لا اعتذر على الاخطاء الاملائية
________________
للحين و أنت اللي تجيني بالأحلام
لو ما أنت مثل اللي عرفته من أول
________
بارت يعوض السحبه
_______
جالس خلف مكتبه والقلم بين اصابعه يتحرك بعشوائية
بتمر قرابة الثلاث اشهر واخوه سائد مختفي .. ثلاث أشهر والتلميحات توصله من كل مكان وكل مكان يروحله يلقى به اثار سائد دون مايلاقي الجسم! حتى دم سائد لقاه بأحد الاماكن !
المصيبة انه عاجز يعرف عدوه ، من يقدر يخدره وياخذه من وسط شركته؟ من يقدر يخطف اخوه من وسط بيته؟ وش نوع العدو اللي مايترك اثر الا وهو قاصد؟
غمض عيونه وارخى جسمه على الكرسي ليثبت لدقايق على وضعه قبل لا يتنهد بضيق ويعتدل ماسح وجهه : راشد يسوي الهوايل والبلا يرجع بعياله
.. يارب لاتعاقبه بأخوي ذا مايهمه الا نفسه
اهتز جواله على الطاولة منور بأسم راشد ليرفعه بسرعه : آمر يبه
.. : عشر دقايق والاقيك بمكتبي
تقفل الخط بوجهه مخليه يشد على الجوال بقهر : متى يصير يحترمني!
حتى القهوجي مايعامله بذا الاسلوب
سكر اللاب ووقف طالع تحت انظار ولد عمه كيان اللي كاره ابوه وعمه مع بعض ويشوفهم كلاب للسلطة
وقف يسحب الجاكيت حقه ولحق سيف : انتظرني
تجاهله سيف لانه بينشب على كل حال
كيان صار جنبه : ماتعرف شوارعي المختصرة اوصلك بدقيقتين
ابتسم بالقوة كاسر تعب وجهه: الحين عمي يشوفك ويعطيك محاضره
كيان بلامبالاة : منت طالع منها .. رشودي بيطلعك عن دينك
اقسم بالله عائلة زباله
همهم بالموافقة وباله بمكان ثاني
_______
4:43م
وقت العصر - في سكن الثانوية
جالس عند رجول اخوه متمسك فيه ويبكي بتمثيل : تكفى تكفى اجازتي من المدرسة بتبدا وانا تعبان ووراي مسؤوليات ومواعد الاطفال بحاجات كثيره ولا وفيت
بليييز صقررر بس اسبوعين
صقر متكتف ويناظره ببرود .. ذا المشهد يتكرر قدامه 4 مرات بالاسبوع م وصارو 46 مرة للان : لا
عبس ببكاء صدقي : ياصقر انا موب ولد .. احتاج راحة جسمي متكسر وجدولي مليان مب لاقي وقت ارتاح
ارتفع حاجبه من المبالغة الي قدامه : تمرينك كله 3 من 24 ساعه!
ودوامك حتى لو تقومين الفجر حده 7 ساعات... يبقى 14 ساعة يوميًا وين تضيعينها؟
أنت تقرأ
همسة ألم
عاطفيةبنت بمدرسة عيال... رومنسي مدرسي اكشن انتقام كوميديا ((بنت تدخل مدرسة عيال عشان تنتقم من شخص يحبها..؟ ))
