زى اتنين مشيين على شريط القطار والقطر لازم يدوس على حد فينا بس سواق القطار قرر يدوس عليا انا ورغم كل اللى كنت حسه بيه من اوجاع محسستكيش بحاجه ولما كلمتينى وقولتيلى انا اتجوزت تعالى افرحى معايا جتلك ووقفت جنبيك ويوم صبحيتك جتلك وبركتيك ومحسستكيش بحاجه
ولما رجعتى من شهر العسل جيتلك واكلت فى بيتك وكل ده وانا شايفه قدامى الانسان اللى داس عليا ونسى كل اللى كان واعدنى بيه واختارك حطى انتى نفسك مكانى لو انتى بقى مكانى كنتى هتعملى ايه ؟
لا ومش بس كده انا كمان لما بروح البيت بلاقى بيت ابويا ضورتى قاعده فيه هى وعيالها وكأنو بيت ابوها
وحبيبى اول حب فى حياتى على طول معها هى بيديها كل حاجه وانا مش طايله حتى كلمت تصبحى على خير
لما احلم بكاوبيس وثعابين عماله تاكل فيه واقوم مفزوعه ملاقيش حد يدينى كبايت مايه
وهى لو اتقلبت والغطى اتشال من عليها شويه هتلاقى جوزى انا جنبها يغطيها
لو انتى مكانى هتعملى ايه
اقولك الكبيره بقى عشان تفرحى فيه
نورهان حامل وامبارح اسر نزل يقولى نورهان تعبانه تعالى اكشفى عليها وطلعت ولقيت عندها سكر حمل وايه بقى اسر كان زعلان عليها اوى وفضل جنبها وانا نزلت كملت نوم لوحدى
قوليلى بقى لو انتى مكانى هتعملى ايه ؟
حكمت : انا اسفه انتى عارفه انتى بحب ممدوح قد ايه
امال : عشان كده سكت ومقولتلكيش ان ممدوح هو هو كمال عرفتى ليه بقى انا مقولتلكيش
حكمت : عرفت ولما حسيت انى جيت عليكى جيت اعتزرلك
أنت تقرأ
حب ميؤس منه( امال وكمال )
Romansaقصه رومانسيه دراميه من الحياه القسيه التى ناعشها بقلمى انا : هند محمد اسم الفنى : isis mohamed
