انا استمع..استمع لنبضات قلبك
انا استمع..استمع لكلماتك
انا استمع..استمع لكلمات عيناك
انا استمع..استمع لعطرك
.
.
(سامي)
وكأن صباح اليوم يختلف..!
اخبرت الخادمة ان تقوم بتحظير القهوة
استحممت وارتديت مﻻبس الخروج شربت القهوة
وكنت مستعدا للخروج اخذت مفاتيح السيارة
وخرجت للشركة وصلت صعدت للمكتب فتحت الباب تفاجئت بوجود تيمور في المكتب!
-انت شسوي هنا!!!
-شرفت
نهض وبدأ يتجول في المكتب:والله وخوش شركة حافظ عليها اريدها جاهزة مرتبة
-هه بابا انت تحلم!
-ﻻ وداعتك
-يﻻ كافي لغوة فارغة
-بالنسبه لغسق الحلوة...
لم ادعه يكمل وامسكت بياقة قميصه ضغطت على اسناني وقلت:اﻻ غسق فتهمت لو ﻻ تمس شعرة وحده منها متعرف شيصير بيك
-ههههه الظاهر غسق مو سوالف فارغة خوش ونسة لكيتلك
ظربته في وجهه:بعد لتعيدها ولتجيب غسق على لسانك الوصخ
-تظربني!!..اني اعلمك بعدين مو هسه
-يﻻ برة برررة
-هههههه الله ينطيك
صفقت الباب بقوة لن اسمح بان تمسها شعرة واحدة..
(غسق)
كنت اتمشى في الشركة لمحت خلدون تقدمت نحوه:-شخبار الطير الطاير
-عاشق و لهان
-هههههه دنجب هم طلع بيك خير تحب
-ديﻻ سندس شبﻻج لو ما انتي هم حابة
-اسكت وخليني
-ليش؟كلتيله؟
-ي
-وشكااال
-لطيف
-شنوو اللطيف
-سبونج بوب منو يعني؟!
-ي ادري شكال؟
-هو هم يحبني بس يخاف
-من شنو؟
-من اعداءة
-ديﻻ يمعودة
اعطيته ظربة على كتفه:تغاار مووو!
-ليش اغار؟اصﻻ اﻻعداء محلوين
-ديﻻ يﻻ عند عبدالله ههههههه
-دسكتي
بدا يعبث بشعري:لك وخررر اله شعري
-ههههه تكول شعر باربي
شعرت بيد تمسك معصمي وتسحبني نظرت ﻻرى سامي كان الشرار يتطاير من عينيه:هلو حبيبي
-هلو
قال خلدون:هﻻ بالضلع
نظر سامي لخلدون بعصبية
قال خلدون:اااا يﻻ اني اروح اصﻻ صاحني عبدالله ااا اي صاحني باي
ذهب خلدون:شبيك وي الولد
-شكو واكفه ويا وتتمضحكين
-ترة الولد صديقي!
-ماااكو صديقج شنو طرطور كدامج
-ساامي!
-شكو
-تغااار!
-ﻻ مو غيرة بس لتوكفين ويا بعد ولتضحكين ولتتشاقين بس ويايه
-هههههه يغاار فدوة
-سكتي
-علساس اني مضايجة بس ساكتة شلون وي ريفان!!!
-منين تعرفين اسمهه؟!
-ااا..مو ذيج المرة جيتوا وهي كالت اسمهه
-اها المهم اليوم رايح افصخ
-والشركة!والمصالح!
-كلها فدوة لعيونج
ازحت وجهي:ااا..شكرا اني اروح اشوف عمو
ثم ركضت للمصعد ضحكت على حركتها لحقت بها كان باب المصعد سيقفل لكن وضعت يدي لمنعه من اﻻقفال دخلت بجانبها:شكو شجابك
-اشوف ابوية غير شبيج مدقوقة
-مبيه شي
-غسوق
-نعم
-كولي ها حبيبي
-ﻻ بله
-ليش ما استحق
تقدمت امسكت بخصلة شعرها:غير احبج
ابعدتني:افصخ اول
-وراها تكليلي حبيبي؟
-افكر
-لعد ما افصخ واحب ريفان و....
امسكت بفمي بيدها:لتكمل بعد خلص اكول
-هههه تغارين هم
-اي اغار ما انكر مثلك يﻻ انفتح المصعد
خرجت وتركتني ابتسمت اسير خلفها بﻻ وعي
ف هي كعالم الفضاء تجعلني طائرا بﻻ جاذبية
ذهبنا لغرفة ابي قالت:
-صباحووو عمو
-صباح خير بنتي
-صباحو بابا
-هﻻ ابني شنو جايين سوة؟
امسك سامي بيدي:يي بابا من ورايح هاي مرتي
سحبت يدي وهمست:لك مو كدام ابوك
-ع الخير ابني جنت رايدهه من البدايه
اخفضت راسي قال سامي:عود خجلت ام راس
نظرت له بغيض:هه هه ميضحك
-احم غسق عود نسيتي الدوة
-ههههههه اسفة عمو
اعطيته اﻻبرة وقلت:يﻻ اني اروح وارجع بعدين ماشي عمو؟
-اوك بنتي
امسكت بمقبض الباب فتحته وخرجت
-بابا هسة ارجع
خرج خلفي سامي:غسق
-ها
امسك براسي وقبلني من جبهتي:ديري بالج ع نفسج
-اوك وانت هم
-احبج
-اني هم
-باي
-باي
عدت لغرفة ابي قال ابي:تحبها مو؟
-يي كولش مادري شلون خلتني هيج!
-ابني اكو ناس يدخلون الكلب بدون استئذان حتى احنة منعرف شلون نفس الشي صار وية امك
-الله يرحمهه بابا
-لو تدري شكد مشتاقلها كضيت عمري كلة ماباوع ع بنية ليش؟ﻻن احبها وماريد اخونها
-ﻻن حبك جان صادق صدك
-بالضبط
-يﻻ بابا اني اروح
-موفق ابني نصيحة دير بالك على غسق ترة خوش بنية
-طبعا شعرة وحدة متمسها
-الله يكويك
-تسلم بوية يﻻ باي
-الله وياك ابني
ربما اصابني خوف تجاه غسق بعد الكﻻم الذي سمعته من تيمور هل سأمارس هذا الحب
بخوف دائم..!
توجهت لمنزل ريفان ضغطت على الجرس فتحت لي الخادمة
-صباح الخير ريفان هنا؟
-يي استاذ سامي دقايق وتجي
-اوك
-تفضل
ذهبت وجلست على اﻻريكة منتظرا قدومها اخيرا اتت:هﻻوو حبيبي
اجبت ببرود:هلو
-اخيرا جيت مشتاقتلك
-ريفان كعدي عندي حجي وياج
-اكيييد شنو
انتزعت الخاتم وقدمته:اني جاي عمود نفصخ
-شنووو ليش؟
- ﻻن تعبت تعبت عﻻقه كلها برود وجمود اني ممجبور ادخل بهيج عﻻقه
-انت تدري شحيصير بالشركة والعقد ينفصخ مثل الخطوبة!
-يي ادري وماريد شي بعد هاج الحلقة وبعد ماعرفج بس صديقه
نهضت وقالت:ليش؟شنو الغيرك هيج؟هي مو؟حقيرة خطافة الرياجيل
امسكت بمعصمها:لجيبين طاريها ع لسانج خلي ننفصل بادب ماشي؟
-ماشي سامي ماشي تشوف
-باااي
تركتها وخرجت اخيرا تحررت من هذا السجن
توجهت للشركة دخلت مي:استاذ طلبتني!
-يي المناقصة انلغت
-يا مناقصة مناقصة بارتوكمان!!!
-يي انلغت وانفصخ العقد
-والمصالح!!!
-خل تولي تجي غيرها
-اوك هسة ابلغ اﻻعضاء
-ماشي شكرا
-تريد شي ثاني استاذ؟
-ﻻ شكرا
خرجت وباشرت باﻻعمال
(ريفان)
لقد فسخ الخطوبة كيف جعلته يفعل هذا؟لكن ساعيده مثلما اخذته مني اخذت حقيبتي والسﻻح وخرجت...
(غسق)
خرجت للمنزل اخذت تاكسي اعطيته اﻻجرة و
نزلت الظﻻم دامس اخرجت المفاتيح لكن افزعي صوته:غسق
-يممممةةة شكو شتسوي هنا
-تعالي
تقدمت حتى وقفنا في الشارع:شكو
-فصخت الخطوبة
-صددددك
-يي كليلي حبيبي
-احبك حبيبي♡
امسك يدي وقبلها:اني هم اعشقج جبتلج شي
-شنووو
اخرج صندوق من الورق:جبتلج كيكة
-هاي الي شكرااا
-متفيدني الشكرا
اشار لوجنته:بوسة
-ساامي!
-ترا ازعل واروح
قبلته من وجنته بسرعه:يﻻ زين
-ولو مشفت شي بس يﻻ
-هه هه
سمعنا صوت سيارات و انذار كانه انذار سيارة الشرطة وبالفعل كانوا الشرطة تقدموا نحونا
قال احدهم:نريد غسق محمد صﻻح
-اني هي تفضل!
-انتي مطلوبة بالمخفر
-شنوووو شمسوية اني
-بالمخفر تعرفين
سامي:لحظة لحظة شسالفة؟
-بالمخفر تعرفون
-ماشي جاي وياكم
-سامي!
-وياج حبيبتي
ذهبنا للمخفر ﻻ اعرف سبب وجودي هنا حتى قيدوا يداي بالكلبشات وضعوني في السجن الانتظاري حتى اتى المحقق اخرجوني قال سامي:شكو شسالفة؟
-غسق محمد صﻻح!
-يي
-انتي مقبوض عليج بتهمة قتل فرح ايمن نجيد
نظر لي سامي بصدمة
نظرت له بخيبة امل..
ليس كلما نعيشه..(واقع).!•°
ربما هو (واقع) مؤقت..•°
#يتبع>
