Hinagod siya ng tingin mula ulo hanggang paa ng lalaking natitiyak niyang utak sa likod ng lahat. Kung bakit kasi naglipana ang mga kriminal sa mundo. Pero kaagad siya ng natigilan pagkuwan.
Hindi ba't kaya siya naligaw sa resort na ito ay dahil sa balak niyang pagpaslang sa taong naging dahilan ng pagkamatay ng ate niya? Ano ang pinagkaiba niya sa mga masasamang taong nasa harapan niya ngayon?
Dumadagundong ang dibdib na na nakipagbuno siya ng tingin sa lalaki. Batid niyang nasa peligro ang buhay niya sa mga sandaling ito. Hindi rin nakaligtas sa paningin niya ang mga armas na hawak-hawak ng mga lalaking nakapaligid sa kanila. Nakadagdag din sa mga alalahanin niya ang biglaang pagdilim ng kalangitan.
May bagyong paparating alam niya iyon. Pero sa kagustuhan maisakatuparan kaagad ang mga balak niya ay hindi na siya napagtumpik-tumpik pa. Pero heto siya ngayon nanganganib ang buhay sa kamay ng mga masasamang nilalang na ito.
Tumayo ito at nagpalakad-lakad sa harapan niya. Maya-maya'y nilapitan nito ang dalawang tauhan at binigyan ng malakas na suntok sa sikmura.
"Mga bobo! Hindi ko sinabi sainyo na magdala kayo ng babae!" nakatiimbagang bulalas nito.
"B-boss, pasensiya na. Natunugan kami ng mga parak na nagbabatay roon, ginawa ko siyang hostage para matakasan namin sila," nahintatakutang katuwiran ng lalaking nagdala sa kanya.
"Ang laki mong tanga! Masisira pa ang mga plano ko dahil sa kabubuhan ninyong dalawa." sabi nito. "Nagawa niyo ba ang iniutos ko sainyo?" sa huli kumalmang tanong nito.
"Yes bos!" mabilis na tugon ng isa.
Inabot dito ang itim na bag na kaagad naman nitong kinuha. Maya-maya'y sininyasan nito ang isa sa mga tauhan na ipasok siya sa loob. Kaagad namang tumalima ang isa sa mga alipores nito at marahas na hinablot ang braso niya at sapilitan siyang pinapapasok.
Dinig na dinig niya ang pinag-uusapan mga ito mula sa labas. Lalong bumilis ng kabog ng dibdib niya. Kung hindi siya nagkakamali ay grupo ng malaking sindikato ang mga ito.
"Ayokong kumalat sa dyaryo ang pangalan ko. Alam mo na ang gagawin mo sa babaeng iyan."anito.
Pagkatapos ay inayos nito ang nagusot na damit at binigay sa tauhan ang itim na bag pagaktapos ay sumakay ng speed boat.
Dinig ni Rana ang papalayong ingay na iyon maging ang bigla ang pag-alog ng yate. Hindi maaari. Umaandar na ang yate. Saan siya dadalhin ng mga ito? Papatayin na ba siya ng mga kriminal na ito at itatapon sa dagat?
Oh my god! Nanginig sa takot ang buo niyang katawan sa ideyang papaslangin na siya mga ito. Hindi pa nga niya nagagawa ang mga balak niya ay mauuna pa yata siyang masawi.
Goodness, no! Mariing aniya sa sarili. Hindi siya puwedeng mawala sa mundo nang hindi naisasakatuparan ang mga balak.
Hinanda na niya sarili sa mga makahanap. Isa lang ang titiyakin niya. Hindi siya makakapayag na madungisan ang kanyang pagkababae.
Hindi naman siya nagkamali ng hula dahil maya-maya'y bumukas ang pinto at pumasok sa loob ng kabin ang lalaking kanina pa natatakam sa kanya. Mataman siya nitong tinitigan na tila pinag-aaralan ang bawat hubog at hugis ng kanyang katawan.
"Huwag kang lalapit!" Naalarmang aniya nang humakbang ito papalapit sa kanya.
Pero sa halip na sumunod ang lalaki ay nginisihan lamang siya nito ng may pangigil. Halata sa pangingislap ng mga mata nito ang nais mangyari.
Over her dead body! There's no way in her wildest imagination to let this brute asshole man touch her. No way!
"Sige, subukan mo ng makita mo ang hinhanap mong hayop ka!" aniyang itinutok dito ang baril.
