My Husband is a Mafia Boss (Season 3)

Chapter 9

Mikazuki's PoV

Umakyat ako sa rooftop ng hospital because this is the nearest quiet place I know at para lumanghap na rin ng sariwang hangin. I need to calm myself a bit dahil baka maubusan ako ng pasensiya kay Lovelle.

Pumunta kami rito sa Pilipinas para makapaghiganti si Roswell sa pamilya niya. Sang-ayon sina Mommy sa plano ni Roswell na gawin 'yon. In fact, willing pa nga silang magpadala ng mga tauhan nila kung kakailanganin ni Bullet ng tulong nila.

Kilalang-kilala ko si Mommy Angelique. Alam kong ipaliligpit niya kung sinuman ang hahadlang sa plano nila. And I'm a hundred percent sure na siya ang may gawa nito.

Mula rito sa rooftop ng hospital ay natanaw ko ang kotse ni Frederrick, 'yong tauhan nila Mommy na sumalubong sa 'min ni Roswell no'ng dumating kami rito sa Pilipinas.

I used to bring a gun wherever I go. Isa iyon sa mga bagay na natutunan ko kay Roswell. Nilagyan ko ng silencer ang baril habang tumatakbo ako pababa ng fire exit.

***

Frederrick's PoV

Lubha akong nagulat nang sabihin ni Madame Angelique sa kabilang linya na si Ms. Lovelle ang nasa ospital.

***

Maingat kong pinasok, sampu ng mga kasama ko, ang likod ng bahay na tinutuluyan nila. Pinigilan naming gumawa ng kahit na anong ingay dahil nandirito sa loob ng bahay si Mr. Yagami. Marahan namin siyang sinundan nang umakyat siya ng ikalawang palapag ng bahay.

"Mikazuki..." Saglit kaming nagkatinginan ng mga kasama ko nang kumatok siya sa isa sa mga kwarto habang tinatawag ang pangalang 'Mikazuki.'

Kumpirmado! Kwarto nga ni Ms. Yagami ang silid dahil bumukas ang pinto at may tinig ng babae.

"Bullet, bakit—"

"Can I borrow a blanket?"

"Huh? Sige, saglit lang. I'll get you one."

Nang maibigay na ni Miss Yagami ang kumot kay Mr. Yagami ay pinatay nito ang ilaw ng silid ni Ms. Yagami.

"Goodnight."

"Okay, goodnight." Mas pabor sa amin dahil hindi kami mapapansin ni Ms. Yagami.

Nang makababa si Mr.Yagami ay mabilis na naming pinasok ang kwarto.

***

[Kapag may nangyaring masama kay Lovelle, kayo ang isusunod ko!] Bulyaw ni Madame Birkins sa kabilang linya.

"Lubos po akong humihingi ng tawad, Madame. Makakaasa po kayong gagawin ko na nang maayos ang trabaho ko," sagot ko.

[Tonta!] Galit na bulyaw niya at saka ako pinatayan ng telepono.

Napailing ako bago sumakay sa kotse.

"Don't dare move an inch."

Nanlaki ang mga mata ko nang may marinig akong tinig ng isang babae mula sa likod ng driver's seat. Pinagpapawisan ako ng malamig at nanunuyot ang lalamunan ko dahil sa matigas na bagay na nakatutok sa likod ng ulo ko.

"Ano'ng ibig sabihin ng tattoo sa kamay mo?" tanong niya. Puno ng awtoridad ang boses niya at alam kong anumang oras ay kakalabitin niya ang baril na hawak niya.

Ngunit ganoon din ang mangyayari kung sasabihin ko ang kahulugan—

"I will spare your life kapag sinabi mo sa 'kin ang tungkol dito."

Nagdadalawang isip ako ngunit hindi masamang umasa.

"B-Black S-sinister..." Dumilim ang buong paligid kasunod ng mga binitawan kong salita.