find my life (Arabic)

chapter 20

Find my life
Chapter 21
جودي نزلت من الطيارة و خرجت لقت مامتها و باباها و رامي و شهد مستنينها
شهد اول لما شافت جودي جريت عليها و حضنتها جامد
شهد: وحشتيني يا جزمة
جودي : وانتي يا ام لسان طويل
كملت جودي وشهد معاها و وصلت لمامتها و باباها و حضنوها جامد
رامي: ايه دا هو انت لما تسافري ترجعي اطول مني
جودي: اولا انا مش اطول منك انا طولك و بعدين انا لابسه كعب
رامي : يخرب بيتك انتي لابسة كعب اطول منك
جودي: على فكرة انا مش قصيرة اوي انا كنت اقصر منك بحبة بسيطة انت هتزيط فيها
رامي: هههههههه وحشاني يا قردة
جودي حضنته
رامي: طبعا جيبالي معاكي هدية لأخوكي حبيبك
جودي: هههههه ولا اعرفك
شهد: ايه دا هو ايه ال في دراعك دا
جودي: ا.... ولا حاجة ولا اي حاجة وغمزتلها ....دخلت جودي ايديها جوا القميص عشان اسم جاستن ميبنش
...... في البيت كلهم
جودي: اه انا اوضتي و حشتني اوي انا طالعة شهد تعالي معايا
طلعوا الاوضة و جودي قفلت الباب
شهد: احكيلي بقا ايه الحصل معاكي
جودي: قبل ما احكي اي حاجة خودي اتفرجي على دا
شهد : ايه دا
جودي: شغلي الفديو و اتفرجي و انتي ساكتة
.......... بعد لما الفديو خلص
شهد: الله يخربيت اممممك عملتيها ازاي دي
جودي شاورت بصباها : بقولك ايه ملكيش دعوة ب امي
شهد: احكي كل حاجة بالتفصيل
جودي: ..............
شهد: يلاهوي عليكي انتي و هو ...وانتي موافقة
جودي: دا سؤال يتسأل دا انتي زكية اوي .... انا بحبه اوي يا شهد
شهد: ان
Well, let me tell you a story
About a girl and a boy
He fell in love with his best friend
When she's around, he feels nothing but joy
But she was already broken, and it made her blind
But she could never believe
That love would ever treat her right
Did you know that l loved you or were you not aware?
You are the smile on my face
و اخيرا جودي لقت الموبيل و ردت
......: جودي طمنيني عليكي عاملة ايه
جودي: جاستن وحشتني اوي
شهد: جاستن بجد هو المعاكي
بصت جودي لشهد: يا بت اتهدي
جاستن: و انتي كمان وحشتيني اوي اوي انا فعلا مفتقدك
جودي: وانا والله ا
جاستن: صوتك مش واضح
جودي: ممعلش ال network ضعيفة اوي ثواني ....كدا سامعني
جاستن: اه كدا كويس
جودي: انت عامل ايه
جاستن: كويس انتي عاملة ايه المهم
جودي: ممم كويسة وفرحانة اني سمعت صوتك
شهد: مهو انتي ممكن تشغلي اغنية تسمعي فيها صوته عادي يعني
جاستن: من الواضح ان صاحبتك رخمة
جودي: معلش يا جاستن ثانية
جودي: اخرسي خالص و مسمعش صوتك لحد لما اخلص
جودي: ايوه يا جاستن معلش
جاستن: لا ولا يهمك انا اتصلت اطمن عليكي انتي وصلتي البيت
جودي: اه انا في البيت
جاستن: طب كويس حمدالله على السلامة انا مش هطول عليكي عشان انتي اكيد راجعة تعبانة و عيزا ترتاحي سلام
جودي: ماشي بس صدقني صوتك هو الراحة
جاستن: حبيبتي يلا تصبحي على خير هكلمك بكرا
جودي: ماشي تصبح على خير
شهد: انا همشي بقا و هبقا اجيلك
جودي: ماشي سلام
دخلت جودي تنام بعد تعب من السفر
........بعد مرور اسبوع في مصر و جودي بتكلم جاستن كل يوم وكانت بتحاول تقول لاهلها بس مش جيلها الجرأة
دخلت جودي على رامي و هو قاعد في اوضته
جودي: رامي خد اتفرج على دا
رامي: ايه دا
جودي: مممممم فديو كدا من كاليفورنيا اتفرج و نادي عليا قولي رأيك
خرجت جودي من الاوضة
بعد مرور دقايق ...
رامي: جووووووودييييي
قامت جودي مفزوعة و بتجري فتحت الباب على رامي
الام: ايه يا رامي في ايه
رامي: مفيش حاجة يا ماما دا انا عايز اقول لجودي حاجة و ناديت كتير بس مسمعتش ورفع حاجبة شدها من ايديها دخلها الاوضا وقفل الباب
رامي: دا انا هطلع عين اهلك
جريت جودي في الاوضة و رامي بيجري وراها وطلعت على السرير
جودي: طب اسمع بس وافهم
رامي: افهم ايه انا معنديش استعداد افهم جاستن بيبر يخربيتك ...وكمان يتجوزك هو انا عمري طقته
جودي: هو انت مالك بتتكلم على جاستن زي ما يكون بيلعب معايا صلح قدام البيت وبعدين هو انت الهتجوز ولا انا ومش مهم انت تطيقه المهم انا اطيقه
رامي: دا على جوستي
جودي: رامي عشان خاطري انت طول عمرك مبتحبوش ومدتش لنفسك فرصة تعرفه انت لو عرفته شخصيا كمان هتحبه اوي والله انا لما عرفته بجد مش كإني بليبر زي كل السنين الفاتت فهمته اكتر وح.. واحترمته اكتر
رامي: كويس انك لسا فاكرة اني اخوكي بس اظاهر ان قعدتك في كاليفورنيا نستك انك مصرية و ان بابا القاعد برا دا مش هيسيبك تدوري على حل شعرك زي البنات ال هناك
جودي: رامي ايه ال انت بتقوله دا انا لو ناوية كنت عملتها من باردي و على فكرا جاستن الاول كان فاكر ان انا زيهم بس بعدها عرف اني لسا بحترم عادات و تقاليد بلدي و محافظة على تربيتي فا احترمني واحترم عاداتي معايا
رامي: خلاص متزعليش
جودي: طب ممكن تقول لبابا وماما انا مش عارفة اقولهم
رامي: بوصي ماما اوك بابا مستحيل
جودي: طب قول لماما وبابا يحلها ربنا
...... بالليل
الام: جودي تعالي
جودي: ممم ايوه يا ماما
الام: اقفلي الباب وتعالي عيزاكي
جودي: فهمت ان شكل رامي قالها مكنتش متوقعة ان بالسرعة دي
الام: انتي ليه مقولتليش ان جاستن اعجب بيكي
جودي: انا بعد لما حكتلك اني مشرفة النفسية بتعته كنت هقولك بس بابا جه رجعت بعديها حاولت بس كنت بتردد فا قولت لرامي يقولك لاني مش هينفع اخبي اكتر من كدا
الام: انتي بتحبيه
جودي: الصراحة اه بقا
الام: جودي جاستن مش شبهنا ولا احنا شبه وبعدين انا خليتك تسافري برا عشان تشتغلي مش ترجعيلي تقوليلي معايا عريس
جودي: يا ماما انتي مش ديما تقوليلي عيزا اشوفك عروسة و افرح بيكي ما اهو
الام: مش جاستن انت مش بتتكلمي عن واحد زميلك في الجامعة ولا جارنا انا صحيح مليش علاقة بالنت و الفيس ومش متابعة لاكن عارفة يعني ايه جاستن بيبر
جودي: يا ماما انتي مش ديما كنتي تقوليلي لو جالك انسان يحبك و يخاف عليكي هكون مطمنة عليكي معاه وغلوتك عندي بيحبني
الام: يا جودي مش شبهنا
جودي: ماما متجننيش انا مش بنقي بلوزا ع بنطلون
الام: طيب سيبك مني ابوكي هيوافق
جودي: طب وافقي انتي عشان خاطري عشان يبقا فاضلي اقنع واحد بس وغلاوتي عندك يا ماما انا هبقا سعيدة
الام: طيب
جودي: عيزاكي تقولي ل بابا انتي بتعرفي تتفاهمي معاه انتي بس فاتحيه في الموضوع و انا هتكلم معاه بعدها
الام: طيب روحي نامي وانا هكلمه
جودي: ربنا يخليكي ليا يا احلي ماما في اادنيا
الام: على فكرا انا مش مقتنعة بس خلينا ورا الكداب لحد باب الدار
جودي: ماشي
.....دخلت جودي تنام وكلمت جاستن قالتله انها بدأت تقول في البيت وبعدها نامت
....... في صباح اليوم التالي
الام: جودي جودي يا بت كفاية نوم
جودي : ايوه يا ماما قايمة اهو
قامت جودي غسلت وشها و سنانها و نزلت على الفطار
جودي: صباح الخير بابا
الاب بصوت حازم جدا: صباح النور
جودي بصت لرامي رامي بصلها و عوج بوقه
جودي بينها و بين نفسها : يا ليله سوداا
خلص الفطار و جودي مكلتش اوي لانها كانت بتفكر
طلعت اوضتها وقررت تروح لشهد
لبست هدومها و نزلت : بابا في مشكلة اروح لشهد
الاب: لا بس متتأخريش و انا نازل الشغل لما ارجع عيزك في موضوع
جودي: طيب
جودي فهمت و اتأكدت انها لما هترجع باباها هيفاتحها في الموضوع دا
نزلت جودي و راحت لشهد
شهد: جودي ايه المفاجأة الحلوة دي حماتك بتحبك تعالي افطري ولا اقولك باتي بتحبك بقا
جودي ضربتها : اتلمي
شهد: وانا قولت حاجة الله ...تعالي افطري
جودي: لسا فاطرة
شهد شدتها من ايديها: تعالي بس
دخلت جودي لقت الطربيزة عليها فول و طعمية و جبنه
شهد: بزمتك الفول موحشكيش
جودي: ههههههههه وحشني اكيد
شهد: طبعا هناك في كاليفورنيا مفيش الحجات دي
جودي: انا بقيت شبه قالب الجبنة من كتر التوست و ااجبنة و اللانشون
شهد: هههههههه انتي مسخرة ...جودي تصوري جاستن شاف السفرة دي
جودي: لا لا
شهد: طب بلاش دي تصوري داق الفول كل فول
جودي: ههههههههه بعد الشر عليه يا ماما الناس دي معدتهم متستحملش الحاجات دي يكلوت توست و جبنه بطاطس سلطة خضراوات steak
لاكن فول دا للزينا احنا
شهد: اه يا جاستن لو تيجي تشوف
جودي: نتلم بقا ولا ايه
شهد: طب صحيح قولتلهم ولا لا
جودي: انا اتكلمت مع رامي و ماما و شكل كمان ماما قالت لبابا و بابا قال انه عايز يكلمني بالليل
شهد: ربنا يستر
.........قضت جودي النهار كله عند شهد
جودي: انا همشي بقا يلا باي
شهد: سلام وسلميلي على حبيب القلب
جودي: انتي بذات متتكلميش هقول لحسن
شهد: هههههه ماشي بس بزمتك مش حبيب القلب
جودي: حبيب قلبي و روحي كمان سلام
....... روحت جودي
جودي: ازيكوا عملين ايه
العائلة: كويسين
قام رامي و عمل انه داخل يشرب و في ودن جودي: قابل يا معلم
جودي: ايه في ايه
رامي: ليلتك عسل
جودي: مهو حاسة
الاب: جودي تعالي اقعدي عايز اتكلم معاكي
جودي: خير يا بابا
الاب: جودي ماما ادتني فكرة عن موضوع المغني دا
جودي: مممممم جاستن
الاب: اه ......اناىعايز اسمع منك
جودي: مفيش يا بابا انا حصلت الصدف بقيت المشرفة النفسية بتاعته الاول كان الموضوع سري عشان الناس و الصحافة و كدا بعدها هو اعلن ان عنده مشرفة نفسية و بعدها قالي انه معجب بيا و بعدها طلب مني الجواز
الاب: انتي شايفة ان دا ينفع
جودي: الحقيقة رأي. انا ان مفيش مشكلة
الاب: وان كنت انا مش موافق
جودي: طب ليه بس
الاب: جودي انت سافرتي عشان تشتغلي و وانا لايمكن اخليكي تتجوزي الواد الملزق دا
جودي: بابا لو سمحت متقولش عليه كدا و حضرتك متعرفوشو مدتش لنفسك فرصة تعرفه صظقني لو عرفته هتحبه
الاب: وانت عيزاني اسيبك تتجوزي واحد حياته كلها مكونة من بنات وشرب و رقص و مسخرة
جودي: و مين ال قال كدا اولا هو لو عايز حياته كلها تبقا مليانة بنات كتير مكنش طلب الجواز هو استنى السن المناسب اليتجوز فيه وهو شافني بنت مناسبة و اختار انه يكمل حياته معايا وعلى فكرا جاستن بطل الشرب و وعدني بكدا و الرقص مفيش مشكلة لما الانسان يبقا فيه جزء ترفيه في حياته لاكن هو عنده شغل زي كل الناس الغنى و ال business
قام يوسف متعصب : مممم طب لما يحي يطلبك من اهلك هيجي عشان يطلبك
جودي: اه هو هيجي بيتي ال هناك و يطلبني منكوا عادي مفيش مشكلة
الاب: جودي بيت اهلك هنا بيت اهلك دا و هيفضل دا .
جودي: يا بابا حضرتك ليه بتصعبها عليا بس
الاب: ..وبعدين اصلا حتى لو هو هيجي انا مش موافق
جودي: بابا جاستن انسان طيب جدا حضرتك متعرفش عنه اي حاجة حتى مشوفتلوش إلا صورة واحدة تقريبا
الاب: و منش عايز اعرف
جودي: يا بابا
الاب: انتهى الكلام في الموضوع دا جواز من جاستن لا
اتعصبت جودي و طلعت اوضتها قفلت عليا
خبطت ياسمين
جودي: خشي يا ماما
الام: ياريت تعقلي بقا عشان ابوكي متعصب على الاخر
جودي: هو انا عملتله حاجة و بعدين هو برده المتعصب
الام: قلتلك مش هيوافق
جودي: انا مش هعمل حاجة انتوا رفضنها لاكن انا بقا مش هتجوز خالص هفضل قاعدة على قلبكوا مش هتجوز حد غيره يا هو يا مفيش
دخل الاب: انتي بتتحدينا
جودي: انا متعودتش اتحداكوا و متربتش على كدا و معرفش اتحظاتكوا اصلا انا لو هتحداكو فعلا اكيد اسهلى اتجوزوا و انتوا مش موافقين عليه بس انا مش هتجوز حد غيره الجواز نش بالغصب
الاب: انا هسيبك تهدي وهعتبر نفسي مسمعتش الكلام دا
الام: يا بنتي اغزي الشيطان
جودي: يا ماما افهميني بقا انا اخترته عشان بحبه هو ايه المشكلة لما اخطار البني ادم ال اكمل معاه حياتي مهو انتي و بابا اخترته بعض و كل اتنين اتجوزوا او اغلبية ال اتجوزوا اختاروا بعض .... كتير عليا اكمل مع ال حبيته ..... انا عارفة انه مش زي اي حد وانا نفسي مش مصدقة ان كل دا حصل بس انا بحبخه و هو بيحبني و هيتجوزني فين المشكلة يا ماما
الام: جودي شيلي كل دا من دماغك عشان انتي مش هتجوزيه فا احسنلك تنسيه ... تصبحي على خير
جودي: انسا ايه بس هو انا سلمت عليه صدفة في الشارع اووووف
موبيل جودي رن و كانت رايا
رايا: ايوه يا ندلة كدا تسافري من غير ما تقوليلي
جودي: جت كدا بقا
رايا: عاملة ايه عايز احكي معاكي اد كدا
جودي: طب بقولك هديكي نمرة تانية عشان موبيلي بيفصل خودي النمرة......
اتصلت رايا على النمرة التانية
رايا: بقولك انا نفسي اجي مصر و اتفرج عليها ينفع اجي في فترة اجازتك عشان انتي المصرية الوحيدة ال اعرفها
جودي:طبعا في اي وقت .... قوليلي اجي اخدك من المطار لما تيحي
رايا: اديني العنوان بالظبط وانا هاجيلك البيت مش عندك في مصر تاكسي
جودي: اكيد
رايا: خلاص اجيلك انا
جودي: طب خودي....
بعد بكرا هتلاقيني عندك اول لما اظبط ورقي هاجي
جودي: تنوري
رايا: يلا تصبحي على خير
.......... واليوم البعده مر عادي وجودي قاعد مديقة و بتحاول تقنع اهلها بس ليا مفيش فايدة عدا اليوم جه اليوم البعده و رايا جت
عرفت جودي رايا لمامتها و قالتلها انها سكرتيرة رامز
قضت رايا اليوم كله مع جودي من اوله وكانوا بيهظروا و بيضحكوا وكلموا جاستن
جودي قفلت الاوضة عليهم بالمفتاح
جودي: هاي يا حبيبي
جاستن: وحشتيني اوي يا جودي انا عايز اشوفك بقا مش قادر استحمل
جودي: والله و انت كمان وحشتني اوي وانا هموت و اشوفك
جاستن: ايه اخبارك و عملتي ايه مع بباكي و مماتك
جودي: انا تمام تعرف مين معايا السبب الاساسي في ظهور برأتي رايا
جاستن: رايا مين
جودي: رايا يا سيدي سكرتيرة رامز و صحبتي و هي الخلتني اخد نسخة من على سستم كاميرات المراقبة
جاستن: ادهاني
جودي: رايا خودي
رايا و جاستن اتكلموا و اتعرفوا على بعض و جاستن خد نمرتها و بقوا صحاب
جودي: طيب انا هقولك سلام عشان انزل اوصلها
جاستن: هتوحشيني اكتر ما انتي وحشاني
جودي: وانت كمان يلا هانت كلها يومين
جاستن: سلام
جودي: سلام
نزلت جودي و صلت رايا و رجعت نامت
......بعد مرور يومين
جودي بتحضر حاجتها عشان مسافرة تاني يوم كانت زعلانة و فرحانة في نفس الوقت. فرحانة انها هتشوف جاستن و زعلانة انه لما هيفاتحها في موضوع الخطوبة مش هتعرف تتكلم ولا هتقول ايه
تليفونها رن و كانت جينيفر
جينيفر: هاي جودي ايه اخبارك و حضرتي حاجتك ولا لا
جودي: اه حضرت الشنطة خلاص
جينيفر: انتي وحشتيني اوي و جاستن هيتجنن عليكي
جودي: وانتوا كمان والله وحشتوني جدا
جينيفر: ايوا ياعم هتشوفي جاستن بكرا
جودي: والله يا جينيفر مش عارفة افرح ولا احزن
جينيفر: ليه كدا
جودي: انتي نسيتي اتن ماما و بابا مش موافقين على خطوبتنا بسبب ام التفكير سوري المتخلف دا لما اقابله و يسألني هقوله ايه انا لو عليا اسافر حالا و الخطوبة تتعمل بس .... وخايفة لما اروح جاستن يقولي خلاص نتجوز احنا انا مقدرش اخد خطوة زي كدا في حياتي و اهلي مش راضيين عنها الاختيار صعب اوي ي ي ي ي ي ودماغي هتفرقع من التفكير
جينيفر: اهدي يا جودي و مسيرك هتلاقي حل
جودي: عارفة يا جينيفر يعني ايه الظروف تحطك في اختيار بين عيلتك و حب حياتك
جينيفر: احساس زفت ... بس اطمني وربنا هيحلها
جودي: يا رب هقولك سلام عشان انزل الشنط تحت وانام عشان ابقا فايقة
جينيفر: سلام هنستناكي بكرا في المطار باي
حضرت جودي شنطتها و بتنزلتها عند الباب تحت
الاب: ايه دا يا جودي
جودي: شنطتي مهو انا مسافرة بكرا حضرتك نسيت ولا ايه
ملامح وش يوسف اتغيرت و رفع حواجبه: مفيش سفر
جودي:..........
Be Continue#
------------------------------------------------------
يا رب الشبتر يعجبكوا
انا تعبت من ااكتابة كان نفسي اعملهولكوا اطول بس دا القدرت عليه
رأيكوا بليز و vote لو عجبكوا