My Husband is a Mafia Boss (Season 3)

Chapter 11

Mikazuki's PoV

Dumukot ako ng isang piraso ng potato chips at saka isinubo habang nakapangalumbaba sa harap ng screen ng laptop. kaunti na lang at pati ako ay maniniwala na ring suicide ang nangyari kay Venom. Wala akong mapansing kahina-hinala rito sa video.

"Have you seen my laptop?"

Ni-remove ko kaagad ang flashdrive kahit wala pa sa safe mode at mabilis kong isinara iyon nang makita ko si Bullet na bumaba mula sa hagdan at magtanong bigla. Kumunot ang noo niya habang nakatingin sa 'kin kaya dahan-dahan kong itinago sa likod ko ang isang kamay kong may hawak ng flashdrive.

"What did you hide just now?" tanong niya.

"Huh? Wala ah," tanggi ko at saka iniba ang usapan. "Aalis ka ba ngayon?" I looked away dahil mas makikita niyang nagsisinungaling ako kapag tiningnan niya ako sa mga mata.

"Tsk." Nag-umpisa siyang maglakad palapit sa 'kin kaya pinilit kong isuksok ang flashdrive sa pagitan ng sandalan at upuan ng sofa. Magkasya ka naman please!

Bago pa tuluyang makalapit si Bullet ay mission accomplished na ako sa pagsususuksok ng flashdrive sa sofa. Tumayo kaagad ako at lumayo nang nakalagay pa ang mga kamay sa likod para isipin niyang hawak ko pa rin kung anuman ang itinatago ko.

Gusto kong tumawa nang malakas no'ng tumigil si Roswell sa paglapit sa may sofa at saka tumingin sa gawi ko nang nakakunot ang noo. Siguradong lalapit siya rito sa 'kin at pipiliting kuha—

My eyes widened when he lowered down a bit and extended his arm para abutin ang sofa na inuupuan ko kanina. Shit! Alam niya?

"Tss."

Yumuko ako nang makita kong hawak na niya ang flashdrive na itinago ko. Binuksan ni Bullet ang laptop at saka inilagay ang flashdrive. Isa-isa niyang tinitingnan ang mga video habang nakakunot ang noo. Naglakad ako palapit at naupo sa tabi niya.

"Roswell, bakit ka nga pala nandoon sa condominium?"

Nakasuot pa siya ng pang-pulis na damit. "Ikaw, bakit ka nandoon?" tanong niya without breaking his gaze on the screen.

"I—I was just—" Hindi ko alam kung ano'ng isasagot ko kaya ibinalik ko ulit sa kanya ang tanong. "Teka, bakit ba ako ang tinatanong mo? Ako ang nagtatanong kanina ah!" sagot ko with a galit-galitan tone.

"I was investigating." Tiningnan ko siya nang seryoso, or should I say hindi ako convinced sa sagot niya kaya gusto kong makita ang facial expression niya if he's telling the truth.

"Ano naman iniimbestigahan mo?" I asked. Paminsan-minsan ay tumitingin ako sa screen ng laptop dahil hindi maalis ang tingin niya rito.

Wait—

"May kinalaman ka ba sa pagkamatay ni Bryan Lim kaya ka nandoon?" diretsong tanong ko sa kanya. Hindi niya ako sinagot dahil nakatutok pa rin siya sa screen ng laptop.

Pinapanood niya ang mga footages na nakuhaan sa parking area ng condominium. "Pinaghinalaan ko rin kanina 'yang delivery boy ng pizza kaso thirty seconds lang naman ang itinagal niya sa loob eh tingnan mo," I stated habang tinuturo sa screen ang pagpasok ng delivery boy sa loob simula no'ng buksan ang pinto.

I frowned when I saw a little but dangerous smile drawn on his lips. Ano'ng ibig sabihin no'ng mga ngiting 'yon? Ugh! Kapag si Roswell talaga ang kasama ko, pakiramdam ko, ang bobo ko.

Inirewind niya ang video an hour before dumating ang delivery boy. "Roswell, wala tayong makikitang kahina-hinala d'yan promise tingnan mo walang—"

"Take a look at the time." Ifinocus ko ang tingin sa oras na nasa bandang ilalim ng video. Nagulat ako at bahagyang nagtaka nang mapansin kong nag-skip ng isang minuto ang video. Hindi mo kaagad mapapansin 'yon kapag sa mismong video footage ka nakatingin dahil parehas na parehas ang angle ng camera.