حب ميؤس منه( امال وكمال )

الحلقه { 28 }

الحلقه { 28 }

**** ( بقلم هند محمد @isis Mohamed ) ****

المحامى رشدى : انا هفتح الوصيه دلوقتى الكل موجود

فؤاد : الكل موجود بس امال بنتو مش موجوده

رشدى : طب انا هفتح الوصيه بسم الله الرحمن الرحيم

خالد بيه كاتب وصيتو وانا هقرهالكم دلوقتى

بسم الله الرحمن الرحيم

انا خالد زكريا

وصيتى ليكم كلكم اولكم فؤاد اخويا الكبير اللى مش بس اخويا الكبير دا كمان ابويا انا عارف انك مش هترضى تاخد مني حاجه عشان انته عمرك ما بصيت لفلوس انا كتبتلك الفيلا بأسمك خلى العيال يبقو جنب بعض يعنى خلى الفيلا بيت للعيله لم العيال حواليك يا فؤاد متبعدهمش عن بعض مها ومجدى واسر وكمان امال لما ترجع انا كتبتلها ارض الفيلا بأسمها

خليهم يعيشو جنب بعض ودى وصيتى ليك يا فؤاد العيال يبقى جنب بعض

وانته يا مجدى انته كبير اخواتك شركة الدكورات انته ليه فيها 50% وامال 50% بكل حاجه فى المكسب والخساره

دير الشركه زى مانته عاوز وبالشكل اللى انته شايفو صح انا عارف انك كانت عاوز اكتر من مره تغير اسلوب الاداره يمكن انته تكون صح اعمل اللى تحبو انا واثق انك قداها

وانتى يا مها انا كتبتلك 50% من القناه ومن شركة الاعلانات ليكى النص فى المكسب والخساره وطبعا فهمى هو اللى هيديرها انا عارف وربنا يعين فهمى ويكبر الشركه وبدل القناه يعمل 2 و 3 زى ما ادم الله يرحمو كان بيحلم وبرضو ليكم النص وامال النص التانى

وانته بقى يا اسر انا كتبتلك 50 % من شركة المقولات وامال 50 الباقى انتم شركه فى المكسب والخساره

ديرها زى مانته عاوز بس بلاش جنان انا عارفك

كل سنه تتحسبو ونصيب امال يتحط فى حساب فى البنك عشان لما ترجع تلاقى فلوسها متفضلش تحاسب كل واحد فيكم وطبعا وكل شهر من الحساب ده تبعت لامال مصروفها ومصروف دراستها

واللى هو انته يا اسر الواصى عليها لحد ما تكبر وتبقى 21 سنه او ترجع من فرنسا بعد ما تخلص دراسه

دا فى حالت انكم تفضلو متجوزين لاكن لو انته طلقة امال كل الفلوس وكل الشريكات وكل الميراث يبقى ملك امال لوحدها وانتو كلكم ترجعو شغلين موظفين زى مانتو فى الشركه

لاكن لو امال طلبت الطلاق وصممة عليه يبقى كفايا عليها الفلوس اللى فى حسبها اللى فى الحساب اللى انتو لسه هتفتحوه بأسمها وانتو تاخدو كل حاجه واسر هو هيبقى الوصى عليها زى ما قولت بقل كده

انا كده مش بظلم امال بس هى مش هتعرف تدير الشريكات انتم اولى بيها اسر خلى بالك من امال دى بتحبك انا ياما ظلمتها متظلمهاش انته كمان مش هقولك اعدل بينها وبين نورهان