My Husband is a Mafia Boss (Season 3)

Chapter 12

Amber's PoV

Ibinato ko ang Chanel bag ko sa upuan sa sobrang inis. Akala naman niyang Grayson Boulstridge na 'yan, ikinagwapo niya ang pagkakaroon ng girlfriend. Psh! Doon na siya sa babaeng wala pa sa kalingkingan ng kagandahan ko!

Padabog akong umupo sa sofa at nagsindi ng isang stick ng Capri cigar to relieve my stress. "Oh, Twin Sis, bakit mainit ang ulo mo?"

"Hindi mainit ang ulo ko, okay? Naiinis lang ako sa mga taong walang ibang inatupag kung hindi lovelife," sagot ko.

I puffed my cigar with poise, of course. Alam mo kasi, ang mga tunay na magaganda, kahit nasaan ka, you have to be beautiful.

"Pft. Si Boul na naman 'yan 'no? Bakit ba kayong mga babae, ang hihilig niyo sa pangit," iiling-iling na sabi niya. "Tingnan mo kasi 'tong mukha ko. Ganito dapat ang pamantayan mo sa salitang gwapo."

Inalis ko ang suot-suot kong Chanel na five inches ang taas at saka ibinato sa kanya. "Lumayas ka nga rito! Mas lalo akong nai-stress kapag nakikita kita."

Pero umilag siya kaya imbis na sa kanya tumama ay nasalo ni Papa ang sapatos.

"Whoa! Anak ng tatay niyong gwapo talaga kayo. Nag-aaway na naman kayong dalawa. Wengya!" Lumundag si Azure mula sa likod ng sofa para maupo. "'Yan kasing si Amber, Papa, porket brokenhearted kay Boul, dinadamay ako."

Binato ko ng unan si Azure na sinalo lang niya.

***

Kaizer's PoV

"Sabi nang huwag mong babanggitin sa 'kin 'yang pangalan na 'yan eh. Eh ano naman ngayon kung may girlfriend si Grayson? Mukha ba akong affected? Hello! Sa ganda kong 'to na pantasya ng lahat ng kalalakihan, magpapa-apekto ako sa kanya? Excuse me, pero N-O!"

Pft. Wengya! Nagkatinginan na lang kami ni Azure dahil sa sinabi ni Amber. At hindi pa talaga siya apektado sa lagay na 'yan ah.

"Hindi ka nga apektado, Sis."

Naupo ako sa tabi ng anak kong si Amber at saka siya inakbayan. "Alam mo, anak? Bakit hindi mo gayahin ang Mama niyo? Humaling na umaling 'yon sa tatay niyong gwapo noon. Wengya! Gustung-gusto niyang lagi kami magkasama."

"Oh ano na naman bang ginagawa mo ritong unggoy ka?"

Mabilis kong ibinalik ang dala kong bouquet ng bulaklak sa kotse. Anak ng tinola! Sino'ng nagsabing kapag gwapo, hindi takot magtapat ng pag-ibig?

"Mainit na naman ang ulo mo, tomboy! Kinukumpleto ko lang ang araw mo. Alam ko namang kulang ang araw mo kapag hindi mo ako nakiki—mmmm."

Putek! Hindi pa ako tapos magsalita, naisungalngal na sa bibig ko ang saging na hawak niya.

"Sabi ko naman sa 'yo, huwag kang magpapalipas ng gutom at naaapektuhan pati 'yang utak mo. Sige na, lumayas ka na. Naiinis ako sa pagmumukha mo."

Tumayo ang gwapo kong anak na si Azure na s'yempre, manang-mana sa 'kin―lamang nga lang ako ng limang paligo―para kumuha ng maiinom namin.

"Pft. Pero Papa, simula pa ba noon, mabagsik na si Mama?" tanong niya sabay hagis sa 'kin ng beer in can.

Pft. Natawa ako sa tanong niya. "Hindi, sus! Napaka-clingy sa 'kin niyang Mama niyo. Kung sabagay, hindi naman natin siya masisisi. Gwapo tatay niyo eh. 'Di ba?"

Mabilis akong nagtago sa likod ng isang mannequin no'ng lumingon si Andrea sa gawi ko. Lintek! Mahuhuli pa yata akong sinusundan ko siya. Kanina pa talaga ako nakasunod. Bakit masama ba?