هبدأ اكتب المحادثات بالعربي عشانكو :*
............
...
عارف اما الدنيا كلها تقعد تلف بيك . وجسمك متكونش حاسس بيه . البينج العالي و المستشفى القذرة هي مكان الالم ده . مش شايفة قدامي غير طشاش . بس سامعة صوت , صوت حد بس معرفش هو ايه ده . الصوت بقي عالي اكتر وكانه بينادي على حد . غمضت عيني عشان الرؤية الضبابية سببت الم قذر لدماغي .. حسيت بايد ناعمة بتملس على وشي .
جستن كان بيحب يعمل كده ..
جسمي اتشنج لما افتكرت جستن .. الانسان اللي معرفش هوا مين . مكنتش قادرة حتى افكر فيه . لاني لو فكرت احتمال اموت .
فتحت عنيا بعد شوية و الرؤية اتظبطت . و ياريتها ما اتظبطت .
شفت الجنة والنار اللي عشتهم ف وشه .. شفت الدحكة الملائكية و النظرة الشهوانية مرسومين على ملامحه . حاجة معرفش احس تجاهها ايه .
" انتي كويسة ؟ " كلمتين اثروا فيا اوي . فاكرين مثل يقتل القتيل ويمشي في جنازته . دفعة من الكره خلتني ابص بعيد عنه عشان مقتلهوش هنا .
كرهته لما اخد برائتي .. لما عاملني كساعة متعة وسابني . لما سابني على الارض الباردة عارية بعد ما تخلص من شهواته القذرة .
" ردي عليا يا حبيبتي " قال بصوت مكسور
حبيبتي ؟ .. كنت حبيبتك لما سلبت مني برائتي . كنت حبيبتك لما هشمت جسمي . بدأت صور اللي حصل تتابع في مخي . حسيت بالام مع كل لحظة بفتكرها . دموغي انهارت مقدرتش اتحمل .
عارف لما تموت بالبطيء ؟
" سارة " همس و بصيتله . عنيه العسلية اللي كنت بعشقها اتغطت بالدموع .
بيعيط ؟
ها ؟! ليه ؟
" سارة انا اسف . انا حيوان وحقير و سافل ، انا مكنتش في وعيي " قال و دموعه نزلت .
مكنتش عارفة استحمل كلمة تانية منه
" امشي " همست في وسط ما دموعي بتنزل . مد ايده عشان يمسحها
" متلمسنيش ي قذر !! " لقيت نفسي زعقت في وشه خليته يرجع مكانه .
" سارة انا مدمن "
جملة وففت قلبي عن النبض لثواني .. نفسي على جامد وقلبي وجعني جدا . جملة بحلم اني مسمعتهاش واني كنت بتخيل
مدمن ؟؟!!
بصيتله بكل مشاعر الدنيا الا السعادة .
" م-مدمن " قلت بصوت ضعيف .
" الشهرين اللي بعدت عنك فيهم . خرجت مع ليل و جاك . ويارتني معملت . جروني وراهم للقذارة دي لحد اما سكوتر جالي ايطاليا وعرف . سحبني من هناك على هنا . صحيت لقيتك جنبي .. نزلت و شربت و اتسطلت . مكنتش فاكر حاجة خالص بعد كده "
عارف لما يكون الكلام بيضرب سكاكين فيك . كل سكينة احد و اقوى من التانية . عارف لما حاجة تحصل تخليك تتمنى ان كل ده حلم وهتصحى ؟
اهو انا ف دوامة .. بفكر في حب حياتي اللي طلع ... مدمن . بفكر في برج بنيته بيتدمر . في حياة رتبتها بتتلخبط . في قلب عالجته واتكسر تاني .
عينيا غمضتها والدموع سالت اكتر . يا رب ..
" كان ناقصك ايه ؟ " سؤال بالنسبالي كان في منطقه في اللحظة دي .. انا اديته كل حاجة . سابني وابتسامته على وشه . ليه ؟ ليه يحط وباء المخدرات في جسده ؟ ليه ؟!
بصلي وعلى وشه نظرة عار وذنب . حتى عنيه معرفتش تقابل عينيا و دموعه نزلت اكتر .. المشهد ده ذاكرتي بتصوره و هيفضل طول عمره محفوظ .
" ا-اسف .. انا مش لاقي غير الكلمة دي ي سارة . يا سارة ا-انا بحبك .. مش قادر اصدق اني عملت كده !! اللعنة عليا وع المخدرات !! يارب اموت يمكن ترتاح-- "
" اخرس !! " صرخت بقوتي الضعيفة . يموت ايه ؟ يموت ايه ؟! لا !
انا بحبه !
بصلي بكسرة وقلة حيلة ..
" اوعى تدعي على نفسك بكده .. انا بحبك اوعى تسيبني "
قلبي نطق في الجملة دي . قلت اللي كان قلبي عايز يقوله .
" وانا كمان بحبك .. وهفضل طول عمري أحاول اني اخليكي تسامحيني .. انا بحبك اوي انتي روحي " قال وباس ايدي
الكلام ده زي ما يكون بيتسجل بشريط بداوي قلبي بيه
" جستن هسامحك بشرط " قلت وبصلي ببصة امل
اه هسامحه !
بحبه .. بحبه اوي على اني اكرهه . بحبه اوي مش قادرة اسيبه ..
اسيب ايه بس ؟ قلبي ولا روحي اللي بقوا متعلقين بيه . الدحكة ولا الدمعة اللي ممزوجة بوجوده . بحبه اكتر من نفسي . بحبه اوي لدرجة اني بتألم .
" ايه هو " قال وهو بيمسح دموعه بسرعة
" تبطل " قلت وانا ببص لعنيه العسلي اللي محمرة دلوقتي
اللعنة على قلبي اللي بيحبك اوي كده يا اخي ! اللعنة على روحي اللي ممكن تسيب جسدي وتجري وراك .. بحبك اوي
" هبطل .. هروح اتعالج وهروح مستشفى .. هعمل اللي انتي عايزاه . بس ماسبينيش " مسك ايدي وباسها ودموعه نزلت عليها
مسح دموعي بصابعه و بايدي مسكت خده وقربته ليا اوي
" مستحيل اسامح نفسي علي اللي عملته ! مش قاادر اسدق اني عملت كده .. يا رب كنت اموت قبل ما-- " سكتته بوضع صباعي على شفايفه . و انا بشوف دموعه بتنهار و انا مفيش في يدي حيلة اني اوقفهم .
" بحبك " همست وبسته . اتحركت شفايفنا في ايقاع متناسق . قبلات رقيقة ممزوجة بالدموع . اتنين واقعين في الحب و مش لاقيين مخرج .
هو ملاذي الوحيد ..
وانا ملاذه الوحيد ..
أنت تقرأ
Once in a Lifetime
Fanfictionحياتنا فيه مفاجآت كتير اوي .. منها الحلو ومنها الوحش بس هتعمل ايه لما تقابل حلم حياتك صدفة .. و فجأة تلاقيه بيتحول لكابوس مرعب .. دي قصة سارة . اللي لقت حياتها قلبت لجنة , وفجأة .. اتحولت لجهنم بس هيا ما استسلمتش .. لأن زي ما بيقولوا فيه بريق نور...
