"من الحزن نحن قد نسينا كيف نضحك"
.
.
تركت الغرفة و توجهت للمصعد مرة اخرى!..
قد وجدتها في المصعد هي ذاتها..
دخلت المصعد قلت:يا طابق؟
اشاحت بنظرها وقالت:اﻻول
قلت:ماشي اني هم رايدة
ضغطت على رقم (1) تحرك المصعد ساد
الصمت نظرت لها بطارف عيني فعلت هي
ذلك ايضا قلت:احم اسف
قالت بتعالي:على شنو؟!
قلت بﻻ مباﻻة:ع البارحة
قالت:اعتذارك مقبول
قلت:يعني بعد ماكو شي بيناتنا مو
قالت:يي
قلت:ع فكرة...
افتتح باب المصعد قالت:يﻻ عن اذنك
قلت:اذنج وياج
خرجت من المصعد اشعر بالسرور ...
هناك (اشخاص) استئنائيوون..
يجعلونا نشعر(براحة) فور التكلم...
او (نحن) نحب حديثهم..
نعشقهم (بكل) مفاهيمهم..
(هنا) نحن نكون وصلنا مرحلة (الحب)•°
ذهبت للسيارة وقدتها وصوﻻ للشركة
سلم الجميع وبادلتهم السﻻم ايضا
وصلت للمكتب دخلت خلعت سترتي
وجلست على الكرسي اباشر باعمالي
طرق الباب ودخلت مي:صباح الخير استاذ
قلت:صباح الخيرات
-هاي الملفات ممم عدنة 3اجتماعات اليوم
-ماشي جيبي الملفات
-تفضل
-اوك شكرا
-ولو استاذ
كانت ستخرج لكن اوقفتها:مي مي اوكفي
-نعم استاذ امر
-اريد كوب كهوة
-هههه استاذ اعذرني..بس اشو مروق اليوم؟
-هههه عادي بس المشكلة ممتعودين انتو علية هيج!
-صراحتا مشايفة وجهك البشوش
-هيج تكولين!
-يي والله
-يﻻ كافي لغوة جيبي كهوة ورجعي لشغلج
-هههه حاظر
خرجت وباشرت باعمالي
(غسق)
خرجت من المصعد مهﻻ مهﻻ!..هل قلبي يخفق..ذلك الشعور مجددا..هل احببت من جديد؟..كﻻ هذا غير ممكن سازيل هذه اﻻفكار
-شبيج تحركين براسج عبالك جلب طالع من المي
-لككك
-آسف آسف
-ههههههه ليش اني اخوف
مسح بيداه في الهواء:الثور الهائج
-خلدووون
-اسف
الدكتور عبدالله:لك شبيك واكف هنا تكركر ولغوة متستحي ماعندك خوات ماعندك شغل وراك مو صوجك صوجي اني مضغطت عليك(هههه ابد مضغطت عليه)بس اعرف شغلي عدل
-ﻻ استاذ اسف اسف راح ارجع للشغل
ثم ذهب راكضا ضحكت وقلت:استاذ خطية قلبه طيب لتقسي عليه
-ديﻻ يﻻ لشغلج صدك خما بعدج ثايرة من بارحة
-هاي شبيكم
-العفووو
ثم ذهبت بسرعة:هاي شنو معقولة اني هيج اخوف ينراد فد يوم يطكولي صورة
سمعت صوتا:غسو غسو
-ها حبي سوس
-لج هذا الحجي شسمة المهم يريدج
-اها عمو عاادل
-يي هاذ
-ماشي حبي
ذهبت لغرفته فتحت الباب:هﻻووو عموو
-هﻻ بنتي ليوم وينج مفتقدج
-عمو والله جان عدي شغلي
-اها بنيتي
-ممم اليوم خل نلعب رياضة
-هههه بنتي اني مو مال رياضة!
ذهبت له وجعلته يجلس:ﻻ شلون الرياضة مهمة للجسم تنشط الدورة الدموية
-اها عمو
-يﻻ ارفع ايدك اي اي على كيف
وبدات افعل معه الحركات الرياضية
(ساامي)
كنت ارتشف القهوة واعمل طرق الباب مي مجددا:العفو استاذ ست ريفان برة
-شنو؟ريفان؟ماشي دخليها
-تفضلي ست
دخلت بغرورها المعهود:سﻻام
-اهﻻ
-شلونك!
-ماشي شعدج جاية
-خطيبي!
-باﻻسم بسسس
اقتربت مني امسكت بياقة قميصي:اريد احبك
امسكت بيدها ونفضتها بقوة رفعت اصبعي بتحدي وبتحذير:شوفي ريفان اني مجبور وخاطبج لتسوين حركاات سخيفة واﻻ...
-واﻻ شنو تعرف اذا فسخت الخطبة تخرب حياتك كولها
-طلعي برا
-ماشي اني هسة طالعة ﻻني اعرف متكدر تسوي شي
-طلعييي
خرجت فاغلقت الباب بقوة:حقيرة
من شدة العصبية ظربت يدي في الحائط فتلوثت بالجروح عدت للعمل
(غسق)
انهيت التمارين الرياضية مع العم(عادل)
توجهت للاستعﻻمات:هلو سهاد شفتيلي خلدون
قالت:ممم ييي راح من ذاك الممر ستوة جان هنا
-ماشي حبي شكرا
-ولو
تركتها وتوجهت للممر الذي اخبرتني عنه
بحثت وبحثت لم اجده فكرت ربما في غرفة الادوات توجهت للغرفة فتحت الباب ومشيت على اطراف اصابع قدمي سمعت صوته خلف الستارة مجددا
-يي حبيبتي بس هل شغل لعيونج شسوي دكتوري مخبل والله..اني هم احبج..يي..باي
ازلت الستارة:خلدووووون
-غسققق
-لك مصادق واني مادري
-ام سعدون.. هاي شنو شو كاعد احشش ااا يعني ..
-لك خاف دتلعب عليها يا اثول
-ﻻ لج والله احبها
-لعد؟
-امي متقبل بيها
-ممم هاي مشكلة يﻻ لتضوج تنحل كلشي ينحل
-يي
ظربت على كتفه:يﻻ خلودي البطل
-يي راح اروح ليتخبل عليه هاذ
-خلدوووون
-سمعتي خل اروح ﻻ انعلس
-هههههههههههه ماشي باي
خرجت من الغرفة ذهبت للاستعﻻمات وقفت اتكلم مع سهاد فجاة وقع نظري عليه عندما دخل المستشفى عيناي تابعته حتى دخل المصعد
يجب ان اكون بجانب اباه
-ااا سهاد باي
-لج شبيج
تجاهلتها وركضت الدرج ركضت وركضت بدات الهث رايت المصعد يصل اسرعت بالركض ودخلت غرفة العم واغلقت الباب
-يمممة يا ستار شبيج بنتي
-ااا ها عمو نسيت انطيك اﻻبرة
-ماشي بنتي
وقفت واخذت الابرة ﻻدخل الدواء في تلك اللحظة دخل هو بﻻ وعي وقعت عيني في عينه
لكن حركت راسي واستدرت قال:هلو بابا شلونك؟
-ماشي ابني
قلت: يﻻ عمو جيب ايدك
-يي بنتي
-ماشي خلص شغلي تصبح ع خير
-وانتي من اهلة بنتي
خرجت
(سامي)
فكرت ان اذهب ﻻبي قدت السيارة متوجها للمستشفى وصلت واخذت المصعد وصلت للطابق دخلت بدون ان اشعر وقع نظري في عينيها
ﻻحظت للتو ان عينيها بريئة لكن استدارت شعرت بنفسي ذهبت ﻻبي وقلت:
هلو بابا شلونك
-ماشي ابني
اتاني صوتها الطفولي الفوضوي:يﻻ عمو جيب ايدك
-يي بنتي
-ماشي خلص شغلي تصبح ع خير
-وانتي من اهلة بنتي
شعرت بضيق عندما قالت ستذهب لكن سادعس على نفسي لن اسمح لمشاعري ان تتطور اكثر
احيانا..اشخاص نحبهم لكن (نبتعد)
من اجل.. سعادتهم هم لا نحن
لكن..نحن من (سيتأذى)
ولكن..لن نستطيع ابعاد(القلب)•°
خرجت من غرفة ابي نزلت بالمصعد التقيت صدفة بها قلت:ااا انتي يبنية اسف متعرفنا
-ممم ييي اسمي غسق
صافحتها:واني سامي
قالت:شنو هاي ايدك
-يي حادث بسيط
-تعال ﻻزم نضمدها
-ﻻ ميحتاج هسة بالبيت...
-ﻻﻻﻻ ميصير تعال
سحبتني من يدي ضحكت ﻻسلوبها جعلتني
اجلس في غرفة ذهبت واحظرت قطن ومعقم وشاش ضمدت يدي وقالت:يﻻ بالسﻻمة
-تسلمين
-ولو
ساد الصمت قلت:ااا يﻻ ماشي تصبحين ع خير
-وانت من اهلة
ﻻ اريد اﻻقتراب اكثر ستكون في خطر خرجت للمنزل
تلك اللحظة التي نشعر(باﻻبتعاد)..!
في (قصة) لم تبدأ وانتهت..
ذلك (الشعور) بذاته سيسعى..
ليمزقنا (أربآ)•°
#يتبع>
