اسبوع عدى بعد خروجي من المستشفى ، مفيش كسر ولله الحمد بس كله كدمات و خفوا الحمدلله . جستن راح اول يوم ليه للمستشفى عشان يتعالج .
قلبي بينبض من الخوف عليه ، علاج المخدرات صعب ، صعب جدا . لسة طالعة من المستشفى وبفتكر صوته ودموعه متراكمة في عنيه .
" اوعي تقطعي الزيارة ، انا خايف " .
حسيت بالذنب اوي لما سبته . بس قوانين المستشفى الغبية هي اللي خلتني امشي . كنت حاليا في نيويورك تايمز سكوير . بتأمل المدينة الصخبة و التقدم الحضاري اللي وصلت ليه البشرية .
بس فجأة
شاشة العرض الضخمة عرضت الخبر التالي :
" بعد ان وجد جستن بيبر في مستشفى لزيارة احدى الفتيات هناك . مر اسبوعين و توجه الى مستشفى للعلاج من الادمان .. جستن ؟ هل تخطط ان تتغير وتعيد الينا بيبر القديم ، امل ذلك "
كده الخبر اتنشر ، بصراحة مكنتش متدايقة لان حاجة كويسة ان العالم يعرف ان جستن بيتغير وهيبقى احسن .
بدأت اتمشى و اتمشى لحد اما عينيا لمحت احسن night club في نيويورك . دخلت ودي كانت من المرات النادرة اللي اروح ، خطوات اقدامي غير مسموعة في وسط الصخب العالي . ريحة الكحول اخترقتني و خلتني عايزة اسيب المكان.
بس انا نفسي ارقص ، اه ارقص
ناس كتير اوي في مصر كانت بتستهيف الرقص ده . شايفينه ست بترقص لاثارة الشهوة لا اكثر ، بس انا بحب الرقص لان جسدي بيخرج كل الطاقة السلبية اللي فيه بالرقص . بنسى كل حاجك و بسيب الموسيقى تخترقني وتحملني لعالم من اللامبالاة و السعادة .
توجهت لساحة الرقص و سمحت لانغام الميوزك تحرك روحي . حسيت ف الوقت ده اني سكرانة . مش بالكحول بس بالنشوة . عدت ساعة والتانية والتالتة لحد اما من التعب وقعدت ع البار .
" تطلبي ايه يا انسة " قال الbar attender
" pepsi " قلت وضحك الواد ضحكة خفيفة
جابلي الكانز وفتحته وشربت . وربنا احلى من الكحول اللي هما بيطفحوه ده .
بصيت ليميني ولقيت حد اعرفه كويس اوي .. مايكل .
" مايكل ازيك " قلت و بصلي .
" سارة ! اخبارك كنتي فين " رد مايكل وانا ابتسمت
" كنت عايشة "
" مالك ؟ "
" تعبانة لا اكتر "
" من ايه ؟ "
شعوري بالراحة نحيته خلاني احكي
" تعرف اما تلاقي نفسك ف جحيم وييجي اللي يمد ايده ويطلعك منها ، يرفعك لاعلى سما وفجأة يهبدك لسابع ارض " قلت بايجاز كل اللي عندي
أنت تقرأ
Once in a Lifetime
Fanfictionحياتنا فيه مفاجآت كتير اوي .. منها الحلو ومنها الوحش بس هتعمل ايه لما تقابل حلم حياتك صدفة .. و فجأة تلاقيه بيتحول لكابوس مرعب .. دي قصة سارة . اللي لقت حياتها قلبت لجنة , وفجأة .. اتحولت لجهنم بس هيا ما استسلمتش .. لأن زي ما بيقولوا فيه بريق نور...
